Q8Ping
مقالات مشابهة
–
–
قائمة قمت بترتيبها لأسعار شركات الانترنت (أشتراك سنوي) بعد أن قامت الشركات بتخفيض الاسعار .. للأمانة قمت بالأتصال على شركة غلف نت وذكر لي الموظف ان الاسعار لم تخفض حتى الان وهذه الاسعار لا تشمع التخفيض وسأقوم بتحديث الجدول في حال قامت الشركة بالتخفيض ..
–
قد تكون الاسعار متقاربه وقد تكون شركة أقل من شركة بـ بضع دنانير لهذا انصح الجميع عدم الاهتمام للسعر بقدر الاهتمام بسمعه الشركة من حيث الخدمة وعدم تقطع الانترنت والاهم المصداقية بالتعامل ..
*تحديث : تم تحديث اسعار شركة غلف نت بعد التخفيض
مشكووور اخوي علي المجهوود وشصار علي cap كل الشركات شالوه ولا بس فاست تلكو
جميع الشركات الغت الاستخدام المحدود .. عدى شركة غلف نت .. وللأمانة الموظف قال ماوصلنى شي حتى الان
تسلم على الجدول
وأخيرا شالو الكاب..
الحمدلله … تم رفع الكاب .. والفضل يرجع لكم ولكل من نادا بالحملة
اي شركه تنصح الاشتراك فيها؟
ما اقدر انصح بشركة معينة .. لاني ماجربت جميع الشركات ..
يبيلك تسأل الي حولك اذا مرتاحين بشركة معينة اخذ منها بس دور لك شخص متعاقد من زمان معاهم
كلش مو مرتبين مع بعض
شوف تقارب الاسعار والشركات كلها لعيال عم !!!
تقارب الاسعار واضح حيل
توني داش على كواليتي نت والكاب ليلحين موجود
موظف كوالتي أكد لي وقف الكاب .. يمكن العداد الي بالموقع مجرد عداد وهمي والله أعلم
أنا قبل شهر اشتركت ، فهل تخفيض الأسعار أو زيادة السرعة راح تنطبق على اشتراكي ؟
وقف الكاب راح ينطبق عليك طبعا .. بس الاسعار ما اعتقد … أسأل الشركة …
شنو اهـو الكـاب Cap ؟؟ ممكن احد يفيدني ^^
الكاب او الكبح .. هي سياسه الاستخدام المحدود بحيث لك استخدام يومي للداونلود فقط
انزين وشصار على شركات الاتصال الثلاث لاني مشترك مع فيفا هل هي مشموله ورفع الكبح من طرفهم؟
الله اعلم .. هم موزعين للأنترنت مو مزودين فـ ما ادري اذا يشملهم ولا لا .. اتمنى يشملهم القرار
مشكور اخوي علي الجهد
الله يعطيك العافية ..
وشصار علي شركات الاتصال راح تشيل الكاب
يعطيك العافيه
مجهود رائع
الشكر لله
اسعار كواليتي نت غير عن الي قالي اياها الموظف،
امس اتصلت عليهم قالي اسعارهم
nitro = 365
ميقا 8 = 317
ميقا 7 = 290
ميقا 6 = 262
ميقا 5 = 243
ميقا 4 = 206
ميقا 3 = 165
ميقا 2 = 125
ميقا 1.5 = 96
ميقا = 79
الله اعلم يا بو العز
شنو يعني nitro
توني دقيت على قالف نت الي انا مشترك فبها غيرو الاسعار و شالو الاستخدام المحدود “الحمدالله” !! 🙂
نعم صحيح .. وقمت بتحديث الموضوع قبل قليل
مشكور اخوي علي المجهود
الشكر لله يالحبيب
ليش تحذف ردي علشان انتقدت شركة فيفا ؟
غير صحيح كلامك حبيبي .. ماوصل أي تعليق منك غير هذا .. وهلا وسهلا انتقد من تنتقد وامدح من تريد ان تمدح ..
فقط لا تسب أحد .. وراح يكون تعليقك موافق عليه دايركت .. تأكد انك كتبت تعليق وارسلته يابوجاسم ..
على راسي اخوي محمد يمكن الاتصال الي عندي (فيفا) حتى الردود ماتوصل على العموم اسف والسموحة اذا ظلمتك اما بخصوص ردي السابق كان ان شركة فيفا لاتزال تضع الكاب والاستخدام المحدود الي هو 2 جيجا يوميا وبعدها تطيح السرعة وان شاءالله راح نحول على كيمز اسعارها صارت معقولة بس نتأكد من حذف الاستخدام العادل وان شاء الله محولين عليها .
