Q8Ping
مقالات مشابهة
ارسلت لي ولية امر احدى الطالبات في مدرسة ام الحكم بنت ابي سفيان في العارضية . تشتكي من الحال في المدرسة حيث ان المديرة طلبت من الطالبات تنظيف المدرسة وغسلها .. وإليكم هذه الصورة التي ارسلتها لي تعكس الحال في المدرسة
هذا نص الرسالة
هذا منظر بناتنا في مدرسة ام الحكم بنت ابي سفيان في العارضيه !
بدال مايجيبون شركه تنظيف مخلين بناتنا ينظفون المدرسه !!!
تحولت وزاره التربيه الى شركة تنظيفكو بطلب من المديره
حسبي الله ونعم الوكيل
—–
انا شخصياً اعجبني قرار المديرة .. كم هو جميل ان ينظف الشخص المكان الذي يتعلم فيه ولا اعتقد انه أمر يعيب على الانسان .. بل يزيده
مع احترامي الشديد لأمهات المستقبل
اول مره اتفق وياك اتوقع و يمكن اخر مره …..
قول حق الام الي دازتلك المسج ان في اليابان كل يوم عندهم ساعه الطلبه يغسلون مدارسهم .. شوف مخرجات طلبه اليابان و شوف مخرجات طلبتنا الي متعودين علي الخدم و كسل .
عدل كلامك يسلم الشنب خلهم يتعلمون شوية مسئوليه المدرسح حق منو
+1
‘3l6 ! Y3ni el6alebat ray7in ydrson wala ynathfon
?
Elmfrouth el wezara twafer 3amelat nathafa 7g halshy !
اختلف معاك بخصوص القرار صائب على قولتك !!
بذمتك شوية شركات التنظيف عندنا ولا عدد البنغالية المسرحين في شوارع وسوق الجمعة وكل زنقة في الكويت !!
خلني ساكت لا ابط الجربة واجيب العيد
الصراحة جليلة حيا المديرة على هالسالفة ، علشان تطلع بالزينة جدام المنطقة التعليمية لا أكثر على قفا عيالنا
والله لو اني بناتي صاير فيهم جذي حد الدوسة شكوى
اخوي هورنت ,, تراك من أفضل المدونين في نظري
لكن إسمحلي أخالفك الرأي
مشكلتنا الأساسية في الكويت و كـ شعب كويتي إننا متعودين على الكسل و على الخدم في كل شئ
اذا بتقارن اللي صار بالشعوب المتقدمة ,, هالشي عندهم عادي و مو مشكلة كبيرة
و إذا بتقارن بالشعوب المتخلفة ,, ترى ما عندهم مدارس و يدرسون في الخيام و الكرافانات
عيب علينا كـ شعب كويتي نشوف طلابنا يخلصون جامعة و ما في واحد فيهم يعرف يعتمد على نفسه سواء في اتخاذ القرار أو حتى في الأمور اليومية أو المشاكل العادية
و اذا راح يدوّر وظيفة يحط واسطات علشان يدش الحكومة و يقزرها على الفطاير و استكانة الجاي
طبعاً كلامي مو عن كل الشعب لأن في مرض منتشر في الردود خصوصاً الصريحة منها اسمه “لا تعمم”
I agree with you somo
wala el 3maal t3baaw wehom ena’6foon w e3yalnaa t3awdaaw enaa ewa95oon 3ashaan yadroon fee a7aad bna’6f weyaahom
ana t3abt nafsiyaan lamaa ashoof egdoon ay shy 3al ga3 wala hamhom
=/
lazm yt3almoon enaa mo daymaan fee 5adamaa tsheel warahom
w shno ya3ny ena’6foon el madrsaa 3ayy 5oow hatha its their 2nd home
والله انا اشوف الموضوع عادي بس اولياء الامور هالايام كل شي يكبرونه اشدعوه خير اشصار لي نظفت صارت خدامه يعني كبرو عقولكم وخلو هالامور تكون عادي بالنسبه للطالب
ياما نظفنا وصبغنا مدارسنا واحنا اصغار محد اشتكى من اهلنى حتى لو احد بيشتكي يندقر
وزفونه
اعجبني قرار الناظره واحييها جدا
ووحده من الادبيات ان الواحد او الوحده بالذات “لانها راح تربي اكثر من جيل” ان ينظر المكان إلي يقعد فيه
واحسن خلهم يشتغلون وينظفون على الاقل بالمدرسه اذا مو بالبيت !!
وصج استغرب من رأي المعارض لهذه الفكره
شنو ياجماعه تبون خمااال البنت الكويتيه يزيد اكثر ، بيت والله ساتر عليها لو مو الخدامه ولا الخدامتين ،لا والاخدامات خبره من قبل يعني ماما انتي اقعدي كلمي ماما ما انتي انا ينظف ويطبخ ويغسل ويربي بيبي
صحصحو وتنازلو اليوم لا ينغصب عليكم باجر
+1
شيوخ شيوخ مو طلبه !
