Q8Ping
مقالات مشابهة
وصلتني هذه السلة الصغيرة يوم 25 فبراير من شركة Diet Care وهي عبارة عن تشكيلة معجنات وكعك صحية وبسعرات حرارية منخفضه . كل الشكر لـ دايت كير على هذه الهدية .
للأمانة افكر منذ فترة بـ تجربة الاشتراك بمثل هذه الشركات التي تقدم وجبات صحية للمساعده على نقص الوزن .. وحالياً اصبحت هذه الشركات كثر .. مثل (دايت كير – دايت سنتر – لو فات ) وغيرها من الشركات .. هل من شخص قام بتجربة مثل هذا الاشتراك ؟ ما رأيكم ؟ هل من نصيحه ؟
السلام عليكم ورحمة الله وبركاته
ياخوي حرام تقط فلووسك على هالشركات وشوف السعرات الحراريه لكل شيئ تبي تشتريه اذا عاليه لاتاخذه واذا قليله خذه والمشي افضل شيئ لإنقاص الوزن والماي بكمية كافية والنوم بدري واهم الشيئ العزيمة والاصرار على انك تبي تنزل وزنك اما حرام تدفع فلوسك على هالشركات
ادري اني طولت عليك بس للأهمية معرفة التفاصيل عن انزال الوزن وشكراً
والله وايد ناس تنصح بالدايت كير رغم البعض ينصحون بشركات غيرها
ولكن الاغلبيه تقول انه الدايت كير عندهم الذ اكل و انا شخصيا مجربة عجيب
وانصحك بعنف 🙂
انا اشتركت من قبل فتره بشركه لوفات
بصراحه ابرياني عنهدهم عجيب 🙂
و حسب ما سمعته ان افضل شركه دايت كير وعلي ما اعتقد ان اغلا وحدا فيهم
انا جربت صراحه لكن ما استفدت وايد اذا حاب تشترك لازم يكون عندك دافع قوي انك تلتزم .. نصيحتي اشترك بنادي افضل
انا جربت دايت كير لمدة ٣ شهور وكنت ملتزمة مع مشي يوميا وشرب ٤ ليتر ماي باليوم ونزلت ٦ كيلو لان الايض ” التمثيل الغذائي ” بارد ..
الشي الحلو في الموضوع أكلي زاهب ما احاتي إني ادش المطبخ علشان اسوي لي شي آكله لان المطبخ يبيله مزاج ..
الشي الاحلى ان اخصائية التغذية يعدل لك على الوجبات باللي يناسب صحتك ، ويسوي لك أكثر من نظام تغذية وممكن تبدلك بالاكل على هواها باللي يناسبك ..
هذه تجربتي الشخصية ..
تبي النصيحه؟؟
لا تتغدي وتقيل
او قيل بعدها تغد
والعشاء شي خفيف يسد الجوع فقط
وباليوم طق الممشي مشي لمده نص ساعه او ساعه
وادعلي
انا طولي 158 وزني كان 64 حاليا وزني 53 الحمدالله شهرين عند دايت كير نقصت 4 النزول جدا بطيء لكن الاكل فوق الممتاز ماحسيت بالرجيم كلش وبعدها حولت دايت سنتر شهر نقصت 6 كيلو الاكل مرات حلو مرات عادي مرات ماينوكل ورديت اشتركت بدايت كير شهر لان الاكل وايد لذييييذ ونقصت بس كيلوو بشهر
الخلاصه :
اذا تبي نزول كبير ورجيم رجيم دايت سنتر واذا تبي بس مزاج او محافظة على الوزن او تجربه انصحك بدايت كير وبقووووووووه
لااااا تشترك نصيحه من مجرب بس بوق فلوس
انا جربت كل الشركات!!
الدايت كير زين و منوع .. بس كطعم انصح و بشده بالدايت سنتر
أكلهم كطعم وايد الذو حتى حجم البورشن يشبع
بصراحة انا حاليا مع دايت كير أحب أكلهم بس نصيحة تأخذ مكملات غذائية لان من اول مرة اشترك فيها الي قبل ٤ شهور نزل دمي حيل وبعدها قطعت عنهم وتوني رديت لهم بس انا أخذ حبوب حديد وأضيف عصير برتقال لان الزم ما عندي صحتي والحمد لله قاعده انزل شوي شوي