Q8Ping
مقالات مشابهة
اتذكر نهاية العام الماضي ٢٠١٠ .. كان هناك تحدي بين الغانم ويوريكا والمستقبل تحديدا على اسعار الايفون .. وكنت قد نقلت لكم اسعار الايفون حيث وصل ٢٣٥ د.ك لحجم 16Gb .. ولكن من يوم الاعلان عن المكرمه الاميريه للشعب الكويتي والاسعار على عكس ما يتمناه المستهلك .. وكانت الطامه الكبرى منذ ان بدآ معرض انفوكونكت الذي انكشفت به وجوه الطامعين بالمكرمه الاميريه ..فأشتراكات النت اصبحت اغلى بالمعرض بشكل بشع … والمصيبه ان الايفون اصبح اغلى بشكل رهيب وإليكم عرض يوريكا في تاريخ ٢١-١٢-٢٠١٠ … وعرض يوريكا اليوم تاريخ ١-٢-٢٠١١ .. ولاحظو ان العرض لمده يوم واحد وان يوريكا ترفع شعار لا لغلاء الاسعار
قبل بعد
وتحياتي لوزير التجارة الذي صرح بآن الوزارة ستكون بالمرصاد لمن يرفع الاسعار ارتفاع مصطنع
ازيد من الشعر بيت يا بوسالم
كلهم متفقين على سعر واحد تقريباً
كل محلات الاي فون سعره ٢٧٥ لل١٦ قيقا و ٣٠٠ لل٣٢
و النت نفس الشي كل الشركات نفس السعر عمرها ما صارت
انا مصور بروشارتهم و حطيتهم بتوتر :@
هذا كوالتي نت
http://twitpic.com/3v81qa
كمز
http://twitpic.com/3v7wyz
فاست تلكو
http://twitpic.com/3v7x09
قلف نت
http://twitpic.com/3v7x1p
كوالتي واح من الربع مشترك بشهر سته ٢ ميقا ب١٥٠ يمكن
انا شخصيا راح انتظر شهر ونص بعد نزول المنحه بعدين ابدي اشتري
عشان تنزل الاسعار وتصير اغراضي دبل بدال ماشتري مثلا 5 اشياء اتصير 10
بس المشكله انه الكويتي مايصبر وعالعموم اذا يوريكا اتقول انها ضد غلاء الاسعار
فانا اقولكم ان هاذي العباره عباره عن شعار مأخووووووووذ خييييييييره
اي اي افضحهم
ههههههههه والله يوم شفت اعلانهم بجريدة الراي اليوم الصبح ضحكت على جملة لا للغلاء
كسروا المعرض على روسهم ، هـ الايام ماينفع الا السن بالسن والعين بالعين وبالدي اظلم
واحد من الربع مشترك عند كوالتي ٤ ميغا ٢٠٠ دينار بس بالسنه
و انا مشترك قبل مدة ١٩٠ دينار عند جلف نت ١٩٠ دينار سرعة ٢ ميغا
الحين حتى السعر اللي انا مشترك فيه احلم فيه
شالمعرض الخايس الله ينتقم منهم
يلا ورنا شطارتك ياوزير التجارة
واذا رده ع يوريكا
تف عليكم يازباله
وماهي يديده عليكم
المشكله ان ٢٣٥ وكوبون بعشرين دينار !!!!
تحياتي لوزارة التجار
كنت قبل قليل بالمعرض ولا يوجد ايفون ٣٢ جيجا وسعره ٢٩٩ الى٣٢٠ دينار اي زياده خمسين دينار
وسعر ١٦ جيجا من غير كفاله ٢٧٠ دينارمع كفاله ٢٩٠دينار
واغلب العروض التزام المشترك باقساط بمده لاتقل عن ١٢ شهر واقلها الوطنيه ٢٨دينار
واغلاها شركه شين ٥٩ دينار
قرارات الوزاره بطيخ و وزير التجاره عمك اصمخ :@
الايفون زاد سعره بكل مكان
حتي في لندن
حاليا سعره بلندن 499 باوند
وعليك الحسبه
لا غلطان صار ب512
على اني طالبته قبل ب499
ادري مو فرق وايد بس ودي اعرف ليش بلندن ارتفع؟ سامعين بألفنا مثلاً لوول
اتوقع زادوه ١٠ باوند
يمكن سعر العمله ارتفع او هلسوالف
في أهلق !!! وع
يا جماعة والله ما ألومهم لمن يزيدون الاسعار .. حتى وكالات السيارات
تدرون ليش ؟؟ لان الناس تبحث عن السيارة و السلعة الغالية بغرض الكشخة ..
