Q8Ping
مقالات مشابهة
–
–
بعد ان كنت متخوف من هذا الموضوع وكنت أأكل وجبه السمك في ماكدونالز وهي الوجبه التي اعتدت على أكلها في كل رحله لي لأي دولة غير مسلمة .. الا انني ليلة أمس فكرت أن أسأل الموظف عن الطعام هل هو حلال مع ان تايلند دولة غير مسلمة واغلب الشعب يعبدون البوذا الا ان جزيرة بوكيت أغلب سكانها مسلمين ووجود المساجد أمر ملاحظ وبعد سؤال الموظف .. جلب لي هذه القطعه من الكرتون المستخدم لـ احد انواع الدجاج .. وقد كتب عليه حلال مع أن لا يوجد اي لافته في المطعم او اي ملصق او اي علامه في المطعم تدل على ان الدجاج المستخدم حلال .. للأسف مطعم ماكدونالز من ناحيه المذاق مختلف بعض الشيء عن فرع الكويت ..
–
رين ما شاء الله … وو بالعافيه 🙂
يعافيك ربي يالحبيب
عوافي
بس مادري احس مو صج لانه قبل اتذكرهم يحطون على عربانه الذره حلال على بالهم عامل جذب للمسلمين
والله ما ادري .. بس الغريب ان العكس .. اذا اهو حلال ليش ما حطو اعلان برا او قالو انه حلال
ايييي هين حلال …بس يالله على ذمتهم عليك بالعافيه
بالعكس انا عن نفسي ارتحت لكلامهم .. لان انا بعد السؤال راح داخل جابلي هالكرتون .. والله أعلم وعلى ذمتهم على قولتك ..
دييير بالك من ريوقهم … يعطيك همبرجر لحم مع بيض، مايخطر على بالك ان لحم الهمبرجر خنزير.. صارت معاي بس بمطار بانكوك .. مادريت فيها لا ببوكيت بعد ماسألتهم صدفه.
أعتقد كل اللحوم في مطاعم مكدونالدز في هالبلادين تييهم من ماليزيا
بالعافية انشالله وانا احلاحظ اغلب اكل تايلاند مكتوب عليه حلال على البطاط العصاير الحلويات.والله اعلم
انا كنت مثلك آكل سمك ولا آكل لحم , ومره اتصلنا بالدكتور خالد المذكور وقال انتو لازم تسوون العكس.. استغربنا فقال : السمك في احتمال انه يغلونه بدهن خنزير بعكس اللحم , واللحم في الدول الغربية هو طعام اهل الكتاب وهو حلال للمسلمين كل ما عليك انك تسمي وتآكل .
وبالعافية
والله بغض النظر عن حلال و حرام احس الاكل بمطاعم الكويت غير لذيذ لو تجرب نفس المطعم بره مايكون نفس الكويت مادري ليش
فعلا عدل كلامك واليوم كنت اتكلم مع صديق بهالخصوص .. بجميع انواع المطاعم واغلب الدول الي رحتلها .. الكويت افضل من ناحيه المطاعم والاكل
http://www.youtube.com/watch?v=TxsuZAjfnWY
يااخي الظاهر انت اول مره تسافر
انا قايل لك تايلند احسن بلد بالعالم
هههههه اهم شي ….
احسن بلد اجوائها بحريه ومهيئه جدا للسياح صح .. بس فيها كثير من المساوء ..
الحين انت رايح تايلند والعياذ بالله مو فارقه معاك حلال ولا حرام عادي هههه
ههههههه ارحل
كلامك صحيح
انا سألتهم في بوكيت
قالولي الدجاج في مطاعم الفاست فود يستورد من ماليزيا عموما و مذبوح حلال
مع العلم انه ماليزيا دولة اسلامية محافظة
للتنوية فقط: البوذا لا يعبد
البوذيين يقدسون البوذا فقط
عندهم انسان فاضل ولكنه ليس اله ولايعبد
وشكرا
للي اعرفه ان بس طعام اهل الكتاب حلال
بس شرق اسيا اغلبهم بوذيين يعني ما يصير ناكله
🙂
أنا المحد لله نباتي بنسبة 90%
يعني عادي أخلص الموضوع خضار وفواكه وخبز وجبن وحلويات
وهذا الي سويته في تايلند طبعن حصلنا الحليب والعصير عليه علامة حلال
والمطاعم العربيه والباكستانيه والبجاليه موجوده في بانكوك بس ماناكل منها لحم