Q8Ping
مقالات مشابهة
وصلني قبل يومين جهاز MacBook Air الذي قمت بشرائه قبل حوالي شهر من الستور الامريكي (اضغط هنا) .. وسبب تأخر وصوله لي هي بعض الاجرائات الي تتعلق بـ (الكيبورد العربي)
مواصفات الجهاز (مواصفات خاصه):
مع هاردسك SSD 250GB
قبل شراء الجهاز قرأت عنه كثيرا وشاهدت تقارير مصورة .. لكن لما مسكت الجهاز بأيدي واستخدمته .. شعور اخر .. خصوصا وزنه وحجمه المذهل .. احيانا اتأمل اقول شلون صنعو جهاز كمبيوتر متكامل بـ هالحجم والنحافه .. فـ وزن الجهاز لا يذكر .. وقارن مع وزن الايباد تقديبا .. اما النحافه .. تقارن مع نحافه شاشه أي لابتوب أخر ..
من ناحيه استخذام الجهاز كان واضح جدا سرعه الجهاز ومرونته مع الهاردسك SSD .. خصوصا عندما اقوم بمقارنة سرعه تشغيل البرامج مع جهازي القديم MacBook Pro .. ومن ناحيه البطاريه كذلك اعجبني جدا قوة البطاريه مقارنه مع جهازي القديم .. فـ يوم امس قمت بأختبار قدرة البطاريه بستخدام الجهاز حوالي ٤ ساعات ونصف متواصله من غير توصيل كيبل الكهرباء ..
قمت ايضا بختبار القوة الصوت مقارنة مع جهازي القديم ماك بوك برو .. فـ قوة الصوت ممتازة على عادة أجهزة أبل ومتساويه مع البرو على الرغم من ان السماعات مخفيه على عكس سماعة البرو ..
الجهاز وصلني من أمريكا والكيبورد معرب بشكل رسمي من الستور نفسه .. ويرجع الفضل لـ المدون (هورنت) الذي وجهني لتجربه هذه الفكرة .. حيث قمت بطلب الجهاز من الستور على الانترنت وبظرف حوالي ٤ ايام وصل الجهاز إلي منزل صديقي أحمد (الي تعبته معاي) في أمريكا .. الذي قام بأخذ الجهاز والتوجه ألي الستور وطلب تغيير الكيبورد إلي كيبورد عربي .. في البدايه قام الموظف بـ الرفض كما قال لي احمد .. لكن بعد الحاح واقناع قام بستلام الجهاز وتغيير الكيبورد إلي اخر معرب خلال مده ١٠ ايام (مجانا) .. لان الجهاز على الكفالة لو كان غير مكفول كانت التكلفه ١٩٠ دولار (٥٥ دينار) .. وبعدها قام احمد بإرسال الجهاز إلي صندوقي في ارامكس .. وهذا هو السبب وراء تأخر وصول الجهاز
مع العلم انني سألت محل iCity في الكويت عن سعر الكيبورد العربي الاصلي لـ الماك بوك أير قالي لي يكلف حوالي ١٢٥ دينار
كلفني الجهاز حوالي ٦٠٠ دينار شامل الشحن من ارامكس
سعر الجهاز بنفس المواصفات في محل iCity بالكويت ٨٣٠ دينار (طلبيه تستغرق اسابيع)
الجهاز بهذه المواصفات غير متوفر في محل (دجتس) ولا في محل (blink) فقط يوفرونه طلبيه تستغرق حوالي شهر
قمت بطلب حقيبه خفيفه الوزن للجهاز (اضغط هنا)
وسأقوم بطلب حمايه مناسبه قريباً
–
تحديث
الاخ المدون هورنت كتب بالتفصيل طريقه الحصول على كيبورد عربي أصلي من أمريكا – اضغط هنا
على البركة مابغى يوصل 🙂
الحمد لله ضبط الشغل معاك وجهازك الحين متكامل والكمال لله
استمتع وراح تشوف الفرق في موضوع ( التنقل الخفيف ) مثل ما اعمل انا
الله يبارك لك فيه و يعطيك خيره
بعد إذنك سيتم ذكر موضوع تغير الكيبورد أيضا عندي في الموقع لتعم الفائدة للجميع
تحياتي
صج نسيت 🙂
خوش صور ، مبين لمسات بوفلان في الموضوع ، طافتني القعدة معاكم بسبب النوم
ملحوقة إن شاء الله
طبعا حشينا فيك .. وتوقعناك نايم كـ العادة
اي نعم المفروض الكل يعرف سالفه الكيبورد .. والفضل لك
ربي يبارك فيك
عليك بألف العافية انشالله، و فعلا ياريت تفاصيل أكثر عت موضوع الكيبورد، و شلون يكون الطلب من الستور (بس أطلب كيبورد جديد؟) و ليش رفض الموظف و بعدين وافق. هذا الشي الوحيد اللي كان رادني عن طلب الجهاز من أمريكا. شكرا.
