Q8Ping
مقالات مشابهة
نهاية شهر يناير سينتهي عقدي مع شركة فيفا بـ اشتراك 7.2Mp
بعد ان قرأت هذا الاعلان اليوم افكر تجديد الاشتراك إلى سرعة اعلى
لكن السؤال :
اذا كان اشتراك 7.2 يعطي من 700Kb إلى 2Mb .. فكم سيعطيني اشتراك 21Mb
والاهم .. هل هذه السرعه متوفره في جميع انحاء الكويت ؟ ام بعد الاشتراك سيقول لي الموظف ..
(اسف اخوي البرج القريب من بيتكم مايدعم هلأشتراك)
_____
شرايكم ؟
قبل لا تشترك اسال
لانه ال ٢١ ميجا
شغاله ١٠٠٪
دبمنطقة سلوى بس اما باجي الاماكن تقريبا تحت ال ١٤ ميجا
يعني حرام تدفع فلوس ٢٤ ميجا و انت تستقبل تحت ال ١٤ ميجا
ثانيا ال ٧ لها اكثر من قطعه منها الراوتر اليو اس بي العادي يو اس بي الكره و ماي واي
اما ال ٢١ بس فيها قطعة يو اس بي ما فيه ويرلس
بسأل .. تو الناس .. وأكيد في احد مجربها
الي اعرفه انها ما تشتغل بكل المناطق اسال عن هالشغله
و سرعه الداونلود راح تكون قسم ال٢١ على ٨
لانه اهو ٢١ ميقا بت و ال٨ بت يساوي ١ بايت
يعني تقريباً ٤ ميقا بالثانية
شلون ال٧.٢ يعطيك ٢ ميقا !! اخاف اشتراكك مو ٧.٢ اكثر يمكن ١٤ ميقا
ما اقصد سرعه الداونلود بالثانيه
اقصد السرعه الفعليه
اوكي اوكي
اسمحلي يا الحبيب انا متعود افكر بس بالداونلود ريت 🙂
داونلوده اذا ماني غلطان بين 100 و200
كيلو بايت
اخوي انا رحت باخذ هالاشتراك قالي الموظف تاخذينه و توقعين على مسؤوليتج لان ماراح يوصل سرعة21 راح يكون بأفضل حالاته14و حط خط تحت افضل حالاته
اي انا توقعت جذي
بس هل يعطيني فعلي 14
هم ما اتوقع
إذا محتد على الإنترنت من شركات الإتصالات وماتبي دي اس ال
بنظري فيفا هي الأفضل بسبب عدم المحدودية في التحميل
بس الله يعينك على الشبكة والضغط والأفلام الهندية منهم
خيرموفق
بيني وبينك انا عندي وايرلس في البيت
لكن احتاجه بشكل كبير بره البيت ع الايباد احيانا
واحيانا بالدوام وجذي
مع عقــد ســنـوي ولا بدون عقـد ؟؟؟؟
طبعا مع عقد
فيفا لازم يكلبجونك
انا عندي اشتراك فيفا اليو اس بي
بالعقيله الاشتراك كله لاق وفاصل ويدوب السرعه
توصل 60 كيلو بايت بالثانيه
.. لانه التغطيه بالعقيله مو ذاك الزود
اسال عن التغطيه قبل لا تاخذه
اخوي صالح
ماأعتقد يعلمون الشركة
لازم شخص يعلمني عن تجربته مثلك
و لازم تسأل سؤال ثاني بعد .. كم لك حد الداونلود !؟ يعني كل هالسرعه و الحد الشهري 2 جيجا !! ما يسوى !!
