Q8Ping
مقالات مشابهة
httpv://www.youtube.com/watch?v=Fa6OvlQMgwI
في حادثة غريبة قامت 3 معلمات في أحد المدارس الإبتدائية بتصوير طالبه في الصف الأول الإبتدائي تبكي في أول يوم دراسي لها وكانت معلمتين يتطاولون عليها بألفاظ خالية من الأدب وهم في مؤسسة تعليمية ونشر الفيديو في وسائل التواصل الإجتماعي كنوع من التسلية
YouTube Link
والله حرام عليهم إلعبو بعصاب البنيه ،، هذيل كفو زيادة المعاشات ؟ هييلق ما يسنعهم شي
والله حرام لعبو بأعصاب البنيه ،، هذيل كفو زيادة معاشات ؟ هذيل مال راشدي والله .. هيلق ما يسنعهم شي
اشوف صارت موضه من المعلمات يصورون الطلاب !! وظيفتهم تعليم ولا تشهير !؟
مثل ماطالبوا بالزيادات ارجوا انهم يكونون قدها ويأدون وظيفتهم بأكمل وجه ، مانفع اما الاستقاله او الطرد من العمل هذي مؤسسه تربوية تعليميه
واللي يقول لكم انا هادين ولدي واهو اول سنة ابتدائي قبل موعدهم ومدرسة المناوبة ركبت ولدي باص خاص غير تابع للتربية ومخليني وقت الهدة ادور ولدي بالمدرسة كلها ما القاه وكل ما اسال اي احد من المدرسات يقولون مانعرفة واصلا ماكو احد لان هدوهم قبل الموعد والمديرة اسالها تقولي دورة راح تلقاه منخش هني والا هني وانا لي الساعة ٢ ادوره اخر شي قمت ادوره بالشوارع نفس المجنون القاه عن فرع قطعة ٢ والمدرسة بقطعة ٣ بجابر العلي لان الهندي مال الباص توهق فيه وقطه عند الفرع مال القطعة ومشا عنه
الولد من الخرعة يبچي وبايل على نفسة وقاعد يدور بالشارع مو عارف شنو يسوي بعز الظهر
والله ان الشكوة لله والله ينتقم منهم ومن عيالهم حسبنا الله ونعم الوكيل فيهم ويالله توريني فيهم حسابك في الدنيا قبل الاخرة يارب امين
لا حول ولا وقوه الى بالله العلي العظيم …الحمدالله انك حصلته ياخوي
مسكينه اذوها وخرعوها
مدرسات يبون تربية!
والله حرام لو هذيل المعلمات بمدرستي جان علمتهم مديرتنا شنو يتعاملون مع التلاميذ صج ما يخافون ربهم
حرام يكووووونو معلمات لأن الاسلوووب أسلووووب شوارع وخالي من التربية والتعليم
أتمنى من وزارة التربية والتعليم التحقيق في هذا الأمر
لأنه گارثة تعليمية….
مالت عليهم مالهم مهنه غيير الزرط بقر مغيير يعلفوون
والتدرييس عالامهااات
الله يعينا عليهم عاهاات مستديمه
وتبونا نأمّن على بناتنا عندهم بعد!!
لاتلومونا اذا غلطنا بحقهم يالامهات..
في بعض الابلات مو كفو الوظيفة.. التدريس من أسمى الوظايف، ولكن يؤسفني ان اغلب ربعنا دخلوا التربية ليس حباً في التدريس لكن يفكرون بالمعاش لا اكثر ولا اقل ولايحللون معاشهم!! الا من رحمهم ربي، حسبي الله عليهم وعلى كل مدرسة ماتخاف الله بعيالنا
ترا حتى التربية لو عاقبتهم
يقدر ولي انر الطالبة رفع قضية على المدرسات للمطالبة بالتعويض عن الضرر المادي والمعنوي
قليلات ادب الصراحه
اسال الله ان يريهم ما ارو ولي هذي الطالبه
طلال
والله ما اخليهم
تكفي العن والديهم الكلاب
شنو يقطون ولدي واسكت !!!
انا مدرسه واتبرأ منهم ومن اللي سووه بالبنات ً عيب والله تطلع منهن هالسوالف ” المفروض يحضنون البنت ويمتصون خوفها بس شقول
وين التطاول ؟؟!!