ونظفوا الساحه .. طارت الدنيا ؟ ولا طاح نصهم ؟
اذكر سنة رابعة كان عندنا مدرس رياضيات ما يبدا الحصة وفي كلينكس ولا ورقة على الارض ,, بكل احترام كان يطلب الصف يكون نظيف ,, لاننا (الطلبه+المدرس) نقعد بالمدرسة باليوم اكثر ما نقعد بالبيت .
ومثل ما ذكر احد الاخوان , المدارس باليابان عندهم وقت تنظيف اساسي خلال اليوم الدراسي.
برافو على المديره
انا ام احدى الطالبات لا تظلمون بختكم اذا من اسبوع والعاملات مضربات عن العمل والوضع يرثى لها جميع سيل التنظيف لا توجد وتبرعت الطالبات والمعامات بادوات النظافه وبعض مربيات الاقسام اتوا بعمال البلديه حوالي٣ رجال من العماله الاسيويه لتنظيف قسمهم !! ومازال لهذه اللحظه ابنتي تقول الوضع مثل ماهو والاداره لم تتصرف الظرف سيستمر لنهاية هذا الاسبوع ! ولماذا اذكنتم تؤيدون ذالك لايطبق هذا على باقي المدارس والا بس على مدرسة بنتي راح اسبوع وهي تكنس بيدها !! قبل ما تؤيدون اذهبوا وشوفوا الوضع بنفسكم اليوم تنظيف الساحه والممرات والمختبرات!!! هل هذا انصاف وحل !! والعاملات لاحس ولاخبر!!!
سؤال للامانه احد يجاوب علي بالعقل
الوافدين دبل المواطنين ثلاث مرات وعقود شركات النظافه تارسه الديره وفوق هذا من فتره مسوين مظاهرات عشان رواتبهم وفوق هذا كله يشتغلون شغلتين ونقول فقاره
احد يجاوبني لواحد معاشه اهني نفس معاشه بدولته يجي عندنا يشتغل لو حتى دبل معاشه خمس او عشر مرات يجي يشتغل اهني !!!؟؟
يعني هم ياكلون ويشتغلون شغلتين ماقلنا شي بس لايعفسون الديره مناقصات نظافه قاعد تروح على الفاضي وين عمال النظافه ولابس شاطرين يكون حزة عملهم في قطاع الحكومات ينامون عشان يتفرغون لشغلهم الثاني ,, انا اتكلم عن فئة كبيره يعني مكان يشتغلون فيه خمسة عمال نظافه تلقى يقسمون وياطيبهم اذا لقيت اثنين منهم عندك
وثاني شي لا مافيها شي لما البنات ينظفون ويشتغلون شغل المديره صح ولاكن المديره عليها انها ماتسكت وتحاسب الوزاره حتى الوزاره النايمه تصحى وتحاسب هالشركات ولا يعني على عينك ياتاجر
طولت ادري اسف
سلام
Abdullah
Don’t blame the workers,Blame the decision makers and the owners of the cleaning companies.
Right ?
انا مو معاك كلش و لو المدرسه اوكي و كل شي كامل و ما فيها اي خراب .. انا بنفسي اقوم انظف
لكن اذا المدرسه .. الباب متلعلع و على وحده و نص و يقفل ولا يفتح و درايش سكراب مصديه
و مكيفات تخر ماي و صفوف ماكلها الدهر , اهني تسمح لي ما اقوم ولا انظف ولا شي
خل تنظف و تسنع المدرسه .. تالي انا انظف لها و اسوي بس ما يضرها اذا جابت شركة تنظيف
باليوميين الي ما يداومون فيهم و تفك البنات من هالشي و بعدين الفراشات الي بالمدرسه شنو وظيفتهم ؟
حبيت ازيد من معلوماتكم
ان المدرسه صارلها سبوع معطله عن الدراسه والطلبه يروحون يغسلون المدرسه ويردون البيت يعني مو قاعدين يدرسون
اذا كان في وقت يعوض عن دراستهم مي خالف اما انه يضيع وقت الدراسه على التنظيف لا
بنالسبه لكلمة امهات المستقبل لا تنسا انهم اطباء ومهندسات المستقبل بعد واي علم هذا ؟
صراحة الموضوع مرة حلو:
جميل ان الواحد ينظف المكان يلي بيجلس فيه ايضا احنى ف السلطنة نسوي هالشي من رضا انفسنا وطبعا النظافة من الإيمان وحلو تعاون الاهل مع المديرة…
للأسف انه تصرف غير حضاري واعتبرها إيهانه لبناتنا من قبل إدارة المدرسه
لله الحمد الوزارة مومقصره مع المدارس
وشركات التنظيف متعدده
الله يعطيهم العافيه والله قرار صائب
خلهم يتعلمون شوية مسئوليه المدرسه حق منو
ياجماعة الخير
شككتوني بنفسي والله
يعني اذكر ايام الدراسه زمان
كل صف يخصص يوم بالسنه للغسيل
لا وكنا نستانس علي الامر هذا
واشوفكم هنيه مستغربين وكانه ما مر عليكم
اما بخصوص الرساله اللي وصلة من ولية الامر
فهي مجرد هواااله مالها اي داعي
هو يوم بالسنه
مع العلم المدرسه مو محتاجه وعندها عماله كاافيه
تكفا مافي هواله بذمتك طق سيارتك سلف وروح المدرسه وخل عينك تشوف وحكم ضميرك بس روح بنفسك >>> ام مقهره
اي هواله الله يهداك
لو تغسل صفها قلت مو مشكله ما ابي بنتي تقعد في صف وصخ بس انها تغسل مدرسه بالكامل لا اهني ما ارضى ..