اهلا وسهلا فيك اخوي بو بدر …
الاخ المدون هورنت كتب قبل قليل موضوع بالتفصيل يوضخ فيه طريقه استلام الكيبورد العربي
http://www.waw.cc/6258.html
تفضل
تستاهل , يعطيك خيره ويكافيه شره
وتكسر كيبورده بالعافية
تسلم يالحبيب .. تستاهل الطيب
مبررروووووك اخوي عالجهاز وتتهني فيه يارب بس انا مستغرب انت شلون طلبت من الستور الامريكي وطلبت منهم تعريب الكيبورد انا اذكر طلبت جهاز ميني ماك وما ارسلوه قال الطلبات لامريكا بس خارج امريكا ممنوع في طريقه معينه اتبعتها ولا شي فيدنا الله يجزاك خير
اي اخوي احمد .. انا طالبه ويوصل لـ صديقي مقيم في امريكا .. وموضوع الكيبورد كما ذكرت لك .. بعد الاستلام يروح يبدل الكيبورد الي عربي
عالبركة .. يعطيك خيره و يكفيك شره
يبارك فيك يالعُبد
مبرووك
سؤال كيف طلبت لوحة مفاتيح عربية وهل هي مجانية ولا عليها زيادة فلوس ؟
مجانا .. والطريقه بكل اختصار مكتوبه بالموضوع .. بعد الاستلام .. تروح للستور وتطلب منهم يغيرون الكيبورد إلي العربي تحت الكفاله
اخوي محمد سؤال بسيط
انا عندي ماك بوك برو حاليا
اقدر اشتري كيبورد عربي …وشلون ؟؟؟
وهل حروفه مضيئه ؟؟؟
بو عبدالله .. انا تجربتي كانت لـ جهاز جديد على كفالة أبل .. وافقو يستلمونه ويبدلون كيبورده ..
لكن اعتقد تقدر تشتري منهم الكيبورد ويركبونه لك .. بس طبعا لازم تودي الجهاز هناك بطريقه ما ..
او اقل شي تشتريه من هناك وتخلي احد يدزه لك للكويت ..وتركبه انت اهني …
والله اعلم
عفوا واذا انا مو بامريكا شلون اخليه كيبورد عزبي اصلي حق الماك بوك برو ؟ حتى اليديد ٢٠١١ I7 شلون اطلبه لو سمحت
موضوع الاخ هورنت كتب قبل قليل يختص بـ الكيبورد العربي
http://www.waw.cc/6258.html
أنا كنت باخذ ال٦٤ جيجا لان استعمالي خفيف جدا وكنت بطلبه من امازون ونصحني صاحبي بأبو ١٢٨ من ديجيت، اذكر سعره بالغانم ب ٤٧٩، بس متردد اطلبه من بره لان على قولتك الستور مايوصلون لارامكس.
اهلا وسهلا فيك اخوي مبارك
أبل نزلت نسختين من الماك بوك اير .. النسخه القدمه هي الي تجي ٦٤ قيقا .. انصحك بشراء النسخه الجديده لان طبعا فيها مميزات احسن ..
انصحك شراء الجهاز من امريكا اذا كان لك احد مقيم هناك .. عشان يسوي نفس الطريقه ويكون الكيبورد عربي اصلي ..
