Q8Ping
مقالات مشابهة
httpv://www.youtube.com/watch?v=qknT1A8mK80
لا حول ولا قوة الا بالله … شيء محزن جداً
YouTube link
شاهد أيضاً
فيديو: تصوير رائع بتقنية التايم لابس والهايبر لابس لحديقة الشهيد
قام بتصوير هذا العمل كل من ماجد سلطان وعبد الوهاب الاصبحي حسين الهاشمي وجاسم مقيم …
كثر مالحريم يحنون اكيد شبابنا يطلقون
نتيجة تربية الخدم.
اغلب حريم هل وقت مو مال مسؤوليه
عن النبي صلى الله عليه وسلم قال: “لو كنت امراً أحداً أن يسجد لأحد لأمرت المرأة أن تسجد لزوجها”
لان الحين الاهالي يزوجون عيالهم وهم بـ عمر ١٩ !!
أنا ي كثر ما يحنون علي اتزوج بس تو ناس ل أقتنعت ان وقت زواج الحين بتزوج 😛
يمعود وين الي يزوجون عيالهم على 19 سنه دلني عليهم !
معروف حاليا عن مشكله العزوف عن الزواج ..قليل الي يتزوجون صغار حاليا .
لأن مسخره عندنا الصراحة البنيه تبي واحد قاعد على بنك ويلبيلها طلباتها ويكون شبيك لبيك ويطيح الطير من السما
ولارياييل ما يتحملون على طول يبون يطلقون اذا ما عجبهم شي وترا اذا مشكلة الطلاق معلومه ان الريال الي يطلق مو المره يعني جل الخطأ على الرجال في الطلاق 🙂 .
صدقوني المسلسلات بتودي المجتمع للهاويه البنت اذا تعلقت بمسلسل اقتنعت 100% بفكرته وطريقة الحياه فيه واحداثه .. على سبيل المثال يعني اذا فالمسلسل البنت تزعل على رجلها وتروح بيت اهلها على سبب تافه ويرجع يكلمها اتصالات ورومانسية بعدين يقابلها عند بيت اهلها ومعه باقة ورد وتعالي يابنت الحلال انا اموت ولا اعيش من دونك ومن هالسوالف اللي الممثليين بأنفسهم مايسوونها بحياتهم الخاصة ومع ذلك البنت تتوقع ان هذي الاحداث اللي لازم تصير معها وللأسف الحقيقه ان الرجال يفكر بتفكير مختلف وعقلاني ابعد منه عاطفي ويقول في نفسه اذا على هالزعل البسيط التافه وكبرت الموضوع هذي مو حق تكوين عائله وفتح بيت وامور اكبر وتبدأ الامور في انحدار بينهم ومشكلة تافهه على مشكلة تافهه غيرها تصير الحياه بينهم صعبه وكما يقال لاتحقرن صغيرةً ان الجبال من الحصى ..
الكويتية متمردة ….. السورية نصابة وقوية وتبي جنسية كويتية وطلق …. الاردنية تعبد الدينار والفلس …. لبنانية تحب الفريند
قانون الاحوال الشخصية هو اللي خله الحريم متمردين غير مسئوليين ومو هامه شي!!
انا أمررأة واعرف تفكير الحريم: المرأة لما تزعل من زوجها اول شس تفكر فيه هو والله اخذ كل فلوسه وقعدة على الحديدة ( وهذا تفكير 90% من النساء) وبالفعل بسبب هالقانون تاخذ معاش الزوج بين نفقعه و متعة و عيال و اجار و خدامة واثاث بيت و سايق حق عيال عمرهم ماكملوا حتى السنة!!!!
وهي قاعدة ببيت اهلها و صرف من فلوس هالمسكين !!
بارده مبرده فلوس جت من غير تعب و كد !!! شلون ما تطلب الحريم الطلاق وبسهاله ترخص العشره!!
لو قانون الاحوال يتعدل جان شفنا الحريم منظبطين ببيوت ازواجهم و ماشية حياتهم ومربين العيال بين والدينهم!!!
المرأة ضلع ناقص .. بس تحتاج الرجل ..
والرجل طفل كبير .. يحتاج المرأة بكل مرحلة بحياته
لكن مع الاسف هالقانون قوي شوكة المرأة وخلاها من اول سنوات زواجها تنفصل!!
د. سيد محمدطبطبائي مرة قال ان سنة 2009 بين كل 4 نساء تزوجن – 3 تطلقن !!!
