Q8Ping
مقالات مشابهة
–
–
بعد عناء السفر مع الخطوط الجوية الكويتية (المتعبة جداً) وبعد التأخير الذي ذكرته في موضوعي السابق – أضغط هنا – وصلت صباح اليوم إلي جزيرة بوكيت .. بكل صراحه الأجواء كما توقعتها وكما قرأت عنها .. بحريه ١٠٠٪ .. الاجواء الاستوائية والجبال الخضراء تغطي كل ما تشاهده في عينك وانت في طريقك من مطار بوكيت إلي ساحل الباتونق الذي قمت بتصويره بالصورة أعلاه حيث المنتجعات والفنادق .. وحيث المحلات الصغيره المنتشره والمبعثره من محلات لبيع الملابس والكماليات .. هناك عائلات كويتيه منتشرة بالمنطقه وهناك ايضا شباب كويتيين بكثره .. الساحل الجميل يجعل الاجواء رائعه صباحا .. وفي الليل هناك بعض كافيهات قريبه من الفندق تستحق ان تجلس بها مثل ستاربكس وهاقنداز وغيره من مطاعم الوجبات السريعه على الشارع الساحلي .. وغير هذا فـ هناك شوارع خلفيه يغلب عليها للأسف أجواء (السكر والعربدة) .. اليوم الاول هو كـ العادة في كل رحلة يوم متعب جدا .. قمت بستكشاف المنطقه بالكامل تقريبا .. والمهم انني قمت بحجز رحله إلي جزيرة بي بي المشهورة بالمناظر الخلابه والشواطئ الكرستاليه وجزيره أخرى بجانبها يسكنها القردة ستكون رحلتي غدا صباحا إبتداء من الساعة ٧:٣٠ صباحا .. وحتى ٥:٣٠ مساءا ..
–
سأحاول قدر الامكان ان انقل لكم كل ما يستحق النقل عن تلك الرحلة .. غدا بإدن رب العالمين
–
– بستحديث :
صباح الخير .. للتو استيقضت للأستعداد للرحلة .. لكن للأسف الشديد تم إلغاء الرحلة وتأجيلها إلي صباح يوم غد لصعوبه الاحوال الجويه .. وحاليا في الخارج أمطار متواصله .. اعتقد ان الافطار الان في احد المطاعم المطله على البحر بالفندق أمر جميل في هذا الوقت ..
–
صورة لـ بلكونة الغرفه .. ويبدو المطر والضباب على زجاج الشبابيك
–
الله يعينك بالردة بتلقا ناجع العجمي بالطيارة ناطرك
رحله موفقه باذن الله
استمتع بالرحله وانسى الخطوط الكويتيه التأخيريه
الحمدلله على السلامة
هاف فن
حلل الكامرة ترا مناظر ما تتطوف في رحلة بي بي
ننتظر مواضيعك عن السفرة
موفق يا محمد
على قولتك لازم نحلل الكامرة
أخيييييييييييييييييييييييييييييه
ذكرتني بأحلى أيامي هناك… بصراحه البحر متعه وايد وخاصه الجزر انا من عشاق بوكيت لازم أزورها كل سنه بشهر اكتوبر أقعد فيها 8 ليالي احب جوها وخاصه مطرها عجيب.. أنصحك بجزيره Raja اذا كنت من عشاف الـ Relax والهدوء .. ولاتطوف ولا جزيره … في عندك بعد رحله لركوب الفيله هم ممتعه اذا كان معاك قرووب أو صديق لأن بروحك راح تمـل. أنصحك تخلي التسوق آخــر شي ببانكووك لأن هناك أرخص وكل شي موجوود
ملاحظه: خذ معاك حذاء خفيف للنزول للبحر من القارب لأن الشاطىء متروس صخر
موفق أخوي واستمتع بالبحــر
شكرا يابوفارس على النصايح الطيبه ..
اسبوع انشالله وانا عندك
ناطرين الزحمة تخف شوي
تروح بالسلامه وترد بالسلامه انشالله رحله ممتعه
موفق خير انا تاريخ ١١ هناك عقب متااخلص من ماليزيا
بس جم سعر الرحله لبي بي للشخص والاسعار متفاوته ولاثابته بالنسبه للرحلات
وشوف لنا جيمس بوند
والفنتازيا
سعر الرحله ١٠٠٠ بات للفرد
يعني ٩.٣٠٠ دنانير بالضبط مثل ما صرفت
حمدلله علي السلامه
و رحله سعيده أن شاء الله
تروحون وتردون بالسلامة اخوي وتبي صور ومعلومات عن المحلات وشنو تبيع ومكانها وافضلهااااا ان قدرت
الحمدلله على السلامه و واستمتع بوقتك و ان شاء الله تردلنا بالسلامه
موفق يالحبيب في الحل والتراحال ولاتنسي الله يخليك ابي فيل صوغه :))
ههههه ولا يهمك
و أقضوا حوائجكم بالكتمان
العين حق
ت
الله الحافظ
الحمدلله على السلامه
روح جزيرة كورال
وامش تحت الماي واركب سكوتر تحت الماي !!
موفق اخوي .. ترجع بالسلامه ان شآء لله
تصدق الكويت عليها مطر الحين ؟؟
ايي هههههههههههههههههههه
ربي يسلمك يالحبيب .. ودي اصدق
هلا اخوي محمد
انا توني واصل بانكوك
وناطر طيارت بوكت
انت وين ساكن اي فندق؟
الحمدلله على سلامتك ياخوي
بان لاي ماي
انا ساكن بفندق
The kee
الي شعاره بصمه
ترى عيون الناس ملخبطة رحلتك، من الكويت، و الآن هناك الغاء لرحلة الجزيرة،، اقضوا حوائجكم بالكتمان
بوكيت متعه وخيال انا كنت فيها يشهر 7 والله وله اروع ومشكور على التقرير
ثانكس
اخوي محمد شلون فندقك حلو وله لا وقريب عند مطعم القاهره وله ياليت تعطيني رابط حق الفندق اذا تقدر تفيدني
شكرا
موقع الفندق فوق الممتاز .. اسمه بان لاي ماي .. خصوصا اذا خذيت الغرف المطله على المسبح مباشرة ..
مطعم القاهره الرئيسي قريب جدا من الباب الخلفي للفندق
والباب الرئيسي على يسارك هولدي ان
ويمينك ستاربكس وهاقنداز ..
ابحث بقوقل عنه
يعطيك الف عافيه ان شاء الله راح اسكن هذه الفندق وراح ادعيلك
انا كنت ساكن في باتونغ مارلين