قامت شركة غلف نت بتعديل أسعارها وهي كما وردت في موقعهم:
Speed Basic Speed *Plus Speed
1 Mbps 79.0 KD 93.0 KD(upto 4Mbps)
1.5 Mbps 96.0 KD 130.0 KD(upto 6Mbps)
2 Mbps 125.0 KD 164.0 KD(upto 24Mbps)
3 Mbps 165.0 KD 215.0 KD(upto 24Mbps)
4 Mbps 206.0 KD 256.0 KD(upto 24Mbps)
5 Mbps 234.0 KD 284.0 KD(upto 24Mbps)
6 Mbps 262.0 KD 312.0 KD(upto 24Mbps)
7 Mbps 290.0 KD 340.0 KD(upto 24Mbps)
8 Mbps 317.0 KD 367.0 KD(upto 24Mbps
http://gulfnet.com.kw/portal/Gulfnet/Residential
شكرا لك حبيبي .. تم التحديث
مرحباا شباب
ابي استفسر انا ابي اشترك بشركة او اتمنى تنصحوني وانا ساكن بمارك الكبير لانه سالت ناس اقولون على حسب المنطقه !!
الله يعطيك العافيه
سؤال وجيه لكل مستخدم الانترنت بالكويت هل انت راضي بالسرعات المطروحه مع الاسعار قبل لاتجاوب شوف الدول الي جنبك ؟؟؟
لا أخوي ناصر .. السؤال الاهم .. هل البنيه التحتيه بالكويت تتحمل هذه السرعات ؟
٨٠٪ من المنازل بالكويت ما تتحمل الا ٢ ميقا .. والبعض أقل …
اتصلت على فيفا ..
وقالوا ما نزل قرار بأزالة الكبح ..
بس قال ان شاء الله هل يومين ينزل ..
طبعآ فيفا اليوم قامت بتنزيل سعر خدمة البلاك بيري بنسبة 45%
وما اضن نزلت من سعر الانترنت الشهري
أخبارك حيل حلوه .. اتمنى تتطبق انشالله ..
وبنتظارهم ..
ياريت لو وزاره المواصلات تلتفت حق منطقه الرابيه لان حتي فايبر ماكو ..
أغلب المناطق للأسف مافيها .. اتمنى من الوزارة تلتفت للبنيه التحتيه السيئه ..
اخوي فيفا شصار عليها ؟؟ بيشيلون الكاب ولا لا
لانهم ياخذون من فاست تيلكو على ماعتقد
واليوم مكلمهم يقوولون للحين موجود
فيه خبر بيشيلونه ولا لا ؟؟؟
أخر كلام سمعته ان القرار ما يشمل الموزعين .. فقط للمزودين
اي و شنو صار على اشتراكات الوايماكس لشركة فاست تيلكو
غيروا فيهم شي
لانه صج اشتراك سعره مو طبيعي
شباب انا جربت جميع الشركات عدا قلف نت
وبقولكم منو الافضل
الافضل كواليتي نت من بينهم فيها عيوب اكيد بس اهي الاقل عيوب بينهم
كيمز يطلعون عيونك كله فاصل وتدق يردون بعد شهر واذا رد وبكل بساطه يرد عليك طف الراوتر ورد شغله يشتغل معاك تهاوشت معاهم وكنسلت عقدي
فاستلكو النت مالها تعباااان حده مو ذاك الزود اول شركة اشتركت معاهم
انا اقولكم الافضل شركة البيض والطماط او اذا صح التعبير الاهون فيهم
شكرا
لا والله اسمع مني انا جربت الكل و ما كان فيه احسن من قلف نت لي الاحين ولا مره فصل عندي الحمدلله و سرعتي 1 mb معطيني اياها و زيادة بعد انا نصحت صاحبي فيها و الحمدلله ماشيه الاموور تمام
شباب الاسعار هذي بتم على طول ولا فترة عرض و بعدين بترد الاسعار الاوليه ؟؟؟؟
هذه الاسعار باقيه بأذن الله ..
بصراحه انا جربت كل الشركات حتى فيفا وزين والوطنية.
افضل شركة من ناحية الخدمة والسرعه والدعم ( كواليتي نت) وهذي مو دعايه ولكن اعطيكم الشركة المريحة واللي ماتلعوزكم من اللي جرتهم كلهم.