شوف النسبة يعني اكثر من 90 % نسبة الطلاق بس بسنة 2009
الله يهديهم !! يحسبون الزواج غده و سينما و حب و سفر!! مادروا الزواج استقرار و عيال و آمان !!
جاي اقول نفس كلام سنافيه بالرد الي قبلي بضبط وازيد ,
حاليا المرأة لمّا تتطلق ما تتحسف على شي عندها وضيفتها وفلوسها وعكس ممكن تاخذ شغلات اكثر …ومنها ان المطلقه في كثير من العوائل عندها حرية اكبر من البنت الي للحين ما تزوجت .
الي يقول المرا متطلبة والمرا مو قد المسؤولية والي والي.. جم واحد منكم يصرف على مرته ؟؟ وجم نسبة الحريم الي ما يطبخون حق رياييلهم ومو سنعين ؟؟ انا الي شفته بالمجتمع ان اشباه الرجال دلوعين وما يعرفون شنو يعني زواج يبي يطلع يسهر يلعب يغازل والمرا خلها بالبيت تحمل وتربي وتاكل تبن !!! لا والهبة اليديد الي يتزوجون عقب شهر شهرين يطلع من وظيفته والمرا تكد عليه وهم ما يوفونها حقها بالاحترام
اسمعوا مني يالكلام, أنا توني مطلق قبل ثلاث أسابيع
كلامي هني مخصص للزوجين السنعين يعني لا تييبي بنت تقول اذا الريال سكير واذا الريال يكلم بنات واذا واذا.. انا ما اتكلم عن النوعية هذي, اتكلم عن ان الريال محترم والبنت محترمه.
انا اقول ان نسبة الطلاق 99% بسبب الحريم.. وهذي الأسباب :
1- الحريم واهما مراهقات يعتبرون حريم, واهما حريم يعتبرون مراهقات.. ممكن الجملة صعبه الفهم, خلوني أفهمكم.. البنت واهيا مراهقه تلقاها تكانه وخلوقه ومأدبه جدام رفيجاتها خصوصا بالجامعة والهدف من هالشي عشان تعجب رفيجاتها ويتكلمون عنها جدام الأهل والمعارف عشان ييبولها الزوج.. لكن عقب الزواج واللنضوج ترد ياهل مراهقه بس تبي طلعات مطاعم وهدايا وسفرات و و و.. وفيك خير يا ريال ارفض شي.. ادري راح يرد علي جم واحد شايف نفسه بطل ويقول والله اعطيها طراق على عينها.. حبيبي وفر كلامك لأن الرياييل خرفان عند حريم لحد يقص عليك ويكون بطل جدامك بالدوانية.. ترى الريال بدون زوجته خيخه.
2- من مميزات بنات هالزمن انهم ما يكونون بنات !! شلون يا أخ جوفيال كلامك مو مفهوم.. أنا افهمكم.. أنا عقب ما طلقت قررت أتزوج بسرعه عشان اتفك من القضايا لأن للأسف زوجتي محامية وأخوها محامي يعني راح يقعدولي قعده قهر.. وعطوني خبر أصلا انهم راح يبهدلوني بالقضايا, عموما قررت اتزوج قبل القضايا عشان يرأف بحالي القاضي, تقدمت حق بنت جان تقولي أمها : بنتي هادية وحبوبه وخجوله, تعااااالي يا مناااااااااااااال.. دشت منال ولا اشوف مخها من فتحة خشمها والصراحه ماعرفت أفرق بينها وبين درام الفسو, أهيا تطلع أخت الخرتيت بالرضاعه.. عموما قالتلي امها (ونرجع على أول جملة بالنقطه هذي) ترى بنتي وايد هادية واخلاقها عالية وما شاء الله عليها ما تحب تدش المطبخ نهائيا !! يعني صارت البنت الي ما تدش المطبخ من المميزات الحين بهالزمن, يعني اذا انحاشت الخدامة ورحت مكتب خدم طلب وحده ثانية وقالولي بعد ثلاث شهور توصل , قزرها مطعم انت وياها ثلاث شهور اوكي حبيبي !!
3- نقطه مختصره لكن معناها كبير : وايد بنات يلبسون عبايه وفصخوها بعد الزواج.. ووايد منقبات قطوا النقاب بعد الزواج.. لا تقولولي لا تييب سيره البدو, أنا بدوي وعلى راسي البدو وجماعتي كلهم منقبات لكن انا اقول شي واقعي وانتوا تدرون
4- بنات هالزمن معتبرين الريال كومار.. تلقاها تسوق سيارة وتدر بالكويت اكثر من الريال لكن لازم اذا تبي شي تطلب من ريلها يوديها.. عاد تعال ودها خياييط الفروانية ولا الصالون ولا سوق الجمعه.. يلعنأبو الأرف اذا وديتها مكان انت مالك حاجه فيه او مكان حريم.