انا وديتها المدرسه علشان تتعلم وتدرس مو علشان تنظف !!
بعدين يا اخوي هذي ثاني مره تسويها المديره .. اول مره يوم الغبار اللي كان يوم الجمعه وطبعا كلنا ذاكرين هاليوم الله لا يعيده علينا وبناتنا داومو يوم الاحد يعني في اجازه وين المديره عن هاليوم ليش ماجت مدرستها ونظفتهاا ليش انطرت البنات يداومون ؟؟!!
وثاني مره كان يوم الاثنين !!!!!
و في مثل يقول اقطع الشك باليقين .. روح المدرسه واسال البنات وشوف بعينك .. شي ماشفته بعينك لا تحكم عليه ..
ليش ماتحط تعليقاتي ؟؟؟
اي تعليق ؟
هههههههه توفير مصاريف + تعويد البنات عالشغل والسناعه
انا اشوف انه شي زين لكن ،،، يعتمد على اسلوب الطلب + اي بنت عندها مشكلة حساسية او ربو ما تكون موجودة(مفروض ما تداوم اساساً)
المدرسه مكان للتعليم و ليس للتنظيف
يعني اهم اكيد ضيعوا محاضره كانت راح تفيدهم
انا اقول شي عادي لما ننظف المدرسه ياما يتنا ايام صبغنا ونظفنا المدرسه وطبعا ماقصرت المدرسه معانا وكنا من الطلبه الممميزين
بصراحه وبكل امانه الوزارة مو مقصره مع الناظره وسنوياً تصرف لكل مدرسه ٤٠٠٠ دينار ميزانيه لهالسوالف الناظره ماتبي تقط فلوس تبي تحافظ على اموال الدوله او تبي تصرفها بمعرفتها لاحول ولاقوة الا بالله صدقوني هالناظرة متعمدة تبهذل البنات هم رايحين يتعلمون ولاينظفون وبعدين شبيزيدهم معرف الكنس والخم لانهم ماراح يستفيدون منه المفروض الناطره تجيب شركة تنظيف مو تشغل بناتنا وبكره تجيب لهم سيد يعلمهم متعه كل شي جايز هاليومين وشكراً
بصراحه وبكل امانه الوزارة مو مقصره مع الناظره وسنوياً تصرف لكل مدرسه ٤٠٠٠ دينار ميزانيه لهالسوالف الناظره ماتبي تقط فلوس تبي تحافظ على اموال الدوله او تبي تصرفها بمعرفتها لاحول ولاقوة الا بالله
ليش الدول المتقدمه تسوي اكثر من كذا….
الصين واليابان ….الخ كل نهاية الاسبوع ينظفون الطلبه صفوفهم….
بالعكس اشوف هالشيء زين
احنا ايام التجنيد كنا نغسل مقارنا ونشيل الزبايل وعادي ما تحلطمنا واشتكينا
بس الزمن الظاهر تغير
احب احيي المديره واقول كفو وكثر الله من امثالج
كافي ان مافي حصة رياضه مثل ايام اول الحين ما يمارسون الرياضه والنتيجه بناتنا صارو يربون كـروش وزادت معدلات السمنه بينهم
شدعوه شنو انقلبت الدنيا
والله انا اتذكر مديرة مدرستنا تخلينه يوم بالاسبوع إنظف لا ويكونون الفراشات موجودين ويطالعونا بعد
عادي جدا
اي شافوهم بنات العارضيه قالو عادي خل ينظفون
ابي اشوف ناظره من الضاحيه او الشاميه او مناطقنا الداخليه تقول حق البنات نظفو مدرستكم
جان ياخذون ناظرتهم ويقطونها بالزباله وثاني يوم ينقلونها
أنا عايشه بره، ولما أهلي دزولي صور الغبار قعت أقارن الخرابات مع زلزال اليابان. الفرق ردت الفعل في اليابان الطلبة راحو ينضفون مدارسهم المكسرة وحاولون يجمعون اغراض بعض. مع العلم ان الوضع خطر من التهدم الي صاير يعني مو بس غبار تلبس كمام وخلاص.
