Q8Ping
مقالات مشابهة
رسم كاريكاتيري في صحيفة الرأي الكويتية تسيئ للاعب فهد العنزي بوضعها “الجنسية السعودية” مربوطه بحبل كأنها طُعم له ليحبو إليها
شاهد أيضاً
فيديو : سائق رولز رويس .. يتحرش بـ سيارة فيراري قطرية في لندن
عرض موقع « يوتيوب »، فيديو لتحرش السيارة الإنجليزية الفاخرة رولز رويس جوست بسيارة فيراري …
اذا ما عزته بلادة وعطته الجنسية من حقه انه يدور على جنسية بلاد ثانية تحترمة …
ليش تنتقدون وتتمسخرون على شخص انه يريد يضمن مستقبله ومستقبل عياله لان بلادة معيشته على كف عفريت نعطيك لا مش معطينك !!!انت درجة اولى وانت درجة خامسة !!!اليوم بنعطيك باجر بنسحبة منك …
لا تقولون واين الوطنية واين حب الوطن حب الوطن بالقلب بس واين وطني عني ؟؟؟
هذا السؤال …
والله جزاهم الله خير السعودية على الأقل قدّروه
حسبي الله. ونعم الوكيل
والله العظيم .. ما يستحون على هالكريكتير !
جريدة الراي بدال .. ما تنتقد الحكومة اللي ما جنست والد فهد العنزي اللي شارك بأغلب حروب الكويت ..يطيحون بـ هالولد المسكين ! اللي فوز الكويت ببطولة الخليج …{ قبلها كنا اذا تعادلنا مع اليمن .. يعتبر إنجاز لنا “مع كامل احترامي لليمن” }
اعلنها من الآن .. انا مقاطع لجريدة الراي .. وخل كريكتيراتهم تنفعهم !
عقب ما عطوه الجنسيه الكويتيه يبي السعوديه !
اول شي الكويت يوم عطته الجنسيه
عشان يشارك اب كاس اسيا بعدين
اسحبوها منه و هذي لكويت
مره تعطيه و مره تسحبها منه
متى ما بغت تستفيد تعطيه متى ما بغت
اتقطه قطته …
ونا صح اني زعلان ان راح يروح عن المنتخب
بس خله يأمن مستقبله ولا انه يقعد بدون
والناس تطالعه اب نظره خايسه
عيب والله
اتمنى للاعب الخلوق فهد العنزي تكملة حياته في اي دولة اي توافرة في ظروف المعيشه الكريمه روح يوبا خل يصير عندك عقد زواج وعيالك شهادة ميلاد وتاخذ جواز سفر وتعيش حالك حال اي انسان
الله يوفقك ويسهل امورك يافهد وجزاك الله خير على ماقدمت
لييش يعتي جذي
غهد العنزي ما يستاهل
فهد العنزي كبير ما يتاثر بسفاهه كاركتير الراي
بس الرسام عيب عليك
وفوق هذا والنعم بالجنسيه الكويتيه والسعوديه
المشكله بالرسام ، ما يستحي صراحه و قليل ادب بكل ما تعنيه من كلمه ،
و فوق هذا اللوم على جريده الراي اللي ما احترمت فهد ولا حتى متابعين الجريده .
و بالنسبه لتجنيس فهد ، ترى بتفتحون باب لكل شخص بدون انه يدخل
بأي نادي و يلعب معاي عشان يوصل للمنتخب و عقبها الجنسيه !!
و فهد عيشته حلوه ما اشوفه يحتاج الجنسيه ، يعني سيارات و مسطره عند الباب
و اهم ” بنتلي – اودي ار 8 ” و في غيرها بعد و يسافر و يرد و الحين اهو بـ بانكوك ،
و كل شوي يدق السلف و يروح السعوديه عند ” اهله ” و يرد .. ما اشوفه يحتاج شي !!
و عاد احنا مو ناقصين ، كافي اغلبية البدون معروفه شنو اصولهم و من وين !!
و صح في فئه ” بسيطه ” بدو اهملوا الاثباتات و راحت عليهم و الله يعينهم .
تعليقي هُنا ..
سوف يكون بالتقييم كي لاتكثر الآراء …
( مبدئي ضدي هذه الرسمه التي لابد ان يعاقب صاحبها )
شكراً للجميع ..
يا جماعه الجريدة لا تهين فهد العنزي بالعكس قاعد تشرح الظروف القاسيةالي قاعد يعيشها.
خلونا نتكلم بصراحه , فهد العنزي الى الان بدون لانه عنزي !
ولا كثير خذوها بالتمثيل المنحط الفاشل او بالغناء الفاجر من بند ((اعمال جليله)) !!!
السلام عليكم
هذا مستوى جريدة الراي
باسمي و باسم جميع المشجعين
نعتذر للاعب فهد العنزي
جريدة الرأي جريدة أعلانات و أخبار صفحة أخيرة و إهانات و عنصرية
ما عندهم ميثاق او معيار
عادي عندهم يسفلون بالبدون أو أي جنسية من غير احترام, مع انه بالقانون حتى المقبوض عليه مشتبه به ممنوع نشر اسمه أو صورته أو جنسيته حتى يتم اثبات انه مجرم عند قاضي
من أخبارهم: فلان ودعها دهسا!!!!
ماعندهم احترام للروح
يعني يا نذلك وما نعيطيك جنسيه كويتيه
واذا تأخذ جنسيه سعوديه
نذلك بالصحافه ونسخر منك
لاحول ولا قوة الا بالله
صحيفه زباله وإعلام قبيح وفاسد
الله يوفقه وين ماسار
رجل ماقصر لعب بكل روح في منتخب الكويت ويستاهل كل الاحترام والتقدير
وبالنسبه لجريده الراي هذا رايكم في انسان احترم القانون الكويتي وهذا جزاه للأسف
فهمتوا الديمقراطيه غلط , الرجل مرفوع الراس لأنه قدم للكويت شي انتوا ياجريده الفتن غير الفتن والمصاييب والفضائح تراكم غيرها ماقدمتوا شي
ان لم تستح افعل ماشئت
كرهت هذي الجريدة
الجريدة الي افرادها ومسؤلينها
الله اهون الناظرين اليهم
ما اثق باخبارها
الجذب بيكون اهون اخطاءهم
فهد العنزي الله حسبة هو نعم الوكيل
تمنيت لو انك وضعت كاريكاتير “شخابيط” كان باسم (يرى الناس بعين طبعه)
لازم ياخذون عقابهم على اسائتهم لفهد تاج على روسكم واللي على راسه بطحه يحسس عليها
يمهل ولايهمل حسبي الله ونعم الوكيل فيكم اعلن مقاطعتي جريدة الراي
مش محترمين
حسبي الله. ونعم الوكيل
موراحمينه ولامخلين رحمة الله تنزل عليه وفعلا اللي يذبح عمره ويضحي جزاءه التشهير والإهنانة والسخرية واللي يرقص ويغني ويصير مهرج ياخذ الجنسية وأعلن مقاطعتي للجريدة ولاتعليق للرسام السخيف
لا لتجنيس البدون و لا لتجنيس فهد العنزي