Q8Ping
مقالات مشابهة
–
–
كان من المفترض ان أكون الان في بانكوك وفي طريقي إلي جزيرة بوكيت .. لكن للأسف وصلني يوم أمس المسج المشأوم الذي يقول أن الطائرة سوف تتأخر عن موعد إقلاعها الاساسي الساعة (11:20pm) وسيكون موعد الاقلاع الجديد الساعة (5:00am) أي تأخير لمدة ٦ ساعات .. وبهذا التأخير لن أستفيد من رحلة الطيران الداخلي (من بانكوك إلي بوكيت) .. فـ قمت بعمل حجز أخر (لان حجزي كان مخفض ولا يمكنني التعديل عليه) بتوقيت يناسب الطائرة بعد التأخير ..
—
وقبل وصول الموعد المزعوم لرحلتي (5:00am) بساعات .. اتصلت قبل الذهاب للمطار .. فأبلغني الموظف أن الطائرة عليها تأخير أخر .. وستقلع بمشيئه الرحمن في تمام الساعة (8:15am) … فقلت في نفسي (كل تأخيره فيها خيره) .. وتداركت الموقف بسرعه وقمت بتغيير حجزي لـ الطيران الداخلي إلي حجز يناسب موعد رحلتي .. وقمت بدفع رسوم تغيير لتذكرة الطيران الداخلي ..
—
للتو وقبل كتابة هذا الموضوع بدقائق أستيقضت من نومه قصيره لكي أجهز نفسي للمغادره .. اتصلت بالمطار وأبلغني ان الطائرة لن تقلع في موعدها (8:15am) وموعد إقلاعها سيكون الساعة (10:50am) … وهذا يعني ان الطائرة سوف تصل إلي بانكوك في وقت متأخر جدا ولا يمكنني السفر لجزيرة بوكيت اليوم .. لان موعد أخر طائرة اليوم لا يناسب موعد وصولي وبهذا سأضطر إلي المبيت في بانكوك وحجز فندق لمدة ليلة .. وسأضطر ايضا دفع سعر ليلة في بوكيت دون الوصول لها والمبيت فيها .. فقط حتى نتفادى إلغاء حجز السكن في فندقي الاصلي
—
لا أدري الان اذا كانت الطائرة ستقلع في موعدها الاخير او لا .. لكني كرهت الرحله بالأساس ..
—
وأعتذر لكل من نصحني في موضوعي السابق عن الحجوزات بعدم الطيران على متن الخطوط الجويه الكويتية .. وبأذن الله سأقوم بالأستفسار لدى الطيران المدني عن إمكانية رفع شكوه او دعوة على الخطوط الكويتية .. لن أسكت عن حقي فـ كون رحلتي لـ مجموعه من الأصدقاء فـ الخسائر ليست بسيطه وكلها بسبب التأخير ليست مني .. والله أعلم عن خسائر باقي المسافرين على نفس الرحلة
–
قدر الله وما شاء فعل ..
الله يستر أنا طيارتي اليوم على نفس الخطوط المشئومة إن تأرخت ربعي راح يوصلون قبلي و ينامون بالمطار لأن الحجوزات و فلوس الرحلة كلها معاي
اوف .. عسى الله يعينكم يارب وتتسهل عليكم الرحله انشالله
ياجماعه شالحل معا الخطوط الجذبيه الكويتيه يعني راح علي عرس اخوي والسبه التأخير اول مره تصير تأخير ٦ ساعات لو اطلع بسياره تكسي من الرياض للكويت وصلت
والله انا بحيره واستغراب للحين في ناس تحجز على الكويتية وخصوصا للرحلات الطويله
معوض خير
والله ياخوي عبدالعزيز انا حيل اكره الترانزيت وعشان جذي طمعت فيها لانها دايركت .. ربك كريم يالحبيب
سهالات ياكابتن ، هذا اكيد الي يقول عنه الفلاح….
