Q8Ping
مقالات مشابهة
–
–
وصلتني دعوة قبل اسبوعين تقريبا لـ المطعم الايطالي Signor Sassi الذي يقع بجانب ابراج الكويت مباشرة وهناك فرع آخر في مجمع 360 .. بالنسبة لي ذهبت إلي فرع البحر بجانب الابراج .. اعجبت بصراحه في المطعم من ناحيه الديكورات والمنظر المطل على البحر خصوصا بالنهار .. واترككم مع الصور
سلطة سنيور ساسي المميزة : خس مع الهليون ، الافكادو، وجبن الموزاريلا
–
فريتورا دي بيشيه بورتوفيتو : حلقات من الحبار (خثاق) ، مع الروبيان والبطاط .. يقدم مع صلصه حاره (سويت جيلي سوس)
–
جامبيروني بيكانتي : طبق من ٣ ربيانات .. بالثوم والزبده والفلفل الحار ..
–
سبييدينود دي جامبروني إي سلموني : صيخ صغير من الربيان والسالمون ..
–
رافيولي ساس : باستا محشوة بالجبنه والسبانخ .. مع قطع صغيره من الربيان وصلصه الكريمه والطماط ..
–
لازانيا : لازانيا مع صلصه البيشاميل (مش حتقدر تغمض عينك)
–
شيرنيا ألا ساسي : فيليه هامور مع بطاط مهروس وصلصه كريمه مع مشروم ..
–
جامبروني ساسي : ربيان مشوي بالثوم والزبده ..
–
أيس كريم فانيلا مع فراولة طازجة .
–
كريم برولي : كريم كاراميل وفوقها طبقه سكر محروق .. (لذيذ)
–
بالعافيه زميلي
ربي يعافيك يا زميلي العزيز ..
هذا من اروع المطاعم في لندن .. واهل النايت بردج يعرفونه زين
بالضبط .. اعتقد في شارع النايتسبردج الفرع الرئيسي للمطعم
هني وعافية ،، تقرير اكثر من رائع
يعافيك ربي .. عيونك الرائعه
تقرير ما شاء الله ، بس ان شاء الله ارد الكويت اجربه
ترد بالسلامة ان شاء الله
بالعافية بو سالم
وأهنيك على التصوير ما شاء الله ….
ربي يعافيك .. اي اهم شي التصوير ههههه .. تسلملي يالصواغ
يعطيك العافيه علي التقرير الحلو
والف عافيه علي البك
ربي يعافيك حبيب قلبي
ما احب الأكل البحري كلش.. يعني انا بالأساس ما احبه وهم بالأساس ممنوع على آكله
لكن البطول أشكالهم خمر لوووول.. بس طلع زيت
هههههه صف النيه ياخوي .. كلهم زيت وصوص وهالسوالف …
كل الا حطيته بحري ماكو دياي ولحم عندهم !!
مادري شلون صار الاوردر جذي .. انا اذا شفت المنيو فيه اكثر من شغله حلوة ادوخ هههه
حدك يوعتنا نهار رمضان
شكرا محمد
ترا تصويرك ماشاء الله هذي الكانون ٦٠ ؟؟
ههههه .. حالي حالج .. قاعد اشوفه واسعبل ههههه
أي هذي ال60d
https://www.q8ping.com//13016.html
ماشالله خوس كاميره
تصور فيها بالعافيه . شكرا على التقرير والصور اظاهر بسير عليهم هاليومين بسبتك اتفطر او اتسحر
العفو .. بالعافية
والله شهيتني وانا صايم
اقول شنو كامرتك ؟
مشكلة هالمواضيع برمضان .. المفروض اشيلها الصبح واحطها بعد المغرب ..
الكامرة سلمك الله canon 60d
وهذا تقريري عنها
https://www.q8ping.com//13016.html
حلو
ماشاءالله خووووش تصوير مغري بصراحه
وصج المكان وايد ديكوره واللوان حلوه وشرح
بس سؤال شنو هالعصير؟ انا من عشاق العصاير والسلطات واحب الاشياء الغريبه D:
شفيكم على العصير .. واحد بتويتر يقولي شنو هالكحول الي على الطاولة ..
هذا عصير تفاح مع كرز
ماعطيتنا تقييم للخدمة والسعر والانتقاد للمطعم اذا في انتقاد
لكن وربي جوعتنا وشكل الاكل مش ممكن من الآخر
عموما الله يعطيك العافيه
خل المطعم
اتعب على الصور عمي ماشاء الله و يهب بنفس الوقت 🙂
اشكرك محمد
بغض النظر عن مستوى المطعم ولكن الملاحظ انك دايما تذكر ان وصلت لك دعوه … يعني ولا مره رحت المطاعم من كيفك ؟
وشكرا