Q8Ping
مقالات مشابهة
بعد ان استهلكت سيارتي القديمة مدة 5 سنوات بدون ان اشتكيها لأي ميكانيكي .. بدأت في الفترة الاخيرة تظهر عليها عوامل الشيخوخه .. فقررت شراء سيارة جديدة لأبدأ معها مشوار جديد وأسأل الله ان يحفظنا من شر الحوادث ..
وبما ان اجواء الكويت الحارة صيفاً لا ترحم ابداً .. قررت تركيب تظليل حراري للسيارة علماً انني كنت استخدمه في سيارتي القديمة وكان هناك فرق شاسع جداً بدرجة الحرارة .. على الرغم من ان نسبه التظليل هي 0% .. وكما تعرفون ان الاسعار هنا في الكويت للتظليل الحراري (نار وشرار) فـ اقل سعر لتركيب زجاج السيارة بالكامل هو 110 دينار والله اعلم عن جودة هذا التظليل ..
شخصياً قررت شراء التظليل من الانترنت وتحديداً من موقع Tintzoom بقيمة 44 دينار كويتي تشمل جميع الزجاج للسيارة بما فيهم الزجاج الامامي .. علماً ان التظليل سيكون مقطع وجاهز على قياس زجاج سيارتي لذا سيكون سهل التركيب .. وقد يكلفني في اتعس الاحوال 10 دنانير .. واعتقد ان السعر اقل بكثير .. والفضل يرجع لقرائة موضوع في مدونة هورنت عن تجربة شراء التضليل الحراري من الخارج – اضغط هنا
اما بالنسبة للحماية الامامية فالمهم ليس فقط جودة الحماية بل دقه وجودة التركيب ولو قررت ان شراء الحماية من الانترنت ستكون تكلفة التركيب باهضه لو قمت بتركيبة بالمراكز صاحبه الجودة العالية .. لذا قمت بتركيب الحماية في مركز Britsh Center رغم ان السعر هناك يعتبر غالي جداً .. لكنني للأمانة جربت جودة الحماية بالسابق وبوجهه نظري هي الافضل .. تم تركيب الحماية الامامية + جزء بسيط في مؤخرة السيارة بسعر 190 دينار
برافوو عليك
انا ايضاً افكر بالتظليل الحراري وقريت موضوع هورنت ( الله يعطيه العافيه )
بس سؤالي لك منو ركبلك التظليل ؟؟ البريتش سنتر ؟؟ جم خذو منك للتظليل؟
وشكراا
التضليل حتى الان ما وصل .. لكن اي محل يركبه لي عادي لأنه مقصوص وخالص ما يحتاج فن يعني
مبروك السيارة يعطيك خيرها ويكفيك شرها
موضوع جميل كالعادة بقلدك هالمره
على البركة والله يعطيك خيرها ويكفيك شرها
بالفعل الفرق كبير جدا في السعر والجودة
انصح الجميع بالشراء كما فعلنا انا والأصدقاء
بالتوفيق
شـوف بنـسـبه حق هلـموضوع انـا غامـرت وايـد فيـه ,
أنا طـلبت من Ebay تظليل 3M بس كان من النـوع FX ماكنت اعرف اهو شنو بظبط بس استغليت الفرصه لانه سعره على السياره كامله بـ 20 دينار , ركبت التظليل بـشركه V-kool وكلفني تركيبه بـ 30 دينار كانت سيارتي مرسيدس , المهم بعـد فتره ماحس بفرق وايد فا شلته ورحت وكالة 3M نفسها بـشويـخ عند محطه كاسترول , المهم من عندهم عرفت اني طلبت اردى نوع ووراني التجارب بين الانواع كلها ” Fx ومادري شنو و الثالث كرستال و يبت سيارتي الثانيه وركبت من عندهم كرستال درجه 15% النوع الغامج على سيارتي الثانيه دينالي وكلفني على السياره كلها 280 دينار صج التكلفه عاليه بس معاها كفاله 5 سنوات وبصراحه وايد عزل الحراره والسياره بارده حتي لو احط المكيف على واحد ,, موضوعي طويل بس اختصرت عشان التعليق … تجربه شخصيه 😀
مشكور اخوي كويت بنق
ومشكور اخوي هورنت
فعلا لازم تظليل حراري وحمايه للسياره بالكويت لأن أجواءها حاره ومغبره
المشكله اني أفكر اركب تظليل وحمايه بالكويت بس السعر غااااالي وما أعرف طريقة الطلب من الإنترنت
ممتاز ونتمنى من جميع الاخوان يعطونا انواع التظليل للسيارات حتى نطلب لان الشركات هني من حقها تستفيد لكن بالمعقول والمعقول عندنا مايشبع مبروك عالسيارة ونتمنى صيف بارد للكل
علبركه
يعطيك خيرها و يكفيك شرها
و منكم نستفيد
على البركة والله يعطيك خيرها ويكافيك شرها آمين …
وفعلا أخوي هورنت كفى ووفى عسى عمره طويل انا حدة استفدت من موضوعه…
أولا مبروك الموتر، و الله يعطيك خيره و يكفيك شره
شخصياً اعتبر مراكز التظليل المتخصصة مبالغين جدا باسعارهم، و قد سألت عن الفرق الذي بينهم و بين التظليل العادي ابو 10 دنانير، فكان الفرق بسيط، و عليه ركبته عن احد محلات الزينه، و صلى الله على محمد
تقدر تقولي وين ألقى هالمراكز
بشتري سيارة ومو عارفة وين اسوي التظليل
ممكن تعطيني تفاصيل هل لاماكن ارقامهم وعناوين هم
جزاك الله الف خير
الدائري الرابع اذا صار على يمينج وكالة تويوتا .. تلفين اول لفه كأنج رايح الافنيوز بعدين ثاني فوق حدر بتلقينة جدامج
مبروك عالسيارة يعطيك خيرها ويكفيك شرها …
السلام عليكم اخوي كيف طلبت حق الزجاج الأمامي ؟؟ اللي موجود بس حق الجوانب و الجامه الخلفيه لكن الجامه الأماميه ربع الجام بس … أنا بغيتها كامله. تقولي الطريقه و لا تهوون.