ههههه والله يابو العز بعد هالمصخره الواحد كره السفره بكبرها
يالله ما عليه خيرخ انشالله
وياريت تقول لنا شصار معاك لما ترفع القضية عشان الناس تستفيد بمثل هالموقف
فلا طرى على بالي جذي .. لان للأسف اغلبنا يسكت عن حقه عادتاً ..
صباح الخير اخوي محمد صحيح لان الطياره الي تروح بانكوك من نوع ايرباص ٣٤٠ وفيه مشكله و مو بس رحلتك الي تأخرت بسبب المشكله هذي هم عندي الاهل في فرانكفورت تغير موعد وصوله مرتين واخر شي قعدوهم علي حساب الكويتيه بقندق المطار اهناك ولك حق اطالب بالاضرار الماديه الي خسرته من هذا التأخير وترفع شكوه في الطيران المدني بس للاسف يالغالي محد راح يسونلك شي وراح يطلعونلك اعذاذ وغيره بس حاول وانا حاضر لاني اداوم بالطيران المدني بس اذا عندك تأمين على السفر اهم يعوضونك على كل شي … تحياتي واسف على الاطاله
بأذن الله ناوي امر الطيران المدني
الله يعينك السنه الي طافت تأخرة طيارتنا الى مليزيا يومين كاملين!!
المفروض يكون في تعويض
الله يلوم الي يلومك
المهم الحين جمع الوثائق وخلها على صوب ، وفكر بالسفرة والإستجمام …
سافر واستمتع و انسى الي حصل ، وإذا رديت بالسلامة لكل حادث حديث إن شاء الله
هاف فن يا الحبيب
تسلم يالحبيب .. اي انشالله هذا الي راح يصير بأذن الله .. وربك يسهلها
والله تعبوك وياهم على غير سنع كل شوي ياخرون وانت تحجز وتدفع زياده !
الله يكون بعونك وان شاء الله انها خيره
بالسلامة ان شاء الله
ربي يسلمك ياخلف .. انشالله سهالات
انا اقوول شووف الكابتن منو وشسمه وايذ ركبت الطيااره شخط فيه وطلع حرتك فييه
وايذ ردك الكوويت يكون انسان طيب ههههههههه
ترجع بسلامه اخوي محمد
ههههه اهم شي .. تلاقيه هو بعد متوهق بالتأخير
سهالات يارجال وخيرها بغيرها بس الشكوى عند الطياران المدني ماراح تفيدك لانهم ربعهم ومجرد ماتمشي راح يشقونها , انت ماتدري انه تجيهم سفرات وهدايا ببلاش ؟!
اخوي محمد موفق يارب بسفرتك وتروح وترجع بالسلامه
الي صار مقدر ومكتوب انا سافرت للكويت ومالقيت عودة للسعودية الا بالكويتيه وتعذبت حتى وصلت صار موقف معي يومها تشهدت مليون مرة ولليوم عندي فوبيا من الطيران بعد هالرحلة
اسأل الله لك التوفيق ذهابا وعودة ورحلة سعيدة (:
انا شفت صور للمكان الي حتروحه شيء اشبه بالخيال
الله يعينك اخوي القطرية دايركت من الدوحة بوكت وانت مرتاح بلا طيران داخلي بلا هم والله يعوض عليك
عشان جذي دايما ننصح بحجز الطيران الداخلي بعد الوصول
والفنادق تحجزها عن طريق بوكنق بعد الوصول وانت في المطار
تصدق اني معتاد احجز الفنادق بنفس اليوم عن طريق الايفون ومايهمني اذا زحمه او لا
اهم شي مكبر دماغي
لم توصل بوكيت بتنسى كل شي خاصه لم تشوف البحر الشفاف
استمتع وبعدين حاسبهم
ما ؤلتلك من الأول مابتسمعش الكلام ليه
نفس اللي صار معانا بالضبط
لا وإذا صعدتوا راح يوزعون عليكم فورمة شكوى
حلني بئى
قدر الله وما شاء فعل
ماعليك استمتع برحلتك وبالعودة قول
” توبة بعد هالنوبة “
ياحلو القطرية
تصدق امس طرا ببالي اشوف وظيفة عندهم !