فالتاجر يقولك اذا الشعب يبي جذي انا ليش ما استغلهم دامهم راضين و قاعدين يشترون و في اقبال ؟؟
تكفوووووووووون يا كويتيين لحد يشتري شي خلال هالفترة و خلوا الاسعار تفيدهم و اطيح الاغراض بجبدهم ..
لازم نسوي مقاطعة عشان يخسرون هالشركات النصابين ، قسما بالله لو سويناها راح تشوف الخساير تاثر فيهم و راح يبيعون المنتجات بارخص الاسعار …
لكن للاسف المواطن الكويتي يحب يصرف حتى لو كان ينصبون عليه بالسعر ..
نبي حملة مقاطعة المنتجات و الوكالات النصابين … عشان تشوفون الفرق
السلام عليكم
امس كنت بالمعرض و كان ٣٢ مقطوع بحجج واهيه
و ١٦غبغا ب٢٦٠
و كان واضح انه هناك لعبه على المشتري و هي قطع ٣٢ و رفع سعر ال١٦ بحجة زيادة الطلب
و دمتم سالمين
الاسعار هذي ارتفعت مع المنحه المفروض ان احناا بهلا فبراير تنزل الاسعار والمعرض ينزل مو يزيد علينا اهم همهم تعال اخذ خط فواتير وابلش نفسك في
اسعار كندا وامريكا ثابته وحلوه بس يبيلنا طريقة الطلب
السلام عليكم شباب
أنا اشتغل بيوريكا بمنصب تنفيذي وارتايت انه من الواجب أوضح الامر، اسعارًالايفون ارتفعت بالعالم كله بسبب صفقه ضخمه وقعتها شركة ابل مع شركة فيريزون الامرىكيه المشهوره و يمكن التاكد من الموضوع من الرابط التالي
http://www.engadget.com/apple/verizon-iphone/
الصفقه هذى سببت نقص المعروض من المنتج بشكل غير مسبوق مما ادي الي ارتفاع السعر بشكل كبير طبقا للمتعارف عليه بمنطق العرض والطلب. ولما ارتفعت كلفة المنتج بهذا الشكل ما كان عندنا اي بديل غير ان نرفع سعر البيع مع العلم انه نسبة ربحيتنا انخفضت من معدل ٩٪ الي ٣٪. إدارة الشركه مستعده لعرض جميع فواتير الشرا الاصليه لاي احد يهمه الامر يمكنه مراجعة مكتب المدير المالي للشركه اهو عنده تعليمات لكشف هذه الفواتير. للامانه أيضاً جميع الشركات اللي نشتري منها شركات كويتيه محترمه لانزكيها علي الله ولكن اللي صار علي السوق كله صار عليهم
الشركه تبيع اكتر من ١١٠٠٠ منتج ياجماعه لو عندنا نية زيادة الأسعار ليش بس نزيد سعر منتج واحد، ترى ياجماعه الفضل لله بس هذى الشركه ليها دور كبير في تخفيض أسعار الاكترونيات بالديره كلها وهذا واجبنا
بس أتمني تحسنوا الظن بينا واتمني أني اكون وضحت الامر لكم وعسي الله يتحسن وضع أسعار الايفون بالمستقبل القريب وبرضه نقدمه لكم بأقل الأسعار كما عودناكم
شكرا لك اخي الكريم على مشاركتنا النقاش
لكن حسب مراقبتنا احنا كمستهلكين للسوق العالمي
لم يزداد الايفون عالميا سوا ٥ او ١٠ دنانير تقريبا
لكن المستغرب هو زياده الايفون بالكويت ومنظمن المتاجر يوريكا .. بشكل كبير
والتوقيت كذلك وقت منحه ووقت اجازه
وبالنسبه للفواتير نحن بستعداد استقبال الفواتير وعرضها للجميع اذا فعلا اداره يوريكا تدعي ذلك
ويعلم الله لم نستهدف شركه دون اخرى
ابوسالم يتم الزيادة للسلعة المطلوبة في السوق
و بعدين صفقة فيرايزن مالها شغل بالاي فون فور الي موجود حالياً لان الاي فون الخاص بشركة فيرايزن يختلف عن الاي فون الي موجود حالياً
و للعم اي فون فيرايزن ما يشتغل بالكويت ولا بدول الخليج و لا العالم العربي
لان شبكته تختلف و هي CDMA و بينما شكبت الكويت و الدول العربية هي GSM
شكراً
يابو يوريكا عز الله ماصدقت وهم تجذب ترى تكلم اوادم انت واحترم نفسك وعيب عليك تنسب زياده الاسعار انها زياده عالميه زياده الاسعار جشع التجار ومص دم المواطن فشلتونا الله لايبارك فيكم
ملاحظه رحت ابي اشوف سعر الايفون بشرق لقيتهم يكشون ذبان ماعندهم احد ههههههههههه الحمدلله انه فيه ناس عاقله
وين البطيخ الرقم 135 اللي يتكلمون عنه
علي اساس نبلغ عن الاسعااار .. اذا قدام عينهم يغلون ومحد تكلم .