ورسالة حق الام، انا مو كبيرة ، وعلى ايامنا ناضرتنا كانت حاطه اخر حصة يوم الاربعه تنظيف الفصول والمسرح. وكان على ايامنا بحصة الاقتصاد المنزلي سمستر كامل عن التنضيف والغسيل. بس الي مو عاجبني ان الناظرة مارتبت جدول للتنظيف بحيث ينظفون ويدرسون عشان لا يطوفهم شي. يعني اول شي ينظفون الصفوف عشان يدرسون و بعدين شويشوي ينظفون الختبرات. ويريت مدرست اخوي يسوون نفس الشي وشغلون الصبيان شوي. وعندي بامريكا طلبة الجامعه ينظفون الجامعه لمن يطق ثلج وكنت سعيده لمن ساعتهم. بعدين خالتي ناظرة وصدقوني الاربع تالاف ما تكفي طلبات الاقسام والورق والانشطه والتعديلات.
والله انا مع قرار هالمديرة
والله يعطيها العافية
والله يعطي العافية لبناتنا
انا مع قرار هالمديرة
والله يعطيها العافية
والله يعطي العافية حق كل البنات
انا مع قرار هالمديرة
والله يعطيها العافية والبنات فيهم الخير والبركه
عفوا يالي تتكلم عن اليابان اعتقد اليابان
ماتجي له كومه الغبار والاتربه الي جت لنا واحنا الحمد لله مو نافصين يجوبون شركه تنظيف اذا في وحده من البنات فيها ربو وقعدت تنظف شنو راح يصير فيها وراح تكون المسؤليه علئ منو؟
وبسال اذا المديره المحترمه هي نظفت بيتها من الغبار عشان تجمع البنات وتخليهم ينظفون
والله عالم ماتدري شنو تسوي فيهم يتامرون عن الناس ونسوا انفسهم
ياناس خافوا ربكم والله لو في عيالكم ماترضون تمر البنت من صوب الحمام عزكم الله تنصرع انا ارسلت خدامتي وطردوني خوفوا ربكم الناظره كل اللي تقوله خمس درجات توزعها الطالبه اللي تنظف على اي ماده تبيها بذمتكم هذا صج؟ اذا صج ما اقول الا حسبي الله ونعم الوكيل وعسى قضاء ربي فيكم اشوفه والعموم ياليت وحده من المنطقه التعليميه تشوف ذكتها وتروح بنفسها تمر الحمامات وتمر الصالات اما المعلمات الفاضلات لهم مني كأم كل تحية وتقدير ما اظلمهم اعوذ بالله متأزرين مع البنات ةقالوا اخذوا مرضيات وراح نعوضكم اما الطالبات فمصدقين حبايبي سالفه الدرجات تكفووون شوفوا ذمتكم بعملكم تكفون الاسبوع الجاي اذا ما داوموا العاملات بخلي بنتي تنتقل من الاداره الفاشله مو كافي حفل التخرج اسمحت لهم بلبس خارجي وشفت وانصدمت من المستوا والله قبل هالاداره كانوا بلبس المدرسي شحلوهم وردات اداره فاشله فاشله فاشله وهذي اخر سنه لبنتي
انا كنت معارض بس كلام بومشاري صح لو بالديره جان علوم بس الله كريم صج مصخره
انا كأم اقول ما فيها شي خير ان شاء أول وتالي نظفوا المكان اللي قاعدين يتعلمون فيه ..
بس بعض الامهات الحمد لله والشكر مو صاااااحين أي مو صاحين عبالهم عيالهم شيوخ لا تطقونهم ولا تزفونهم ما أدري شنو وآخرتها البنات كل وحدة لسانها اطول منها وعينها قوية ..
الصراحه وناسه احلى شي
لو انا مكانهم مسكت المساحه
العلم الاكيد ان الطالب
العلم الاكيد عندي……للي صار بالضبط في مدرسة ام الحكم وهو :
ان مجموعه من الطلبه توجهنا الي ناظرة المدرسه وقالوا لها ان الفصول كله وسخه ولا نستطيع الجلوس بها ونريد ان ننظف الفصول والمدرسه بشكل عام فرحت الناظره لنشاط وروح الطالبات وقالت لهن هذي مدرستكم نظفوها؟؟
ومن اهم الاسباب لموافقة الناظره هي ان نسبة الغياب كبيره جدا بالمدرسات والطالبات ولا يوجود حصص اصلا؟
وهناك رويات ان من صور هن الطالبات مزرقين معاهم اجهزه ورويات اخري ان احدي المدرسات تريد الانتقام من الناظره هذا والله اعلم
ا
انا اقول هذوول الحريم من ضهر رياييل ، وهذا الصح علشان يعرفون اشلون يشيلون بيتهم ، ليش اييبون خدم ، واعيالنا شنو ايدهم فيها حنه وانا ما ادري .
