Q8Ping
مقالات مشابهة
بعد ان قرأت كثيرا عن التصوير وستشرت الكثير (اضغط هنا) قمت بطلب (Canon 60D) وهي من روائع كانون الاحترافيه .. بطبع ليست هي الافضل فهناك كامرات أفضل وبأمكانيات أعلى ولكن هي فاحشة الغلاء .. تصل أغلاهم (EOS-1Ds Mark III) إلي 1،950 دينار كويتي ولا تنسون اني مازلت مبتدأ على هذا النوع من الكامرات الاحترافيه لكني اعتقد ان 60D هي المناسبه لي ولأحتياجاتي .. خصوصا مع تنوع العدسات واغراضها
بكل بساطه وقع اختياري على هذا النوع 60D لبعض المميزات التي أعتقد انها تكفيني كـ مبتدأ ومحب للتصوير هي انها
18 ميقا بكسل
تصور فيديو عالي الجودة Full HD 1080
شاشة خلفية مرنه يمكن اخراجها وتحريكها
سرعة التصوير تصل إلي 3.5 صورة بالثانيه
وزنها 755 غرام .. قد يكون ثقيل لكنها خفيفه مقارنه مع مثيلاتها
مدخل ذاكرة SD وهو ما يعجبني كثيرا فهذا المدخل متوفره بأغلب أجهزه اللابتوب
غير ان هناك مميزات لها مازلت لم افهمها كوني مبتدأ
كلكم يعلم الكامرات الاحترافية لا تكتمل إلي مع انواع مختلفه من العدسات وكل عدسه لـ غرض مختلف ولصورة مختلفه وبأسعار مختلفه طبعا .. وقع اختياري انا على عدستين
18-135mm f/3.5
50mm f/1.4
الاولى لتصوير مع زوم .. والثانيه هي التي تعجبني أكثر لتصوير الاشياء القريبه والاشخاص .. وهو ما يسمى بـ البورتريه
هذا العرض الدعائي للكاميرا مع استعراض أهم خصائصها الجديدة
httpv://www.youtube.com/watch?v=0eUedGP4vrE
–
اسعار الكامرة والعدسات والحقيبه من موقع أمازون .. وللعلم هناك ضريبه زيادة على هذه الاسعار
الكامرة مع عدسه 135-18 : 1,369.00$ (اضغط هنا)
العدسه 50mm في امازون : 459.00$ (اضغط هنا)
الحقيبة : 39.46$ (اضغط هنا) لم تصل حتي الأن
واعتقد اني بحاجه إلي فلاش ذو امكانيه أكبر .. سأقوم بطلبه قريباً
على البركه…قريت عنها واجد هالكامره وسمعت ان البودي مالها بلاستيك مو مثل باقي الكامرات يكون مغنيسيوم واهو اقوى..
وبخصوص العدسه 50mm f/1.4
شوف هالفيديو يامحمد وشوف الفرق بين 50mm f/1.2 & 1.4 &1.8
http://www.youtube.com/watch?v=44FqqE6ukjY
اها … بويعقوب بيني وبينك انا ماتفرق معاي من شنو مصنوعه .. بس من ملمسها جودتها وتماسكها عالي جدا .. وهذا المطلوب .. وبالنسبه للعدسه .. رائعه جدا .. وشكرا على المقارنه
مبروووك خوش اختيار وخوش كاميرا بانتظار ابداعاتك
يبارك فيك حبيب قلبي .. حاظرين لك اذا تبي صور حق بطاقه مدنيه تحت امرك – هههههه
عالبركه و تكسرها بالعافيه ص، أمس شريت وحده بصراحهحيل اعجبتني و مميزاتها قويه ، و اليوم جاري تجربتها ان شاء الله
الف مبروك ياخوي خالد .. عليك بالعافية
كامرة ولا اروع
الله يعطيك خيرها ويكفيك شرها يابوجاسم
ناطرين تعطينا تغطياتك اول بأول من خلال كامرتك ؛)
لا تحاتي ياحبيبي .. الكامرة وراعيها تحت امرك
شسالفه العموم كاميرات ؟ هذي هبه الكويت الحين تصوير 🙂
على العموم مبروك عليك الكام وتصور فيها احلى صور يا بو جاسم
تسلم حبيب قلبي ..