كل شيء بالكويت سااااااايب
كل شيء للاسف بلا استثنااااااااء
=(
السلامًعليكم
رداًعلى الموصل المحترم
نرجوا من حضرتكم احترامنا
فنحن نعلم ان خط تصنيع اىفون للشركة الجديدة مختلف عن الموجود عندنا لانها لاتستخدم تقنية غير sim
فالعبً غيرها ودور سبب ثانى
شكرا
بلندن زاد لانه الضرايب ارتفعت من بداية السنة الميلادية
انا كنت هناك قبل راس السنة اخذناه ب ٥٩٩ ال ٣٢ جيجا
وجيتهم بعد رتس السنة واخذت اثنين
ولقيتهم زايدين ١٢ باوند
والزيادث هناك علي كل شي مو بس الاي فون حتي تذاكر المترو والباصات والسبب مثل ما قلتلكم ارتفاع الضرايب
والزيادة حوالي ٦ دنانير
بس هني حطو صفر يم السته
:))))))))) ت
حبيب قلبي الي تقول انك تشتغل بيوريكا
ترا شركة فيرزون لهم جهاز بتصميم خاص وتعديل بالانتينا
حبيبي ترا عالم المدونات ماكو كيري ميري
خلوكم واضحين عادي قول رفعناها وبس نبي فلوس ماكو فلوس :))
فا سالفة عرض وطلب وكميات كبيره سحبتها الشركه هذا الحجي ماخوذ خيره اذا على موقع بريطانيا ما ارتفع سعره تروح انت ترفع سعر اجهزتك الي تييبها من ايطاليا وكندا
وأنا قاعد افتر بمجمع سنتر ورد أي فون ٤ ج ٣٢ جيجا ٢٣٠ دينار و ١٦ جيجا ٢٠٠ دينار ومن محل أبل
اشعر باني مصدق كلام الموظف ولكن لماذا لم يزداد السعر في لندن عكلام الاخوه
يا إخوان واالله ماعندي سبب واحد يخليني اقول غير الحقيقة . الشركه مو لي ولكن واجبي من منطلق ضميري أني أدافع عن ناس ما عندهم اي نوايا من اللي قاعد اقرأه بمنتداكم. خليني اوضحلكم الامر مره ثانيه صفقة فيريزون والتزام شركة ابل بتسليم كميات كبيره لهم لتسليمها باول الاسبوع الثاني من شهر فبراير اثر علي قدرة الشركه الإنتاجية عموما وسبب انخفاض كميات المعروض بشكل مخيف وبالتالي التجار اللي يشترون من محلات ابل واللي يبيعون علي التجار اللي يبيعون لمنطقتنا رفعوا الأسعار اكتر من ٣٠ دينار والله شاهد
اللي يقول سعره بلندن ارتفع ١٠ دنانير هذا ياخي الفاضل للحبه لكن دور ١٠٠ حبه ما تحصل ولا حتي ٥٠. ولإثبات صدق كلامي اكشف لكم ان تكلفتنا ارتفعت من معدل ٢٢٧ دينار للحبه الي ٢٥٩ دينار طبعا نتكلم عن سعة ١٦ جيجا وعليه يوريكا مستعده تشتري اي كميه لغاية ١٠٠٠ حبه علي سعر ٢٥٥ دينار والدفع نقدي والله ياجماعه صدق مو غشمره اللي يقدر يجيب هذا السعر يجي عند مكتبتا بالسالميه عند المدير المالي وحنا عند كلامنا
وكمان للأمانة واجب انوه ان الاخوان بوزارة التجاره راجعونا اكتر من مره بخصوص نفس الموضوع من اكثر من اسبوع وحضروا لمكاتبنا واطلعوا علي كل فواتيرنا من ٤ شهور لليوم فللأمانة يااخوان لام الله من لامهم قاعدين يقومون بواجبهم علي اكمل وجه