الظاهر انتم مو فاهمين الموضوع .. لما قالت حمارة (الله يعزكم) كانت وحدة من المدرسات تحاكي اللي تصور تقول لها ( فشلتي البنت يا حمارة ) عشانها تصور البنت يعني الكلام مو موجه للبنية … مدرسة تكلم زميلتها وش علاقة الطالبة في الموضوع ..
بس المفروض ما تصورها والله عيب عليها … لنفرض هذي البنت بنتها بالله هل ترضاها ؟!!!
أول شي هذا التصرف الي بدر من هالمعلمات بالذات مانختلف انه تصرف غلط ومالهم حق يصورون اي طفل وفيه من عدم الاحترام لخصوصيه الناس.
واللي يقول مو كفو زيادة معاشات منو انت عشان تقرر انهم مو كفو حتى انت يمكن مو كفو تكون اب او مو كفو وضيفه لا تعمم وخلك واقعي وتعامل مع المشكله بخصوص مو تعمم
واللي تقول ماعندهم غير الزرط والبلع انتي للأسف ماعندج فكرة ان الانسان الطبيعي ياكل ويشرب مثلج بالضبط يوم تبلعين وتزرطين ولا تقولين انتو ما ادرسون انتي المفروض ادرسين عيالج وتتعبين عليهم مع ان المعروف ان اغلب اولياء الأمور يحطون مدرسين خصوصيين.ولاعبين فيهم لعب والام لاهيه والابو لاهي ويقولون احنا نتعب على عيالنا!!!!! اول شي ربو الجهال صح المدرسات والمدرسين مو شماعه تعلقون عليهم سوء تصرفكم و جهلكم فالتربيه والدلع الزايد للطفل … مدرسه وافتخر
حسبي الله و نعم الوكيل في هالمدرسات الي ما عندهم ذرة من الإنسانية!!!
نناشد وزير التربية بفصلهم من سلك التعليم والله حرام عليهم الي سوو في هالطالبات!!!
وما خفي كان اعظم في مدارسنا!!!
يعني بالله هذول كفو يربون جيل المستقبل ؟!
إلى ولي امر الطالبات لااازم ترفع قضية على هالمدرسات عديمي الضمير والإحساس و تاخذ حق عيالك!!!!
يا جماعه الخير
هذي المفروض يصكونها قضية تشهير بعيال الناس
ما يجوز تصورونهم باي حالة كانت زينة او مو زينة
و الله نعمة التكنولوجيا طلعت علينا نقمة.
اخوي عبدالرحمن بن محمد اهما في مؤسسة تربوية المفروض يكون الخطاب ارقى من جذي انتا تبي تبني جيل راقي والا جيل …. هذا طفل و راح يلقط الكلام وممكن بالمستقبل ما يستصعب هالكلام . هذا انا راي مع احترامي لرايك يا الغالي
يا والد الاطفال لا تسكت عنهم روووح ارفع قضية تشهير ضدهم و ثق تماما كل انسان شريف و يعرف الحق راح يكون معاك حتى لو كانت المعلمة هذي اخته لازم تحاكم عشان لحد يسستهتل التصوير وصوتتا مرفوع
للتربية و الداخلية التشهير ممنوع ممنوع ممنوع
انا معلمه وأتبرأ من ناس تشوه سمعة التعليم بالكويت هم نقول لازم يتعاقبون هاللي سوو الموقف واهلهم المفروض مايسكتون واللي يقول كادر وما كادر انا معاك مو الكل يستحقه في معلمات كثير مايستحقونه بس هم في ناس تخاف الله وتستحقه فارجوكم لاتعمون بارك الله فيكم
عفيه صاحب الفيديو او المشرف على الردود حلفتك الله توصل ردي حق إيميل ……طلااااااال…… اشلون تسكت وتقول حسبي الله ونعم الوكيل يااخ طلال اوكي حسبي الله ونعم الوكيل على كل ظالم بس هالموقف يأثر على نفسية ولدك العمر كله وانت وحرقة قلبك على ولدك هذي لها تأثيرات صحيه ونفسيه عليك ووغير ولدك كثير بعد بهالمدرسه صار لهم نفس ولدك اصلا المفروض بحزتها جايب الشرطه ومخلي الناظره تخيس لي المغرب وادخلها تحقيق مو من حقها اطلع الطلبه امبجر والاهل مايدرون وين الشرطيات اللي موظفينهم بالمدراس وبعدين شكواك لاتحطها بمكتب الوكيل او الوزير وتروح عليك شكواك روح فيها لديوان الحجرف بالقصر قطعه ثلاثه وصدقني مابيسكت أمانه أمانه ردي يوصل لطلال وابيه يطمني شنو سوى
