Q8Ping
مقالات مشابهة
اعلنت اليوم فيفا خلال ملقتى الشبكات الاجتماعيه اليوم وبحضور كوكبه من مدونين كويتين عن اطلاق الايفون ٤ بأسعار ممتازة وعلى شكل عقد مدته سنه ..
الجميل في العقد ان فيفا تعاقدت مع شركة أبل دون وسطاء بحيث ستكون تكلفة الايفون للمستهلك بشكل أفضل .. وهذا ما أراه انا شخصيا فـ سعر العقود المقدمه مناسب ..
من خلال دعوة قدمتها لي فيفا .. التقيت اليوم في ملتقى الشبكات الاجتماعية المدير التنفيذي لـ فيفا وحدثني عن هذا العقد وبالمفاوضات التي مر بها هذا العقد .. والتقيت كذلك بـ مجموعة من المدونين والمدونات الكويتين الذين افخر ان اكون زميلا لهم وهناك ايضا مدونين لم التقي بهم لكني علمت بوجودهم مؤخرا .. واتمنى ان التقيهم في مناسبات اخرى ..
وقامت فيفا مشكوره بتوزيع جهاز ايفون ٤ على الحضور كـ هدية احتفالية بهذا العقد ..
وإليكم صورة من الحدث + تفاصيل العقد المقدم للأيفون
شكر خاص للأخوان (مي السبيعي – عبدالرزاق العيسى – محمد يوسف ) من شركة فيفا
مع الاسف شركه لاتستحق ان تكون في الكويت لمعاملة موظفيها الغير مسؤوله مع الجمهور واخفاء سرقاتها من خلال معاملاتها المبهمه ورفضها التوضيح . وانا مسؤول عن كلامي واملك الدليل ومستعد لبيان ذلك
شرايك تسوي مسابقه على الايفون ٤
والله راح تشتهر مدونتك اكثر. خو اهو اصلا هديهp
ههههههههه
صح صح
سوي مسابقة لا تبطله هاهاي
يالله طافتنا الجمعة
الهدية لا تهدى يا شباب ..
الجهاز مغلق او خارج منطقه التغطيه ….
عرض جميل يستاهل الاشتراك فيه
والله ما اتوقع العرض مال الشركه قوي وفي عروض اقوى منها والسعر والخدمه مبالغ فيه اذا ما قارناه بعروض قديمه وموجوده حاليا
للان كاف في عرض لهما تاخذ جهاز ايفون او جلكسي تاب وتدفع 59 شهريا بس الجهاز طلع بلاش والنت بلا حدود ومفتوح واسرع اشتراك ومكالمات بين خطوط الشركه بلاش وخارج الشركه بسعر مخفض وغير الدقايق المجانيه الكثيره….
وانا انسان مالي بالعروص لانه بالنهايه انا خسران واحب اشتريجهاز وكاش افضل من لا يستفيدون الشركات بشكل جنوني
وهذا رأيي
ومشكور اخوي على التغطيه
وياريت تغطيه على خدمات الشركات ومقارنه بينهم ومشاكلهم والحلول …
أخوي محمد
بما انك حضرت الملتقى
شنو سرعة النت بالباقاة الثلاث؟؟
لأن السرعة مو موجودة بالجدول
ثاني شي: بخصوص ال(500GB) اللي بالباقة الأساسية!!!!!
أكيد خطأ مطبعي وقصدهم (500MB)
وشكرااا
لو تحسبونها عدل
بيطلعون دبل الجهاز على ظهر الزبون
العروض هذي حق الفقاره والحفاي. ويا كثرهم عندنا. اشوه مو انا. : p
مع الاسف شركه VIVA لاتستحق ان تكون بالكويت
من استغفال وتجهال عملائها بسياستها الجديده لحد الا ماصرحت فيها من تدني خدمات الانترنت ،،
انترنت بلاحدود 7.2 صار الحين محدود باليوم 2 قيقا بعدها تصير سرعه النت 30 كيلو بايت طوال اليوم
هل هذي سياسيه شركه تلتزم بعقد انترنت بلاحدود ؟
والله العرض حلو واايد بس للاسف شركه الوطنيه كانت السباقه في العروض لان جهاز الايفون ٤ تاخذه مع اشتراك شهري للخدمه + قسط الجهاز وبالنهايه الجهاز free
عمومااا يعطيكم العافيه علي الجهود.
