Q8Ping
مقالات مشابهة
httpv://www.youtube.com/watch?v=fuNRl0sX5qk
شاب روسي انتقد وبشده شرطي كان يقف لجانبه في اشارة المرور .. وكان يتحدث بالهاتف ولم يربط حزام الامان .. الامر الذي جعل الشرطي ينفذ طلباته بسرعه تامه
يا ترى لو حصل هذا الشيء في بلدنا ماذا تتوقعون ستكون رده فعل الشرطي ؟
YouTube Link
بكل بساطه يسحبك ويدخلك الدوريه
هذا حال دولنا العربيه بكل صراحه
في بلدنا ستكون رده فعل الشرطي ان يوقف الشاب ويخالفه ويسحب رخصته وسيارته بعد ويمكن ان يسجنه بعد
ردا على سؤالك عادي ينزل و ياخذ تليفونك و يخالفك مخالفه مباشره
و الف مخالفه غير مباشره و يوصي عليك ربعه و يعمم على لوحه سيارتك
و و و ،،،،،،،،،،،،،، المشكله لانه مافي رادع او عقوبه لاي شخص يقوم بالخطأ
مشكلتنا الشلليه و ناس تغطي على ناس وين المهنيه وين الضمير وين القسم !!
حاميها حراميها و اعني هنا ( البعض ) و ليس الكل و احترامي لكل موظف شريف
و شكرا على الموضوع …………
والله الحقيقه لو يبي يكلمني كذا أول ما تفتح الأشاره ابي اصفطه وأعطيه مخالفه هذا وفيه احتمال اخذه على المخفر
لوعندنا اتوقع كف يمين و بوكس يسار و مخالفة على السريع xD
رده فعل شرطتنا هي كالتالي :
-أسفط على اليمين
– الاجازه والدفتر
< بعد ما يتأكد إني مو من قبيلته أو مو من عائلته أو جدي السابع عشر مايقرب له يصير التالي :
يدقق بكل شبر بالسياره على أساس يدور أي سبب يعطيني مخالفه !! ,
في حال إن مالقى شيء يمسكه علي! , يسئلني عن طفايه الحريق على أساس إن اهوا ورأسه يفهم بالأمن والسلامه ! ,
واخرتها مخالفه ويسئلك " أقوالك مخالف أو غير مخالف "
< في أمك خير قول غير مخالف علشان تلحقه للمخفر وتحقيق معاه وما اعتقد إن في احد فاضي للأشكال هذي لأن بالأخير اللي يبي يستجوبك بالمخفر هو صاحبه أو ولد عمه !!
– ما أجمع بكلامي بشرطتنا كلهم لأن فيهم اللي فيه الخير بس أقدر أقولها بثقه 80% منهم هذي حركاتهم !!
وهالكلام أقوله من اللي أشوفه بشكل شبه يومي مع إن عمري 18 سنه وماصار لي 3 أشهر وأنا مأخذ الليسن بس لمجرد إن عندي بورش ولمجرد لأن لونها " أبيض بخط أسود وأحمر " وكله من الوكاله هالمصبنه بدون أي سبب لأزم واحد منهم يصفطني وكل يوم اعيد الموال والله وكاله جني اطر من عنده !!! ,
غير التغيم وغير اللي جايني بعد صلاة الفجر بس لأن توني مصلي وصافط جدام البحر مع صاحبي يعطيني نظرات جنه مشتبهه فيني على أساس إني سكران والعياذ بالله ههههههههههههههه مسوين فيها المخبر وحيد هههههههههههههههههه شر البليه مايضحك !!
مره شرطي داايس ورااي مافتحت له مو مشغل فلشر انا دايس 120 وهذي السرعه القانونيه اهواا طااير جان يعصب ويصفطني قال الاجازه والدفتر عطيته قال ليش مو رابط حزام الامان ؟ قلتله انت ماصفطتني عشان هالسبب صفطتني لأني مافتحتلك جان يسجل مخالفه عدم ربط حزام الامان
لا والمشكله بروحه مامعاه زميله يعني اهوا مخالف ومزرق صاحبه ..
يرفعون الضغط شرطتنااا
ياخي والله شرطتهم عسل…اهني شرطته يمشي 80 على الحاره اليسار..اكبسله عشان يفتح يسفطني..يقول شلون تكبس حق دوريه ..لااااه صج ..تخلف
هذا لو عندنا جان سحب سيارته والاجازة والدفتر واشتكى عليه ” اهانة موظف اثناء تأدية عمله ”
🙂
لا يا جماعه مو للدرجه هذه تصير صدقوني ومن واقع تجربة
أن مثل هالامر ما يصير وأحسنو الظن بالناس
أنا أظن لو كانت بنت كويتيه تقوله أربط حزام الأمان يسمع كلامها
لو انا قلت بيصير علي نفسية ويخالفني هذا صج
ياجماعة هدوا بالكم
هذي روسيا .
يعتمد شنو سيارة المصور .
يعني المصور مشغل كاميرا ماحد كلمه ليش ؟
بعدين اتوقع ردة الفعل تختلف لو ما معاه كاميرا . كان ممكن يرميه ويقول مجرم الخ الخ
لا تصورون الروس على أنهم قانونيين . متخلفين لا يعرفون غير لغة القوة
لا تقعد تآلف انا رايح روسيا موسكو اكثر من مره هالحجي الي قاعد تقوله ايام السوفيت الحين دوله راس ماليه
غريب نوع الردود واغلبها تهكمي
لايمنع ان رجال الامن في بلادنا نفسيات وروحهم في خشومهم بس اتوقع لو جيت كلمته يبي يستجيب اولا خوفا منك لربما كنت من هؤلاء المدونين او الاعلاميين او المغردين
وثانيا في دولنا مافي احد قليل شر يعني لو يبي يعاندك يمكن الظابط المسؤل عنه يكون ابوك
بس انا مامريت في مثل هالتجربه وهذا لا يعني انهم كلهم من جنبها ترى والله الجيل الجديد من رجالات الامن جيل واعي ومتفتح على الحياه وقابل للتغير والاصلاح في حال النصح
برأيي الشرطي خاف من جرأة المتكلم فظن أنه شخص واصل لذلك نفذ كلامه بكل أريحية