شي يقهر اذا شفت حشاشت يوفك ينظف المدرسه بكبرها ويكنس ويغسل واخرتها يقولون لهم علشان تعبكم بنعطيكم 5 درجات هذا اذا عطوهم !!
واللي يقهر اكثر واكثر يووم الغبار اللي كان قبل امس افتحولهم الباب وقالوولهم يلا طلعوو .. زين خلوهم يدقون ع اهاليهم مو تخلون بناتنا يطلعون بالشارع طبعا رفضوو هالشي !!
انا ما اعارض ان بنتي تنظف صفها بالعكس انا مع هالشي بس مو يخلونها تنظف مدرسه بالكامل وياليت في دراسه خلوو هاليوم يوم تنظيف وهالشي مو اول مره هذي ثاني مره سوتها المديره !!
وين فراشات المدرسه ؟؟ وين شركات التنظيف اللي تعاقدت معاهم التربيه ينظفون المدرسه !!
واذا اهي تبي تعلم بناتنا ع التنظيف ليش ماساعدتهم ؟ ليش قاعده في مكتبها لاتنظف ولا شي بس قاعده تشوفهم بالدريشه !!
واللي قهرني اكثر واكثر واكثر يوم بطلع بنتي مصكرين باب الاداره ويوم قلتلهم ابي اطلعها قالولي رووحي الدريشه طلعيها .. تخيلوو اولياء امور واقفين طابور ع الدريشه يبون يطلعون عيالهم حتى الشياب وجريم كبار واقفين ولا استحو منهم !!
بصراحه قلة الادب والمهزله وما في لا رقيب ولا حسيب ..
السلام عليكم
مو غلط أن الطالبات يساعدون و ينظفون مدرستهم لأن العاملات مسووين إضراب
والمدرسة يقعدون فيها وقت كبير و ما دام المعلمات معاهم ما فيه مشكلة
انا قريت موضوع عن طلبة مدارس اليابات ، يتم تدريبهم وتعليمهم على تنظيف اماكنهم بشكل يومي ، حيث يقوموا بتنظيف الصفوف والطاولات والكراسي بشكل يومي قبل الدرس ، ونتائج هذا النشاط اثبتت جدارته .
حيث قام اكثر الطبله بترتيب اغراضهم بالمنزل واصبحوا يعتمدون على انفسهم بقضاء حاجاتهم دون اللجوء للخادم ، ومنظمين وغير مهملين كما كانوا قبل هذه التجربه ، واعرب اهالي الطلبه عن شكرهم لاداره المدرسه اليابانيه لتعليم وتدريب ابنائهم على تحمل المسؤوليه ، والتعليم في الصغر كالنقش على الحجر.
وتجربتي الشخصيه ، بعد دخولي السلك العسكري تم اجباري على التنظيف وعلى تنرتيب اغراضي والمحافظه على نظافتها ، واصبحت اكثر ترتيباً ومحافظاً على نظافه المكان في حياتي اليوميه ، واشكرهم على جهودهم ونصائحهم التي قدموها لي .
Ballah shno hal ma9ekhraa eli amswyt’ha almathraaa..lesh mo yaybaaa khaadmhaa wala a3yaaalha atnathfhaaa lesh bnat almdrsaaaa…..hathy alnathra lazm ahya atroo7 wyaahum at’3slhaaaa ba3d mo tg3dly bel mktb chnaa am9dga 3omrhaaa….o ba3den 9aaa7 tra khala9 ya bnat lkuwait tdl3taw wayd 7mdaw rbkum 3a6ookum mdrsa lo be5ii akhlekum atnthfooon shar3 shaar3 :p
ابشركم يا جماعه اخر حصتين وصلوا العماله رضوا او راضوهم المهم انهم شافوهم الطالبات ويافرحة بنتي وباجر تبدأ الدراس عقب اسبوع بس تنظيف والله عاد ودي اللي كانوا يؤديون ان يطبقونه في مدارس بناتهم اسبوع واشكركم لحرصكمواشكر شكر خاص المعلمات جميعا على رحمتهم وتعاطفهم وتعاونهم والا الاداره ما اقول الا حسبي الله ونعم الوكيل الحين تتابعون التويتر والمدونات والمنتديات والوتس اب وقمت تخافون وينكم قبل الله لا يسامحكم اشغلتونا واذيتونا ماعندكم تصرف كلكم والله مانبي الا تقومون بواجبكم وتتصرفون بسرعه
ههههههههههه
اناا من طالباات ام الحكم و اصلا المديره ماجبرت احد البناات اهم اللي نظفوو
لحد يطلع سوالف عن معتقل غواتنموو
اهم شي لم قالت منى اللوغاني كل مدرسه دزينالها شركه تنظيف (( بحسب كلام رفيجاتي شافوا اللقاء على احد القنوات الكويتيه )) واحنا ما شفنا ولا ربع شركه الله يخلي الفراشات اللي عندنا نظفوا المدرسه والحمدلله همن احنا نظفنا .. بس المشكله اللي ضايقت المدارس مو بس مدرستنا ان لم قالت كل مدرسه دزينالها شركه تنظيف للأسف كان الحجي بس قول ومافي فعل
اليوم بنهاية الدوام الحمدلله ارجعوا العاملات واشتغلوا الحمدلله لكن كلمه لكل من قال هواله او زين سووا اتمنى بناتنا الحين يدرسون والاسبوع الجاي كله بناتكم بس يغسلون وينظفون من باب مبدأ المساواة ويطبق على جميع المدارس مو بس مدارسنا لا مدارسكم نموذجيه خل تكونون قدوه والا الضمير ما نبيه هونا اللي يقول امهات هواله واللي يقول بنات دلع واللي يقول عداوه استغفر الله انا ام وتحسبت علي كل من تهم بناتنا بالخطا حسبي الله كل من مسك مكان وهو مو قده بس همه المنصب والفلوس سبنا الله ونعم الوكيل
عادي ياما غسلنا المدرسه .. الناس قامت ادور الزله على اي شي !!!!