يمكن يعطيك أول ماتشترك وبعدين بنجر طال عمرك
جرب اسأل لا تستعجل وشوف ولاتاخذ عقد ابركلك
العقد زين شين
لكن اعتقد فيفا الافضل بين شركات الاتصالات
عمي انا اشتراكي زين وكنت
ادفع 27 وكسور حق سرعة 7.2 وشكثر يفصل بروحه
والحين يعني رحمونا سووها 21 دينار وكسور حق نفس السرعة >> على قولتهم عميل مميز >> الا شحادك يالمسمار قال المطرقة
المهم انت اسال قبل وشوف العروض عند باجي البواقين
سوري قصدي شركات الاتصال 🙂
اي تو الناس بجييك
أنا من رأيي تسأل عن التجربة قبل الإشتراك
لك الحق تجرب المنتج وخلال عشرين يوم تقدر تكنسل الموضوع
تقدر تتأكد منهم بمكالمة أو تقرأ العقد قبل التوقيع
اذا جذي ممتاز
بسأل عن هالموضوع
انتظر الجيل الرابع لأن احتمال ينزل قريب 2011
نقلا عن فيفا
هذا وقد كشفت شركة الاتصالات الكويتية ‘فيفا’ عن تجربتها لشبكة الجيل الرابع 4G، التابعة لتقنية Long Term Evolution، أي ‘التطوير بعيد المدى’ الذي تصل سرعته الى 175 ميغابايت في الثانية تقريبا.
وقال العوضي عن الجيل الرابع إن ‘فيفا’ أول شركة اتصالات في الكويت تتيح لعملائها تجربة هذه التقنية الحديثة، وإنها تسعى إلى إظهار الجديد لعملائها، لافتا الى انه من الممكن لأي عميل ان يقوم بتجربة الجيل الرابع عن طريق زيارة أفرع ‘فيفا’ الموجودة في المارينا وسوق شرق و’الافنيوز’.
وأوضح العوضي ان هذه الخطوة أتت تلبية لحاجات العملاء المتزايدة على تناقل البيانات بسرعة على أجهزة الكمبيوتر المحمولة والهواتف الذكية، وستمنح الشبكة الجديدة شركة فيفا القدرة على توفير انترنت جوال واسع النطاق على الدوام للعملاء المتنقلين بسرعات عالية.
واشار الى ان هذه التقنية الجديدة تعتبر من العلامات الفارقة في مسيرة فيفا، إذ انها ستنقل سوق الاتصالات الكويتي الى مرحلة جديدة، من خلال توفير منتجات وخدمات الاتصالات المتنقلة بالسرعات الفائقة التي تواكب سرعة التطور العالمي في هذا المجال، مشيرا إلى ان ‘فيفا’ مازالت في طور المفاوضات مع وزارة المواصلات لمنحها ‘الترددات المناسبة’ لإطلاق هذه الخدمة، متوقعا الانتهاء من الإجراءات خلال عام 2011.
الشبكات
وافاد العوضي بأن تقنية LTE تعتبر من احدث ما وصلت إليه التكنولوجيا في عالم الاتصالات المتنقلة لكفاءاتها العالية وقدرتها الكبيرة على توفير نقل البيانات والمعلومات ذات الكثافة العالية بسرعات فائقة، وهي تمثل تطورا طبيعيا لشبكات الجيل الثالث 4G المتنقلة التي تعتمد على الانترنت المسطحة بالكامل، فتم تعزيزها وتعديلها لتتوافق مع حركة البيانات والوسائط الإعلامية المتعددة.
وقال العوضي إن الجيل الرابع يحتاج الى شبكة متطورة جدا، وذلك بسبب تقنية LTE التي تعمل على ترددات عالية، مضيفا ان هذه الخدمة يعمل بها حاليا في الولايات المتحدة الأميركية والدنمارك والنرويج، وان دولة الكويت ستكون أول دولة في المنطقة تحتضن هذا الجيل.
السرعة
وأوضح ان الجيل الثالث 3G كانت سرعته تصل الى 21.6 ميغابايت في الثانية، بينما تصل سرعة الجيل الرابع 4G الى 175 ميغابايت في الثانية، وان سعر المودم في الوقت الحالي بلغ 3000 دولار أميركي.
واردف ان الشركة المصنعة للمودم هي سامسونغ، الا ان هناك شركات كثيرة اتجهت إلى تصنيع هذا المودم، وهذا يساعد على انخفاض سعره، لافتا الى ان الخدمة سيتم إطلاقها ريثما يتم الاتفاق مع وزارة المواصلات في ما يخص تطوير الشبكات، ونتوقع ان يتم إطلاقها في بداية 2011.