تطلب الكت كامل – وهو عبارة عن جميع الزجاجات ما عدا الامامية ..
والامامية تطلبها بروحها .. من هذا الرابط
http://www.tintzoom.com/Llumar-AIR-BLUE80-36-W-x-66-L-Windshield-Piece-p/lairbl80-7836-piece1.htm
السلام عليكم
الف مبروك السيارة الجديده اخوي محمد والله يبارك لك فيها
انا بصراحة عجبني الموضوع ودخلت على الموقع على طول وابي اطلب لسيارتي
بس الصراحه وصلت لي اخر مرحله بموقع Tintzoom وطلب مني الصندوق البريدي طلعت صندوق بريد المنطقة الي انا فيها .. لكن ما استطيع تحديد دولة الكويت الخيار في الموقع فقط للولايات المتحدة الامريكية .. والصراحه ما ادري شلون اوصله للكويت .. فياليت تشرحلنا الكيفية وهل التعامل راح يكون مع ارامكس ومن وين راح استلمه .. وشكرا لك
عزيزي هادي .. يجب عليك اولا فتح صندوق في شركات النقل ارامكس مثلا .. ثم تقوم بتسجيل عنوان ارامكس في امريكا في الموقع
وارامكس بدورها تقوم بتوصيله من عنوانها في امريكا .. إلي عنوان منزلك
اتمنى الصورة واضحه
الله يعطيك العافية اخوي ..
والله يعطيك خيرها ويكافيك شرها ..
للأمانة فكرة حلوه وراح أجربها هالأيام .. خصوصا إن تظليل سيارتي صارله ٤ سنوات ومن شركة لومار وكان ب٢٤٠ وماأشتكيت منه نهائيا ودرجته ٥٪.
وألحين مع القانون اليديد (ماأدري أقروه ولا ليلحين) إنك تظلل بنسبة ٣٠٪ ، راح أطلب مثلك بإذن الله ؛)
كل الشكر لمواضيعك الطيبة ،،
موضوع يه بوقته صارلي اكثر من اسبوع محتار احط حماية لسيارتي بس ادور على الافضل 🙂
شكرا اخ محمد
شركه اوتو راب والله وايد شغل مرتب واسعارهم وايد زين وعمالتهم كل فلبينين وهادا رقمهم ٥١٥١٥٢٠٧
انا صراحه لي تجارب كثيره. مره طلبت من النت حماية وتظليل جاهز ودخت معاه في التركيب وبعدين أخذت بنصيحه واحد من الربع ورحت بيتش سنتر بصراحة المكان وكالة ومتمكنين والتشكيله والأنواع وايد مهم سألتهم عن الكفالة وهذا أهم شيء وبعدها أن الكفالة عندهم مدى العمر الصراحة شي يريح واحد دافع المبلغ يحس مرتاح و الحين السيارة صار لها أربع سنين ولا شكيت.
ومره واحد رجع علي وان وجرح الحماية إلى على الدعاميه ورحت لهم وبدلوها بلاش لو أنها مو على كفالة لأن حادث.
آسف على اطاله بس حبيت اشارك تجربتي مع الحمايه والتظليل.
يعطيكم العافية على الموضوع ،، ادري متاخر على التعليق ،، لاني توني اشوفه ،، استفسار اذا. ممكن ،، اذا بطلب تغيم نوعية حلوة و ممتازة مع الجام الامامي ، جم يطلع علي مع البريد و من غير التركيب ،،؟ تقريباً