لولا الخمر بس موقاصرهم شي !
بو جاسم هذا لنك لقانون الامم المتحدة للطيران المدني. شوف Article 19 & Article 22
http://untreaty.un.org/unts/144078_158780/3/5/11624.pdf
انسى و قط ورى ظهرك لانه بالنهايه لو كلمتهم ( عمك اصمخ ) و هالشي من زمان ان خطوطنا تعبانه … كل تأخيره فيها خيره ، الله يسهل دربك و ترجعلنا بالسلامه يالغالي و غير جو و لي رديت حاول معاهم يمكن يفيدونك بخصوص الحجوزات اللي ضاعت عليك ملوت الطيران الداخلي و غيرها … تروح و ترجع بالسلامه ان شاء الله 🙂
السلام عليكم ، اخوي محمد اول شي الخيره فيما اختاره الله
ثاني شي لا تحجز عالكويتيه حتى لو رايح دكا روح عالبنغاليه عالبزنس
ثالث شي دش الحين سايت قطر ايرويز جنك ماتدري احجز حق اليوم يمديك في رحله الساعه 6 المغرب وفي جنه 10:30 بالليل روح واستمتع ولي رديت حاسب هالخمممممه
اسمحلي عالكلمه الاخيره اللي قلتها بس لانها طالعه من قلب
🙂 بالسلامه
قدر الله وماشاء فعل
بعدين اللي دقوا عليك نصابين لان من امس 12:30 بالليل انا شايفها كان مكتوب يمها تاخير 10:20 ساعه يعني تطير 10 الصبح !!! وليلحين ماطارت اصلا!
حسبي الله ونعم الوكيل
عموما check this:
http://booking2.qatarairways.com/qribe-web/public/showIBE.do?L=en&C=kw
دائماً الطيران الكويتي يتأخر ساعتين ساعه بالقليل
هاذا طيران الكويتية وبلاويه مشكله طيران الكويتيه حتن البحرين ما أطير عليها لو طاير علي القطرية ولا الاتحاد احسلك بوايد علي العموم صارت وخلصت بس مثل ماقال اخوي هورنت اهم شي يمع الاوراق عندك نالوت التأخير وانك كنسلت الطيران الداخلي خل يعوضونك كل دينار راح قدم شكوه المهم انته اهم شي لاتفكر وروووح استانس ولا رديت بسلامة انشالله يصير خير واي معلومه تبي تعرفها عن تايلند بس قوول وانشالله مانقصر وياك درب السلامة
أنا مثلك يا وخيّي, ما أشتهي شيء إسمه ترانزيت, بس إنقرصت مرة من الكويتية, بعد ما تنعاد.. رحت على الكويتية روما علبو إنها دايركت بال 2007, و لمّا وصلت الجماعة ما نزلوا جنطتي و كملوا لباريس, المشكلة إني حاجز سيكل دوكاتي أستلمه من المطار, و خوذتي و هدوم السيكل و الرين كوت كلهم بالجنطة, قالوا لي يمكن باكر أو عقب باكر توصل الجنطة عطنا عنوان فندقك, قلتلهم ما عندي عنوان, رحلتي كلها عفوية و تلقائية, أباخذ الدوكاتي و أطلع أسوق على طرق الجبال و متي ما تعبت و وين ما أوصل أدور فندق, هذي كانت كل الفكرة للسفرة, طبعا تمسخرت, و حجزت بفندق بروما, و قعدت أنطر الجنطة يومين الين ما وصلت, و الجماعة وافقوا يكنسلون حجز السيكل لليومين ما قصروا, بس الرحلة اللي كنت مخطط لها إسبوع بالضبط, أركب السيكل يوم الأحد و أخلي الجنطة فاضية مع الشركة اللي إستأجرت منهم الدوكاتي, و أرجع المطار يوم السبت و آخذ الجنطة و أحط فيها أغراضي و أرجع الكويت.. الكويتية لعنت خير سفرتي.. تــــــــــوبة
بو جاسم
اقضوا حاجتكم بالكتمان
أهم شي تروح وترد بالسلامه إن شالله
والكويتيه تصير عندها هالسوالف
بس يالله طوّف حق الناقل الوطني
والله أيام قبل القطريين والإماراتيين يطيرون على الكويتيه والحين صارت الكويتيه كخ
مسكينه حالها من حال كل شي زين بالكويت خربوه حسبي الله عليهم
السلام عليكم ورحمة الله وبركاته
كل عام وأنت بخير أخوي محمد والجميع
والله زين ربعكم يعلمونك أنها بتتأخر أجل لو شفت الخطوط السعودية بعد ما تركب الطيارة يقولون لك بتتأخر ومره بجده قالوبعد ما ركبو الركاب ننتظر الطيار موجود بالرياض جاي بالطريق
هههه
الله ييسر أمرك
اجمع كل الأوراق اللي تثبت كلامك ولما ترد بالسلامة راسلني وانا اقاضيهم لك.