تري بدونكم ياجماعه ما نسوي وقاعدين نستلم معاشتنا عشان نخدمكم وقاعد أدافع عن الشركه اللي اشتغل فيها والله لوجه الحق لا اكثر
اولا :معرض بطيخ ونصب
ثانيا: سعر اي فون ٤ اول مانزل سعره ٤٥٠ -١٦جي بي
شهر ٨ شريته من اي سيتي سعر ٣٨٠ – ١٦ جي بي
اخر شهر يناير شريت ال٣٢ جي بي للاهل بسعر ٣٢٠دك من شرق
واحتكار مو طبيعي بسبب وجود طلب من اللي انعم الله عليهم بالمنحة
وزارة التجارة نايمه والتاجر عندنا يسمع كلام راجو وطلعت ونشأت وأكرم ومحمد مياه علشان يحرق الكويتي وينهبه
ناس ماتخاف الله ولا تعرف الله اساسا
حمايه المستهلك ووزارة التجاره على الطل ذاك اليوم واحد دق على المرينا اشتكى من ارتفاع شغله معينه جان يقولون له عندك دليل ان سعرها كان بالسعر الفلاني ؟
بالله من وين انييبله دليل طاح حظحهم
يالله شنسوي العوض ولا القطيعه ..
الايفون وارتفع سعره …
توصيل طلبأأت كان 150 مادري 100 صار 350
شاريكم بعد بسعر الطلب توصلون ..
وحاسدينإإ على الالف .
لحد يستغفل احد
صفقة فيرايزن خاصة بامريكا بس
و الاجهزه الي تيي الكويت من اوروبا
نسمع إن الناس يشتكون في الدول الثانيه على إرتفاع سعر الخبز أو حليب الأطفال أو الدوى و إحنا بالكويت نشتكي من إرتفاع الآي فون! ما قول إلا الحمدلله على النعمه أو على الفراغه!!!1
على قولتك , اللي قادر يدفع حق تلفون 235 دينار هذا لا ناطر المنحه ولا فارق معاه يدفع 27 دينار زياده و يرحم والدينكم اتكلموا بموضوع اكثر اهميه , انتو شايفين كم واحد استشهد ابمصر واحنا قاعدين نتكلم عن الاي فون !!!
انا وايد استانست لما سمعت خبر المنحه
لكن حبست فرحتي و قلت احتمال تكون اشاعه او شي مو اكيد
و لما تاكدنا ظليت حابسه الفرحه
لاني ادري بالاسعار اللي ما راح ترحمنا
الحين المنحه بتفك ديوننا بس شكلنا بناخذ المنحه من صوب و ناخذ قروض مره ثانيه من صوب
والله انا هذا اللي متوقعته و اتمنى الوزير يلاحظ هالغلاء و الاسعار الخياليه و يتخذ الاجراءات الازمه و يشوف حلول مناسبه
ان شاء الله مو الكل حاسدنا ع الالف و ان شاء الله نتهنى فيه
🙁
و اتاسف لاني تطرقت لموضوع بعيد عن موضوعكم (الايفون)
لكن بغيت اتكلم عن سبب غلاء (الايفون).ا
العن ام المصخره بس لوووووووول انشالله ما يعمرون بيوتهم على ظهورنا 😛 انزين يا جماعهه عندي استفسار بسيط اذا بطلب ايفون من برى يشتغل بالكويت ولا لأ واذا يشتغل ممكن يحط لي رابط الموقع :$ و تشكرات للجميع