شباب انا مدرس وانا مصور طلبتي واهم ينظفون المدرسة.. واذا تبي التصوير قولي وانا ادزه لك
سمعوا يا شباب, ترى كل مدارس الكويت قاموا الطلبة بتنظيف المدارس, واذا تبون الحق, ترى الطلبة حدهم استانسوا لما نظفوا مدرستهم كلهم ايد وحده
العاصفة خربت الديرة وماكو شركة تنظيف على قولتكم تنظف كل مدارس الكويت.. خلوا الطلبة شوي يحسون بالمسؤولية وينظفون المكان الي يداومون فيه
لا تلومون الناظرة, ترى كل نظار المدارس بنين وبنات طلبوا من طلبتهم ينظفون المدرسة وهذا شي طبيعي.. حتى انا نظفت معاهم وخليت رفيجي يصورني واستانست مع الطلبة حيل
ومثل ما قلت تبون التصوير عشان تصدقون انا حاظر
السلام عليكم
الصرااحه البنات اهما اللي طلبوا هالشئ وسئلوا بناتكم وانا بعد نظفت معاهم والابلات قالوا يلا بندرسكم قالوا لا يا ابله احنا نبي ننظف صفنا يعني الغلط مو على الناظره الغلط عليكم انتوا وبناتكم وحرام عليهم يتهمون الناظره وهي ماقصرت معانا تبي تسوي لهم يوم مفتووح بس البنات مو كفوو والله مو كفووو .. ومافيها شئ اذا البنت نظفت المكان اللي تقعد فيه ولاتنسون المدرسه بيتنا الثاني وديننا حثنا على النظااافه . واصحوا يانااس ترى والله تعبنا من المشااكل
مع تحياتي
بنت ام الحكم
انا بعد طالبة بهالمدرسة والكلام اللي قلتيه صــــــــح صـــح مليون مره البنات اللي نظفوو مو الناظره طلبت منهم ومافيهاا شي اذا نظفنا صرااااحه مكبرين المووضوع على شي مايسوى
أنا عايشه بره، ولما أهلي دزولي صور الغبار قعت أقارن الخرابات مع زلزال اليابان. الفرق ردت الفعل في اليابان الطلبة راحو ينضفون مدارسهم المكسرة وحاولون يجمعون اغراض بعض. مع العلم ان الوضع خطر من التهدم الي صاير يعني مو بس غبار تلبس كمام وخلاص.