هذي سالفه اطلعت على اثر احداث حمد الفلاح :
قبازرد الذي يتحدث عنه الفلاح هو الطيار الذي أخر طائرة الكويتية التي يجب أن تقلع من لندن ولطع الركاب ساعات في لندن لأن جناطه ما وصلت
ودفعت الكويتية على هذا التأخير عشرات الآلاف من الدنانير أرضيه لمطار هيثرو لأجل جنطة الطيار !!
هذا طيران الكويت وصل ع النبي 🙂
الله يكون بالعون اخوي ،، وتروح وترد بالسلامه انشالله ..
واذا رجعت عاد بالسلامه حااسبهم فرد فرد :))
الله يهداك ياخوووي
في انسان عاقل يساعر عالكويتية؟؟؟ حدها جده او البحرين
عن نفسي اخر مره ركبتها 1999 شهر يوليو وعقبها تووووبه
ادفع زياده ولا اقرب صوبها… الله يعينك
السلام عليكم
خطوط الجويه الكويتيه من اتعس الخطوط بالمنطقه. ودياما يكون في تاخير على الرحلات وخاصه على تايلاند. ادفع زياده وله اتبهذل بالمطارات واقعد ساعات ومادري متى الفرج عندك الاماراتيه والقطريه والاتحاد تقدر تضبط بينهم وتسافر وانت مرتاح بس الكويتيه للاسف راحت عليها
عين ما صلت على النبي
الله ييسر عليك، اقترح مره اخرى، تخلي تقريرك بعد ما تصل حتى ما يبيون اهل العيون الحارة رحلاتك
تصدقون العربية للطيران مال الشارجه الاقتصادي مافيها تاخير هههه
ورحلاتهم منتظمه وماتتعب معاهم وشغلهم 100% ,,
مابغيت اقارن بين الكويتيه و الاماراتيه ولا القطريه اخاف اظلم الاماراتيه والقطريه
هههه فقلت بقارن بطيران بسيط مثل العربية
هذي عين من احد رواد المدونه ههههههههههههه
يالله ان شآء لله تسافر وترد لنا بالسلامه يآبوحميد
هذي انجازات الفلاح ؟؟
سامحوني ياأخوان بس أنا سافرت على كذا طياره بس الصراحه..
والله مثل طيران الامارات وخاصه الطياره الجديده خبال وشي من الخيال..
والسموحه منكم
سعيد المهيري
الله يعينك يا اخوي .. لكن انا صارت لي نفس قصتك بالظبط لكن اقصر من ما حدث لك .. خسرت فلوس حجز الطيران الداخلي .. وما جددت الحجز قلت يمكن يصير تاخير ثاني خلني انطر بمطار بانكوك احسن .. لما وصلت مطار بانكوك رحت مكتب الخطوط الكويتيه وكلمت المدير وسويت لهم ازعاج وخليتها يدفعون لي سعر تذكرة الطيران الداخلي .. واخذت الفلوس رحت حجزت الى بوكيت وهذي اول واخير مره اروح فيها ع الكويتيه