ننطر iphone 5
وطالما من شركه عربيه اكيد فيه طمع اكثر من خدمه
شركة ممتازة بإدارة غبية ، بل وغبية مع مرتبة الشرف ، جميع عروض هذه الشركة لا تشمل المشتركين الحاليين ، من الأمثلة انك اذا اردت الحصول على عرض الايفون المجاني مع خدمة ٥٥ دينار يجب ان تشترك بخط جديد .
اميه دينار زياده عشان رقم ذهبي !!!
فيفا مشكلتها اخر الشهر لو عليك خمسين فلس زيادة علي الفاتوره المحدده فصلو خطك وقالولك ادفع كل الفلوس لا وفوق كل هذا يفصلون عليك الانترنت!! خو نص الكويت اخر الشهر مفلسين يعني لا انترنت تستفيد منه ولا اتصال ماتراعي حالة العميل كلش ! لكن الحق ينقال مره عطوني هديه بعد سنه لوول ، الموظفين يتفاوتون لدرجة اني اكلم واحد مايياعدني ارد اتصل علي غيره واعرف عنده الجواب يعني موظفينهم يخافون يروحون جدام شويه. كلش مو مستعد اخذ اي عقد من فيفا احسه كابوس!!
انا هديت العرض والايفون والموضوع كله وقعدت اطالع صورة المدونين وقعدت افكر همممم يا ترى منو فيهم كويت بنج ومنو فيهم ابو فلان الخ؟ 😛
اجتماع مميز وحركه تسويقيه جديده … لكن ماراح تكتم شركة فيفا خطأه كل المدونات
العروض هذي أفضل ما بالسوق
للأسف بخصوص الشركات هذي تجارية وماترحم
لكن هذا احسن ما عندنا حاليا
مرات أحاول اعذرهم واقول عدد الكويت صغير فلازم يحرقونا باسعارهم
ومرات اقول ما يخافون الله !
عموما المبادرة تحسب لهم وأنهم يتحركون خير من الميت اللي ما يتحرك !
ولا ننسى فضلهم في اسقاط المال المدفوع عند استقبال المكالمات !
—
اخونا صاحب المدونة
يقولون عندك ايفون للبيع على خرابه 150 دك
بياع ؟
هههههه … اهم شي على خرابه .. تستاهله ياخوي سالم
الله يبارك لكم ويهنيكم
يبه ماشاءالله
والف من ذكره 🙂
شركة للأسف فاشلة وغش بسرعة الانترنت وداون لود وهمي وخدمة عملاء …*^#^*€<$€*٪< أسف عصبت 🙂
يسنعون شبكة خطوطهم التعبانه تالي افكر اشتري منهم فون و المشكله عقد ! 😉
جذابين اشتراك 25 دينار النت مو مفتوح بس اثنين جيجا
حسبي الله عليهم
انا بصراحه مالي بشركة فيفا ابدا بس يتني فتره اتضطريت واخذت واي فاي حق المخيم وكان ممتاز بصراحه لاني جربت شركة الوطنيه مو زود ويفصل وكل ما اتصل يقولولي صيانه وخلل .. باختصار مافي شركة ما فيها نصب ولا شلون بيطلعون هالملايين
الصراحة شركة ممتازه وأنا عندي خط منهم ممتاز وأفكر أخذلي خط مع مبايل من العرض الجديد
الصراحة كل واحد وأستعمالة وأنا صاحب مواقع وأستعمالي كلة من روتر فيفا