ورسالة حق الام، انا مو كبيرة ، وعلى ايامنا ناضرتنا كانت حاطه اخر حصة يوم الاربعه تنظيف الفصول والمسرح. وكان على ايامنا بحصة الاقتصاد المنزلي سمستر كامل عن التنضيف والغسيل. بس الي مو عاجبني ان الناظرة مارتبت جدول للتنظيف بحيث ينظفون ويدرسون عشان لا يطوفهم شي. يعني اول شي ينظفون الصفوف عشان يدرسون و بعدين شويشوي ينظفون الختبرات. ويريت مدرست اخوي يسوون نفس الشي وشغلون الصبيان شوي. وعندي بامريكا طلبة الجامعه ينظفون الجامعه لمن يطق ثلج وكنت سعيده لمن ساعتهم
السلام العيكم
انا معاج اخت >> طالبه ام الحكم
انا بشهد على حق والساكت عن الحق شيطانن اخرس
الصج إنه المديره ماجبرتنا على تنظيف شي وجذب انهم قالو انهم يعطونا خمس درجات اساسن البنات برضاهم نظفو الصف جيكو الصف مو تطلعون الاشاعات وتقولون المدرسه كلها شدعوه عليكم ننظف المدرسه كلها والصفوف كانت وسخه درسنا اول حصه وثاني حصه قلنا حق الابله الي بعدها ابله احنا مانقدر ندرس بمكان وسخ ورحنا من نفسنا وبرضانا ونظفنا وفي بنات قالو احنا ماننظف ومحد جبرهم على هالشيي بس في بنات مهولات وامهات مهولات خير ان شاءالله اذا البنت نظفت المكان إلي تقعد فيه انه الله نظيف يحب النظافه وكل البنات نظفو المكان الي يقعدون فيه بس مو المدرسه كلها كل بنت وصفها وزود هاذا العماله كلها مضاربه عن العمل مايبون يشتغلون لان البنت ماتساعدهم يعني تلاقين البنت تاكل وقت الفرصه وتقط اكلها وتمشي خير ان شاءالله وين قاعدين في زبالات عشان تقط بس مالها خلق تروح للزباله متعودين ع الكسل >> والناظره انا معاها بأشياء ومو معاها بأشياء يعني قالت لنا نظفو لان راح تجي لجنه وتقيم المدرسه ولكم يوم مفتوح وين ننظف المدرسه كل شي خربان ومسكرب رايحه فيها المدرسه واهيا صج راح تعطينا يوم مفتوح بس مو لله عشان ننظف الصف حق التقييم
المهم الي بغيت اقوله اتمنى احد يشوف بعينه كل شي ولا يحكم على الي سمعه يحكم على الشوف لان في اشياء صج وفي اشياء جذب
والله شهيد على مااقول
آنااا من بنات أم الحكم إداااره فاشله فاشله فاشله
واللي تقول إحنه بس نظفنا مو مجبورين لا ياحبيبتي إنتَي شفتي البنات وقمتَي تنظفين معاهم على أساس إحنه اللي نبي؟!
الناظرة بذيك السالفة تمشي وتصرخ بالساحه جنها مينونه وطاقة بنية
عشان ما نظفت ومسكرين الباب ممنوع أولياء الأمور ياخذون بناتهم أخير شي
فتحولهم الدريشه !
وفي أمها اللي تدش الإداره تقول آنا فيني تنك ولا ربو أبي أدق
على أهلي غصبن عليج تنظفين !
إحنه من قبل الغبار ماعندنا فراشات قمنا إنظف صفنا
ومسوين جدول كل يوم بنتين ينظفون الصف وماشي الوضع
وناسه بس لما أطلع الممر ياربي قاعده أمشي بزباله ! فمابالكم
زباله وتراب وكل وحده معاها هوز ماي وطين !
آسفه آنا مو مسؤوليتي أنظف المدرسه 🙂
تقدر تتصرف وتييب ناس ينظفون أنظف صفي أوكي من قبل
لا تتحجى الناظرة انا وبنات صفي انظف الصف
رايحين ندرس إحنه مو رايحين إنظف !
يوم كامل إنظف انكسرت ظهورنا !
لو أدري إن ماكو دراسة جان ماداومت
أشوفه شي زين
تعلموآ من اليابانيين
بالعكس ما اشوف فيها شي خل ينظفون ويحسون بالنعمه ويحمدون ربهم على الي احنا فيه ,عمال النظافه مو اقل منهم بشي امريكا واليابان عمال النظافه منهم وفيهم وشوفوا وين وصلوا عمرهم خل يحسون شوي بالمسؤوليه وبسهم من هالكسل والربادة يبون كل شي نظيف وجاهز
انا من المؤيدين انا البنات ينظفون المدرسه بس من معارضييييين اللي يصور البنات بدون علمهم والادهى والامر انا هذا تصوير بنت بدون علم الابلات ولي الحين مو عارفين البنت , هالمره صورت صوره ايجابيه بس في حال انها صورت صوره سلبيه شنو راح يصير وانا اللي اعرفه انا التلفونات ممنوعه في المدارس , ووين الناظره والوكيله عن التلفونات .