المفروض يمنعون التلفونات بالمدارس اللي تبي ضروري يخلًون عند الناظره لوكرات للهواتف وتوقع المعلمه وتحط تلفونها … ووقت الضروره تروح تشوف التلفون بالفرصه بالفراغ عاد كيفها باجر لي انشهر فيديو بيظل طول العمر يأثر بالطفل ماكو فايده
حرررررام عليكم بستهزووون براءة الاطفااال
مووو كفووو معلمااات
لو خليت خربت ،، هذيلا نموذج سئ مو معنانه الباجين نفسهم
كل وحده تعكس تربيتها و بيئتها
مو كل المدرسات نفس الشي
في مدرسات نفتخر فيهم لانهم مدرسات اصابعكم مو سواااااا
و الله يعينهم
الله يمهل ولا يهمل عساهم يشوفونها بعيالهم يارب
مو كفو تربيه تربية شوارع لو بناتهم اللي صايرلهم هالشي قومو القيامه
بس شنقول الله يحفظنا ويحفظ عيالنا
واهمه جزاتهم الطرررد
كفو يادكتور
هذا نايف الحجرف الي نعرفة
قلبي عورني عالبنات ينسبون و ينهانون مرعوبات !!! هذا سجن ابو غريب مو مدرسة لاااااااازم اشد العقوبة قله ادب تصدر ممن يفترض منهن تربية الاجيال و العناية بنفسية الصغار حسبي الله عليهم
انا من وجهة نظري اهنئ آباء وامهات المعلمات وخصوصا اللي تضحك لان تعبهم وتربيتهم راحت هباء على فاسقات يفتقدن الاخلاق والشرف،،،اللهم لا شماته 🙂 عموما مبروك الفصل من الوظيفه
ايا كلاب على هالسالفه !! هذول ملوت خيازرين و جريد نخل منقعين بخل و ملح.. و لشط فيهم و طق بالنعل .. الله لا يحللهم، و يشوفونه بعيالهم آمين
انا معلمه بس ولامره شفت مثل هالاشكال الي تستهزئ جذي مااقول الا لو خليت خربت وهذا دليل عالى تربيتهم السيئة بس كفو والله يادكتور نايف بردت قلوبنا فيهم
االمفروض يحطون مشرفين ومراقبين بالفصول او كاميرات يراقبون سلوك المعلمات لان صججج تصير وايد اشياء من هالنوع واكثر من جذي بعد بعض المدرسات انا لا اعمم لكن اخص ان في البعض يغلطون على الاطفال واهلهم ويضربون الاطفال وبعدين ينكرون ويطلعون الطفل كذاب عقدهم ومشاكلهم بالبيت يطلعون على الاطفال بالمدارس الحمدلله والشكر هذا غير الاهمال في التدريس كم مشكله وحادثه صارت بعض الاطفال ماتوا بالمدراس بسبت جهل واهمال بعض المدرسات منو المسئول وين ياخذون الاهل حقهم وحق عيالهم وشنو اللي يثبت وقت اللي تصير سوء معامله الكل ينكر يليت لو الكل يخاف من الله ويحطه بين عيونه في معاملة هالفئة مادري يلقونها من الخدم والا من المدرسات الواحد قام يخاف على عياله من حتى الهوى راعوا الله بوظايفكم وكاد المعلم ان يكون رسولا
والله انا ماني شايفة انهم سوا ذاك الشي اللي يستدعي كل هذا الهجوم العنيف مااباء وامهات يسوا بعيالهم اكثر من كذا
والهجوم اذا دل ع شي يدل ع حقد الناس وخصوصا ربات البيوت ع معاش المدرسة لا اكثر ولا اقل