Q8Ping
مقالات مشابهة
عندما سمعت إسم المركز الكويتي للطيران التشبيهي لم أفهم بالحقيقه ما فائده هذا المركز وماذا يقدم .. حتى قدم لي الاخ بشار الكندري مدير الخدمات في المركز دعوه لزيارة المركز في مجمع ديسكفري . الذي تم افتتاحة قبل يومين
المركز عبارة عن 11 كبينة طيران أشبه بالحقيقه من مختلف انواع الطائرات .. يمكن للزائر هناك ان يكون قائد لأحد هذه الطائرات المتنوعه لمده ساعة كامله يحلق فيها في أجواء الخيال ..
عدد الكبائن هي 11 كبينة مجهزه بكامل معدات كبينه الطائرة الحقيقيه لـ طائرات
(,F-16 , F-18 Airbus A320Pro, A321, A330, MD11, Boeing 747, Boeing 737,
Boeing 777, Cessna 172, a helicopter)
تصل نسبة الاشتباه في أحد الطائرات (Airbus A320Pro) إلي 90٪ كـ الحقيقية .. هناك بعض الطائرات تحتاج خبره بسيطه لـ قيادتها وهذا ما يميز المركز ان به معهد تدريبي مصغر لهواه الطيران بأمكانهم التدرب على الطيران بـ 10 ساعات تقريبا نظري وعملي ..
الاسعار اعتقد أنها في متناول الايدي خصوصا ان الوقت المستغرق في التحليق هو ساعة كاملة مقابل 10 دنانير عدا طائرة (Airbus A320Pro) تكلفة التحليق بها 35 دينار للساعة وبمجرد مشاهده هذه الكبينه من الداخل ستعتقد فعلا انك في كبينة طائرة حقيقية
httpv://www.youtube.com/watch?v=Dxx0N5T8Th8
YouTube Link
شكرا اخوي محمد على الخبر الجميل ويشرفني حضورك للمركز والاستمتاع بأجواء الطيران
تحياتي
اخوك
بشار الكندري
شي جميل اخوي محمد
وانشاءالله يتم زيارتهم
حياك الله بأي وقت اخوي محمد
Realy would like to tryit
But are u the same center on 360*
حياج الله اختي أبرار بالمركز
لا اختي المركز الكويتي للطيران التشبيهي هو الوحيد في الكويت والعالم
رحتلهم والله المركز يونس وفيه شغلات عجيبه
حياك الله بأي وقت اخوي بومحمد ويشرفنا حضورك مره ثانيه
مبروك كابتن بشار علي الافتيتاح والشكر موصول للاخ محمد لي نقل خبر افتيتاح المركز ..
الله يبارك فيك اخوي
الصراحه ابداع
والله شي حلو انه يكون الاول من نوعه وبالكويت
الله يعطيكم العافيه عالمجهود الطيب
والصراحه اسعاره بعد حلوه ومناسبه
لكن محتاجين بعض المعلومات ما عليك امر اخوي بشار او محمد
١- العمر
٢- يقدرون شخصين مع بعض يحلقون بطياره وحده ( الكابتن والمساعد )
٣- اذا مابي ادش الدوره اقدر احلق بالطياره عادي واللا صعب تحكمها
والله يعطيكم العافيه
اخوكم
عبدالعزيز اليعقوب
ان شاء الله الاخ بشار يقدر يفيدك ..
بس الي اعرفه ان مو شرط الدورة عشان تطير .. الدورة حق هواه الطيران .. وفي طيارة وحده الي هي اير باص .. هذي صعبه شويه تحتاج خبرة
والله اعلم
اخوي العزيز عبدالعزيز اليعقوب
بالنسبه للعمر ابتداء من 14 سنه ( او اي عمر يقدر يستوعب المعلومه )
بالنسه لشخصين بطياره وحده تصير بس على الايربص 320 الاحترافيه ( الي ساعته 35 دينار )
اكيد اخوي عبدالعزيز تقدر ما تاخذ الدورات لانه مو الزاميه هي مجرد لزيادت الثقافه عند المستخدم في علوم الطيران بس طبعا راح تكون صعبه عليك ومبدأيا لا تحاتي لانه ما راح نخليك بروحك دامك وصلت المركز عندنه ما راح انقصر معاك انت وكل من يعز عليك ورواد q8ping
اتمنى اني جاوبتك على اسألتك واذا عندك اي استفسار انا حاضر
صراحه شي جميل والتجربه اتوقع بتكون اجمل
اول شي ممبروك على الإفتتاح وثانيا مبروك عليك شهر رمضان وثالثا ابي موقع المركز بالضبط وبالتحديد لان سوف اقوم بالزيارة لكم
كل ماهو مفيد عن الطيران امنية اريد تحقيقها وإذا ما عليك امر ابي اعرف كم تقدر تكلفة المركز بالكامل
السلام وعليگم،،
اخوي (بشار/محمد)
انا عمري١٠ بخامس ابتدائي اقدر اشترك او ادل لاني احب الطيران شي غير طبيعي!!