يا ولي الامر :: الناظره ماكانت تدري ورحنا وقلنا لها شفنا فلاش جاي من 12 ادبي وراااحت سوت تفتيش بالمدرسه ولقوا تلفوون فووق الخزانه بأحدى صفوف 12 ادبي فوووق.. اللي جدام المكان اللي مصورينه والابلات لما سئلوا الطالبات منو تلفونه هذا قالوا هذا من زماان وجنه مافيه كاميرا . بس اتوقع اللي صورت ماخذه تلفون امها وصورت وخذت جنطتها وطلعت اتوقع ..والناظره عصببت حييييييييل .***واللي تقول الاداره فااااااشله والله انتي شوفي معاملة البنات مع الابلات والسكرتاريه وين قاعدين تصارخ بوجها شنو خدامة ابوها وكل شوي هوووشه وين قاعدين مدرسة صبيان مثلاً؟؟…….. انتوا تسنعوا وتصير الاداره سنعه ..ولا في وحده تجي للمقصف تقول للابله انتي هيه عطيني صمونه وعصير وهذا شنو تسمينه اذا اداره ام الحكم فاشله
استغفرالله اول مره اشوف ادارة مدرسة تهتم بالمدونات هههه عفيه والله خوش ادارة وسكرتارية ماشاءالله ترا ادا انتوا تخافون وتردون عالمدونات عيل انا والامهات بناخذ حقنا منكم اهنيه والله صرتوا تسمعون لنا عن طريق هالمدونات بدل ما تقابلونا عدل وباحترام اذا ييناكم هههه الحين اي غلطه منكم بتفاهم وياكم بهالطريقه اللي ترعبكم الوتس اب والمدونات اثاريه اسرع يوصل احسن ما اتعنى وتطردونا هههههه وكل اللي صار والعماله ردت الحين / واطالب يطبق على باجي المدارس مو عاجبتكم الفكره خلاص انا معاكم طبقوا على بنات عبدالله السالم اول مدارس وابيها اسبوع حماماتهم تصرع وابي اجي اصور وجيه البنات نبي مساواة / شكرا للمدونه صوتنا وصل 🙂
السلام عليكم
اول شي بقول للبنت الي مصورتنا ان مو من حقج انج تصورين وبعد من دون ماندري وترى احنا الي نظفنا من كيفنا محد غصبنا لاننا ما قدرنا ندرس بالصف بسبب عدم نظافته و اظن ان الوحدة لما تنظف المكان الي قاعدة فيه مو عيب ولاهو فشلة
مشاالله عليكم والبعظ يقول زين يسون فيهم والبعظ حرام الي يسونه فيهم أنا بس ودي اعرف الحيوانه الي مصورة ماتخاف الله تصور بنات خلق الله شنو معاد اناس تخاف من ربهم وله شنو
ياجماعه .. اللي يقوم الدول المتقدمه تنظف مثل الصين واليابان!!! انت ما سألت نفسك ليش؟ لأن ماعندهم فراشين فاهما المسئولين عن مدرستهم وهالشي طبيعي عندهم !! أما بالكويت في فراشين من الجنسيات الآسيويه .. والصين واليابات مااكو ….، فلاتقعدون تالفون وتتفلسفون بهالشي واذا عاللي يقول أحسن عشان يتعلمون البنات……….،! هذي مو مسئوليتهم! إذا بيتعلمون يتعلمون من بيتهم، ، المدرسه تبع وزاره التربيه والتعليم .. يعني تربي وتعلم … مو تنظف ! بتطلع وحده من المدرسه مأخذه شهادة تنظيف مثلا؟ والناظره قالت بالطابور إذا نطفتوا راح إشوي لكم اليوم اللي وراه يوم مفتوح ..، بس ما سوت ، في سؤال مهم موجه حقها..، الوزاره ما تعطيج فلوس؟ ……. / وين تودينها حضرتج؟ رممتي بيتج؟ دفعتي قصدج؟ شريتيلج ساعه؟ قولي .. قوليلنا إشسويتي فيهم؟ أوكي أوكي..، سنعتي مدرستج ؟ ما إشوفج غيرتي شبر! واحد! فيها ؟ وظائحتلنا بمسابقة الصف المثالي وتقول تقاططوا فلوس وزينو صفكم. وأصبعوه وحظوا لوحات وزينوه .! ياااسلااام احنا نتقاطط لييش؟ وأنتي الفلوس اللي غندج حق شنوو؟؟
انا افضل ان ترشح هذي الناظر وزيرة التربيه والتعليم وهذا الصح من الدلع شوفوا المطلقات الكويتيات
لا تعليق والله
قرار حكيم من المديرة وهذا هو المفروض.
يارب اليوم وحده من المدارس اللي اهلهم ردوا اهني وشجعوا تصرف الادارة انه اليوم العاملات يضربون عن العمل ويقومون بناتهم ويشمرون ذرعانهم وينظفون مدرستهم لمدة اسبوع يارب يارب ان العاملات يرفضون العمل يارب تسمع دعاء ام مفهوره وعقبهل يارب ارد واشجع بطولات الادارة وحين تصرفهم اسبوع وبناتكم يكرفون يارب انت اليك المشتكى والقضاء العادل قضاءك >> لن ولن اسامح اسبوع يمر على بناتنا دون بناتكم الى الله المشتكى
بصراااحه حرااام اللي قاعد يصير
احنا ما قلنا شي قمنا ونظفنا بس التسييب اللي صاااير بالمدرسه ليش مصورين البنات وناشرين صورهم وهم ما يدرون حرااام
وبعدين اصلا المدرسه خاايسه الحين المتفوقات ا
اذا نجحوا منو اللي يكرمهم مو المدرسه! لا احنا بام الحكم البنت تدفع ١٠ دنانير عشان تتكرم خيييير ان شاء الله لا والاداره تقول كل طالبه لها بطاقه دعوه وحده واذا تبي زياده تدفع زياده ونفس الكلام للصوووره
وفيهاااااا تسيييب ياا نااس مو طبيعي