5- قانون الأحوال الشخصية مع البنت قلبا وقالبا وأنا أمس عندهم, سألت عن حضانه العيال هل في طريقة يكونون عندي. قالولي لو الأم يصيدونها سكرانه ومعاها حشيش, ما ياخذون العيال منها.. حضانه الأم ما تطيح إذا برفض الأم حضانه أطفالها وتنازلها عنهم للزوج, وهذي انسى بنت تسويها, لو تعذب اليهال وماتربيهم عادي عندها أهم شي تقهر الريال.
6حضانه الأطفال عند الأم, ثم أم الأم, ثم عمة الأم, ثم خاله الأم, ثم أخت الأم, ثم بنت أخت الأم, ثم بنت عمه الأم, ثم بنت خاله الأم, ثم أم الأب, ثم أخت الأب.. ثم الأب.. يعني حبيبي انسى حضانه عيالك اوكي.. ترى مو عبط هالكلام والله انه صج, يمكن أكون مخربت بالترتيب لكن والله صج.. قبل الأب في ستين ألف حاضن للعيال بعدين يي دور المسكين
7- معاش الحريم أكثر من معاش الريال, البنات طموحات تلقاهم بالبنوك والتأمينات والقطاع الخاص, والريال فاشل دراسيا يا بالأشغال أو البلدية.. لكن تبي الريال يتكفل بكل شي حتى لو ما عنده تقوله تسلف من أمك.. واهيا معاشها للهدايا حق رفيجاتها
8- هذي النقطه وايد تصير بالناس لكن 90% من الشباب ما يدرون عنها.. لو سمحتوا كل واحد يعطيني دينار على هالنقطه.. بعض الآباء تلقاه فقير وراعي وانيت ومايعرف يقرا ويكتب, تطلع بنته متفوقه وتطلع الأولى وتدش الجامعه وتصير مدرسه أو مهندسه.. يروح الشاب اللطيف وياخذ لاند كروزر على أفا بنته واهي المسكينه تخاف وتسكت.. وتلقاه كاشخ بالدوانيه بلاند كروزر, يقولوله من وين لك انت حدك فقير.. يقول بنتي شرتلياه هديه !! اي طل بعينك.. عموما تتزوج هالبنت والريال مستانس متزوج مهندسه او مدرسه.. ينصدم بعد العرس انها مديونه 30 ألف !!! يقولها ملات شنو هذيل !! تقوله ابوي شريتله سياره ورممت بيت ابوي وشريت اثاث يديد حق صاله بيت اهلي وشريت حق اخواني غرف نوم !! يقولها انزين جم قسطج ومتى يخلص !!! تقوله 450 دينار على 15 سنه !!!! يعني يروح عليه شبابه وبداية زواجه عالفاضي ويصرف على زوجته طول الوقت.. انا ما اقولكم ان الزوج طماع ويبي معاش زوجته لكن الزوجه تساعد الريال بالبيت وتساعده بالسفر واذا احتاج تعطيه.. اما ان معاشها كله لأبوها لا يخسي ابو اللاند كروزو الوصخ.
طبعا هذي كلها تسبب طلاق من ناحية البنت.. شنو ممكن يسوي الريال عشان يتسبب بالطلاق ؟! قلتلكم لا تقولولي خيانه او سكران, كل الي ذكرته انا عن البنت مافيه خيانه. نبي شغلات غلط بالتربيه مثلا او بالطبع, لا تقولون الريال مافيه عيال ولا تقولون ما يجامع, شمي ريحتج أول بعدين قولي الريال ما يعطيني حقي الشرعي.. وخصوصا ريحة حلجج الي تقعدين من الصبح لي الليل ماتاكلين عشان ما يخترب المكياج وعبالج الأكل يسبب ريحه حلج, لا حبيبتي أبشرك الأكل اهوا الي يعدل ريحة الحلج اذا ابتعدتي عن البصل والثوم و……… النقانق (يلللللعن أبو ريحه تريوعه النقانق).. اما اذا ماكليتي شي تصير ريحة حلجج ريحه كهف تزوجوا فيه اربع قطاوه وماتوا كلهم وفطسوا فيه.. تصير ريحة حلجج ريحه ما التفاخية اذا طاح على الزوليه مالت العروس.
آسف عالأطاله يلا باي دوام