واليوم رفعت سرعتي الى Mb8 والحمدالله السرعه كاملة وثابتة وزايدة بعد:)
تنويه شركة كواليتي نت غيرت سرعة 4 mb كانت حاطه السعر 200 الحين صار 218
بسم الله والصلاة والسلام على رسول الله
مبروك ياشباب تخفيض الاسعار وازالة الكاب
عندي كم استفسار
1 -انا عندي اشتراك كيمز 1.5 الحين اذا بزيد السرعه ادفع الفرق ولا شلون الطريقه
2-سرعة 8mbps تحميل يكون فيه 800 كيلو بايت بالثانيه او الف او كم بالظبط
3-اعلى سرعه يتحمله خط البيت عندي جم؟ انا ساكن بالعارضيه اذا مايستحمل الا 2 شلون الطريقه اني اخليه يستقبل سرعة 8
ويعطيكم العافيه ومبروك علينا وعليكم
اتمنى الرد على استفسارتي
الله يبارك فيك ..
مثل هذا الموضوع تصدر تسأل خدمة العملاء بالشركة افضل لك
سلام عليكم حبيت ابارك لكمعلى رفع الكاب وتخفيض الأسعار
اللي مشترك في كيمز وصارله شهر راح يعوضونه
عندي طلب حق اخوي محمد
دام البنيه التحتيه خربانه
ليش مانسوي حمله على وزارة المواصلات
ويتم ترتيبها وتنضيمها بشكل مميز وحضاري حتى يتمالضغط على الوزاره وتستجاب مطالبنا
وشكرا
فعلا كلامك منطقي .. ٨٠٪ من البيوت بالكويت ما تتحمل هالسرعات للأسف
بالنسبة لافضل الشركات انا جربت كوالتي خمس سنوات الدعم الفني قوي عرفت انه قوي من كثر ما يفصل النت وكل سنة اجدد الاشتراك يزيد السعر بدال ما ينقص والحين مشترك جلف نت من ٣ سنوات لين الحين ما اعرف رقمهم لان ولا مرة صارت مشكلة عندي.
الحين دوري اسال 🙂 هل متاكدين ان شالو الكاب لان سويت داونلود اكثر من ٢ جيجا والسرعة ماتت؟
وهل يقل سعر اشتراكي مع العلم انه شهري ؟
وجم اسعار الاشتراكات بالشهر؟
ومشكورين مقدما
انا كنت في بريطانيا في 2008 وسرعة اشتراك الانترنت عندهم 20 ميغا الداونلود غير محدود وقيمة الاشتراك
20 باواند في الشهر يعني 10 دنانير في الشهر و فوق هذا مندوبين الشركه يفترون على
البيوت يترجون العالم يشتركون وحاليا صارت سرعة الاشتراك 50 ميغا بنفس القيمه
وذا مو مصدقين تقدرون تتاكدون بنفسكم من موقع الشركه
http://shop.virginmedia.com/broadband/up-to-50mb.html
الحين أنا مشترك في كيمز من شهر على سرعة 512 كيلو بايت .. و الآن تم إلغاء تلك السرعة .. فهل سيتم رفع السرعة إلى 1 ميجا لدي أم لا ..
الدعم الفني أمس قال لي نعم سيتم الرفع .. و اليوم موظف آخر قال لي سيعوضونك؟
هل عند أحد أي خلفية عن هذا الموضوع؟
يا اخوان انا اشتركة قي غولف نت ايامها كانت مع شركة شوتايم كان الاتصال حلو لكن بعد ما تغير نظام شركة اصبحت شركة للاسف ٤ سنوات اشتركت عندهم بسرعه ٤ ميغا للاسف خدمه كانت جدا جدا سيئه وتركة شركة حبيت انصحكم لان شركة تعبت وايد وكل مشكله يقولك بدل تمديد قديم وبدلت تمديد كايبلات اللي من خارج ٤ مرات وبدلت ٧ راوترات من عندهم ، والحين تركتهم كل يوم قسم مبيعات يتصلون وصلو لي عرض خاص ترضيه ٤ ميغا ب ٤٠ دينار لترضيه ورفضة لان مايهمني الاهم عندي وصول خدمة بامتياز وهذا سرعاتنا بالكويت مقاربه بالدول جنبنا وصلو ٤ غيغا واحني بعدنا بالميغا وحبيت انصح وانا كانت لي تجربه جدا فاشله مع غولف وترفع ضغط