واضاف ان هذه التقنية ستتيح للعميل استخدام الانترنت وقدرة تحميل الملفات والفيديوهات بسرعة عالية، كما تتيح إطلاق أجهزة اتصال جديدة مثل هواتف الانترنت والفيديو الى خدمات العملاء، مثل نظام المؤتمر عبر الفيديو والاجتماع عن بعد، وصولا الى خدمات واسعة النطاق في مجال الخدمات الطبية مثل التشخيص عن بعد والتعليم التفاعلي عن بعد والأنشطة الترفيهية الغنية بالوسائط الإعلامية المتعددة والأجهزة المنزلية ذات التحكم الرقمي وغيرها.
http://www.aljarida.com/aljarida/Article.aspx?id=173187
عدل كلامك
بس من الطبيعي اذا نزل
4G
يبيله وقت على ما يفعلونه بكل الابراج
اشترك ويخلص العقد
ولي الحين ما نزل
إذآ اغلب وقتك بالبيييت
إشترك بكيييمز ..ريّح نفسك و وفر فلووسك
انا مشترك بـ ميقا ونص والداونلود فوق الـ 160 كيلوبايت
عندي وايرلس بالبيت .. بس احتاج متنقل اشبك فيه اذا طلعت
وهم للأيباد
انا اقول لك بالاول تأكد و شوف الاماكن الي تقعد فيها وايد و اغلبية وقت فيها .. شوف السيرفس و التغطيه
لـ فيفا قويه او لا ، اذا مو قويه لا تفكر تاخذ و اذا قويه اخذ ، انا عندي واي فاي اشتركت فيه لمدة سنتين
و اول سنه حلوو و ما فيه اي شي ، بدون مقدمات قاعد يفصل ، ما يشتغل و طالع لي السيرفس باللون الاحمر
اتصلت عليهم و قلت لهم قالوا غير الشبكه لـ 3 جي و هالسوالف و نفس المشكله ما تغير شي ابدا و حولوني
على الدعم الفني و يوني اثنين للبيت و تعبثوا ! و قالوا زين و عندك سرعته 4 !! ، اي بس وين ما يشتغل
قالوا انشوفه لك و راحوا و ما شفت منهم شي و كل يوم واحد داق علي ، صار زين ولا لا و ارد اقول لهم
لا ، بس ما يتغير شي و المصيبه من شهر 11 لـ شهر 1 و نفس المشكله و رحت اشتكيت عليهم بالفرع
ما ادري المبنى الرئيسي لهم ، ” عذرهم كل مره .. تطوير على الشبكه ” والله ما صارت .. حدها اسبوع
لكن السالفه واضحه ، بمنطقتنا السيرفس ضعيف حده ، بس ناطر عليهم جم يوم .. اذا ما فاد ،
الله يخلي حماية المستهلك تطلع لي فلوس هالثلاث اشهر الي ادفعهم على الفاضي ،
بس فيفا قبل العروض و الاعلانات خل يسوون شبكتهم و يخلونها قويه بعدين ينزلون هالسوالف
بصراحه انا عندي حاليا فيفا
وصراحه ما اشتكي منه من ناحيه السيرفس
انا عقدي توه خلص شهر 12 الي طاف و كنت مشترك و وبعد ماشريته قالولي ما يغطي الا بالمطار و مناطق معينه بالديره حوالين مستشفي الاميري
و الاشتراك كان 35 شقني شق
و اخيرا خلص لو دافع 50 اشرف لي بس غبي كان اشتراكي يعطيني سرعة 7.2
و جربت كل الشركات و كلها فاشله مع سبق الاصرار و الترصد و اخيرا عدت لفيفا مره اخرا لأنها افضل السيئين و اشتركت معهم لمدة سنتين 18 و رسوم الالغاء 100 !!!!!!!!!!