مبروك يابو سالم وماشاء الله امبين كاميره ممتازه
وبانتظار انشوف عينات التصوير ثابت / فيديو وياليت لو يكون تصوير سينمائي 24p مادري اذا تتوفر فيها هالكامره ؟
بوهادي خف علينا شويه .. تراني مبتدأ .. بس ماعليك سهرت عليها يومين فصفصتها
ابتسم بس وانا اجكك صورة
بالمبارك بوسالم ، تكسرها بالعافية
ناطرين ابداعاتك بس بدون لاتخلي الصور لك بس << حسوا فينا 🙁
ههههههههه
لا تحاتي .. بالنسبه لي انشالله ابيضها معاك
مبررررك .. والعدسة الـ 50mm ماشاءالله.. ناطرين الابداعات 🙂
بالتوفيق
هالعدسه من اختصاص المبدع زيزلوس ..
انصحك تتابع معاه كل شي يخص التصوير .. وراح يفيدك حيل
والله والنعم بـ زيزلوس ..
مبروووووك
كفو عليك .. خوش كاميره ماشالله
عاد نبيك تقتحم فليكر بقوه مع هالكاميره
وان شالله نشوف ابداعاتك بكل مكان
حبه حبه يا عبدالله ..
ربي يبارك فيك
🙂
مبروك عليك الكامره وتكسرها بالعافية ، ويادوب من سبوع راجع من امريكا ويايب مثلها حق اخوي ، وما شاء الله ابداااع الكامره مع اني ما اعرف لها ولا حتى عرفت اسوي فيها شي بس شغلها مضبوووط على الاخر ، اختيار موفق حجي 🙂
ربي يبارك فيك
زين ما سويت يالحبيب وانشالله يتهنى
السلام عليكم
اول شي بالبركة ان شاء الله
انا توي شاري نفس الكام بـ ١٢٩٩$ من امازون، ونف الكيت.
وشريت معاها الميموري ٣٢ جيج بـ حوالي ٥٥$
اها .. احتمال يكون في عرض او شي .. وتأكد من العدسه 18-135 مو 18-55
والله اعلم
وعسى ربي يبارك لك
مبروك
الله يبارك لك فيها
تسلم ربي يبارك فيك
مبروك عليك الكاميره
واختيار موفق وايد حلوه وقويه الكاميره
ربي يبارك فيك يالحبيب
مبروك..
والله يعينك على درب الفلس 🙂
حالياً عندي ٧دي بتنباع هاليومين و بنتقل للفل فريم ٥دي مارك تو..
العدسات الحمدلله عندي إكتفاء ذاتي جنطه متروسه..
نصيحه أخويه إذا شفت نفسك مو ذاك الزود مع هالهوايه لا تكمل..
لإنها مكلفه حيل.. خصوصاً العدسات..
ملاحظه: إذا بغيت تشتري عدسات إحرص إنها تكون ef مو efs عشان إذا إنتقلت للفل فريم ما يطيحون بجبدك لإن ef يركبون على كاميرات الكروب و الفل فريم لكن efs ما تركب إلا عالكروب.
اي والله مخاسير
ومشكور حبيبي على الملاحظات .. ربي لا يحرمني منك
مبروك عليك الكاميرا وتكسرها بالعافية واهلا بك في عالم المخاسير أقصد عالم التصوير
هههه اي والله مخاسير ..
مبرك محمد يعطيك خيرها ويكفيك شرها عاد الحين نبي نشوف ابداعاتك بالتصوير ر ح اماكن تراثيه و روح مباركيه ترا اهناك منضر حلو
انشالله بحاول قريبا افتح حساب في فلكر
مرحبا اخوي محمد
و يعطيك خيرها و يكفيك شرها
و لا تبخل علينا مثل ما قالوا الاخوان
انا اقترح انك تنزل لنا صورة كل اسبوع و تكون فقرة حلوة راح تعجب المشتركين من هواة التصوير
و يصير تصويت على الصور المرسلة عشان نأهلك انك تدخل مسابقات
و الله يوفقك اخوي (:
الافكار من هالنوع كثيره .. لكن اعتقد اني إلي الان مبتدأ
عليك بالعافية ،، عندي نفسها شاريتها من شهر ١ وللحين ماجربتها عدل ولا فصفصتها
بشوف تصويرك ، عندك موقع شي ؟!؟
شكراً
ربي يعافيج .. تستاهل الفصفصه .. والمواقع كثيره والدروس منتشره على النت
الف مبروك محمد انا انشالله بشتري لي وحدة جديدة لقيت بيوريكا كانون على ٣٢٠ دينار ،، و على طاري صورة البطاقة المدنية وين اجيك عشان اصور
ربي يبارك فيك … ترا الفرق شاسع بين الكويت وامريكا
…
تو الناس على البطاقه لين الحين ما شريت خلفيه زرقه هههههه
الف مبروك وعقبال الشيء. المحترف تستاهل كل خير
تستاهل الطيب يابوجراح