اذا ما يهمك الكيبورد .. تقدر تشتري الجهاز من امازون سعره مناسب حيل ترا .. لكن الكيبورد ماراح يتعرب
لقد هرمنــــــــــــــا ,,,, هرمنــــــــــــــــــــا من اجل هذه اللحظة التاريخية
واخيرا وصل
كم اخذو ارامكس بالظبط لاني (جارى التخطيط) للتحويل من وندو الى ماك
ومبروك يستاهل الاصابع الحلوه
هههههههههههههههههههههه يابوسعد
اضحك الله سنك
بما ان الجهاز خفيف الوزن .. اعتقد كانت تكلفه الشحن من ابل حوالي ١٦ دينار ..
على البركه الجهاز اليديد وتستاهل هالنطره الطويله وشكل الجهاز حلوووو لو لونه ابيض يكون احلا
وتكسره بالعافيه
قريبا بشتريه
ومبرووك عليك الجهاز
الله يعطيك خيره ويكفيك شره
بس انا ابي 64 جيجا
جم سعره بالكويت؟
يبارك فيك يا عادل .. وانشالله تشتريه وتكسره بالعافيه
اخوي عادل الي مواصفاتة ٦٤ .. هذا القديم .. انصحك بشراء الجديد .. والسعر متقارب ترا
والله خوش جهاز صراحه خفته وسرعته هي أكبر ميزه فيه
مبروك الجهاز وتستاهله ويستاهلك
واتعب ع الصور p;
خل عنك خفته وسرعته …
احرص على الصور :p
على البرركه تكسرره بالعاافيه يالحبيب ,,
ربي يعافيك وبيت مكه يوديك
تسلم عرفنا مواصفات اليديد عالطاير وعرفنا الاجراءات وبعض التفاصيل الصغيره مثل الكيبورد
الله يرحم والديك ويبيض ويهك
يابطل المدونات
اهلا بالملك ..
تفضل هذي مواصفاته للجديد .. بأربع مواصفات
http://store.apple.com/uk/browse/home/shop_mac/family/macbook_air?mco=MTAyNTQzNTk
والاخ هورنت (بوناصر) كاتب موضوع عن الكيبورد بالتفصيل
http://www.waw.cc/6258.html
مبروك وتستعمله بالعافيه
يبارك فيك
مبروك عليك جهاز بس انا ناوي اسافر بعد يومين الي دبي وبشوف اهناك يمكن القاة بمحلات تجزاءة
أول شي مبروك علي الجهاز وعلي الفكرة الجهاز ما يحتاج طبعا جهاز رائع بمعني الكلمة وتستاهل كل خير تحياتي .
ههههههههههههههههههه
لا مو من صجك !!
هههههههه انزين عزيزي قولنا شنو شريت بعد ؟
ههههههههه.
أصحاب العقول في راحة !
اخوي محمد .. ماشريت مجك ماوس ؟ و اذا شريت و ماوريتنا ايها ترا بنزعل منك 🙂
هلا والله اخوي حمد .. لا طبعا ما شريت .. لان الماك بوك اير الجديد فيه ماجيك تراك باد رهيب
عالبركه وخوش جهاز وعليك بالعافيه 🙂
على البركة 🙂 يتربى بعزك 😛
محمد اول شي مبروك وتكسره بالعافيه..بدش عرض شوي..العدسه الي مستخدمها بالصور اعتقد ماكرو عدل؟؟ شنو العدسه
ربي يبارك فيك يابويعقوب .. لا مو مايكرو هذي 50mm f/1.4
لأخوي بوفلان
اهلا انا اشتريت ماك برو من امازون و جاني كيبورد انجليزي اقدر اغيرو لو رحت الصيف امريكاء ولا راحت عليا
وهل حدفع فلوس ولا ياليت تفيدني
السلام عليكم اخوي بغيت اسال هل الكيبورد مطبوع او مفرغ ، ؟
مطبوع .. بس في شركة ابل نفسها
سلام اخوي
جم يوم يحاتجون علشان اغيرون الكيبورد