ما انصحك تشترك معاهم انصحك بـ كيمز الاشتراك السنوي رهيب اما شركات الاتصالات كلها نصابه
بالنسبة للوايرلس انا مشترك في فاست تلكو
لكن احتاج نت متنقل
انت كنت مشترك 21ميقا .. جم كان يعطيك فعلي ؟؟
اقولك يعطيني مثل النت العادي 7.2
ما يسوي ولما قلت لهم ما يوصل 21 ميقا
قالولي ما نغطي منطقتك
يعني نصب بنصب
فاست تيلكو يقولون بليل يعطي 13 ميقا مفتوح خلك وياهم
و تذت تبي متنقل اخذ ابو 18 دينار عقد لمدة سنتين من فيفا نبي شركة رابعه زهقنا والله
اعتقد زين اذا يعطيك فعلي 7 ميقا فعلي
ولا تقصد نفس السبعه ميقا يعطي فعلي 1ونص ؟؟
لان انا مشترك سبعه ميقا يعطيني فعلي 1.5 ميقا عرفت
https://test.kems.net/
ليلحين شبكاتنا ما تستحمل ال٢١ وحدها ١٤ يعني حتى لو كان شغال بسرعة ١٠٠٪ راح يعطيك ١٤
من تجربه شخصيه ..
الـ 7.2 يعطيك تحميل فعلي من 250 كيلوبايت الى 720 كيلوبايت بأفضل الاوقات ومو ثابت ..
الرفع ياخذ منك من 4 كيلوبايت وان شق نفسه 30 كيلوبايت ومو ثابت
هاذا من فيفا .. واشتراكي د.ك18 عقد سنتين ..
بالنسبه لل 21.6 اللي اعرفه انه لك لمت بالتحميل 40 جيجا .. وبعدها تنزل سرعه التحميل الى 7.2 وطبعا راح تلعب بنفسيتك هالشي لأنك متعود على شي ويجيك شي اردى منه ..
نصيحتي لك .. خلك على مجنونك لا يجيك الاجن منه
بس انا قاعد اقول انا حاليا اشتراكي 20 سنة
اذا صارت 24 مو فرق كبير
بس فرق بالسرعه
والله انا حتى اشتراكي خلص من 11 شهر تقريبا مع فيفا
و قبل كان عندي اشتراك من زين حدى دايخ (7.2و 0.384)
فيفا كان وايد سريع
(اشتراك 7.2 بس السرعه الفعليه 2-5 ميقا)
اول ما طلعت الشركه بس الحين السرعه صارت سلحفات
بس هم ادفع 20دينار و مافرقت 4 دنانير و اقدر اجرب ال 21.6 و ادري قالولي بالشركه من اول ان السرعه الفعليه حدها 14 ميقا
بس 14 هم زين
انا اشتركت بانترنت فيفا 21.6 لمدة سنتين
عطوني اليو اس بي مجانا وسعر اشتراكي بالشهر 22
والداونلود ريت 1400 الى 1600
والسرعة 14 ميجا
ونزلت بشهر 80 جيجا
والداونلود مفتوح
وامسوين الحين عروض على 21.6
اشتراك مدة سنة يعطون 3 شهور مجانا
واشتراك سنتين يعطون 6 شهور مجانا
حسافة طافني العرض عاد انا قبل 3 اسابيع مشترك 🙁
بس مو مشكلة
حسب كلام أخونا عبد الله …. نت فيفا في حالة ممتازة عنده ، وحسب الأرقام اللي ذكرها نقدر نستنتج أن السرعة اللي عنده واصلة ما يقارب 13 ميجا ، بصراحة سرعة لا باس فيها ، لكن للحين أسعارهم واااايد بصراحة
يعطيكم العافية اخواني انا صراحة ساكن بالمهبولة واشتركت بشركة فاست تلكو صارت معاي مشكلة الانترنت ما اشتغل كلش قالولي الخطوط عندكم ضعيفة شباب انا ابي حل ابي انترنت سريع انا اشبك علا البلاستيشن3 او مولاقي انترنت سريع تكفون سا عدوني ابي نفس الدي س ل بس يشتغل علا خط زين او فيفا او وطنية يعطيكم العافية اتمنى الرد بسرعة
Asking questions are truly pleasant thing if you are not understanding something totally, except this article gives fastidious understanding yet.