Q8Ping
مقالات مشابهة
انتشر بالأيام الاخيرة اشخاص بتويتر لهم عدد كبير جدا جدا من المتابعين .. والعدد مستغرب ولما تدخل على متابعينه تلقاهم اجانب وصينيين ومشكلين .. (ما تدش العقل)
بكل اختصار ظهرت مواقع على الانترنت لبيع الفولورز وهم عباره عن يوزرات وهميه
وإليكم قائمه الاسعار لأحد هذه المواقع ..
١٠٠٠ متابع (فالصو) = ١٣دينار و٧٥٠ فلس ..
١٠.٠٠٠ متابع (فالصو) = ١٣٧ دينار و ٥٠٠ فلس ..
٢٠.٠٠٠ متابع (فالصو) = ٢٧٥ دينار ..
وبالحقيقه ما ادري ليش بعض الاشخاص بتويتر يستخدم هذه المواقع في زيادة العدد فقط دون فائدة ..
وللعلم هناك ايضا بيع أصدقاء للفيس بوك وبيع ضغطات like .. وبيع متابعين علي اليوتيوب وعدد مشاهدات .. كل هذا دون أي فائده من هذا العدد.. فهو مجرد رقم
لزيارة احد مواقع بيع المتابعين – اضغط هنا – (طبعا ماراح احط اللنك)
ههههههههههههههه
الله يدنيــاا
الحتي المتابعين صاروو بفلـوووس !!
لايكون انته مسـويها بعد :p
شكلك بديت بتجاره النت قاعد تحسبها صح،، بس ذكي تعرف تسوي دراسه جدوى للموضوع وتشوف نفسيات العالم متقبلين او لا ههههه
باليوتيوب يمكن تكون مفيدة للبارتنرز .. زيادة الدخل عن طريق زيادة المشاهدين و المشتركين
ذكرونا بالميرسي والجنلات اللي قبل عربشات ههه
الله يذكر روم القصيد بالخير ..
والنكات قبل اذا ثلاث حروف وصل فوق ١٠٠ دينار ههههه
لووووووووووووووووووووووووووول
يبيله p:
ذكرتني بالبوتات ببرنامج ام اي ار سي
كونك شرحت لنا الفكرة العم قووقل يوصلنا للموقع بو متابعين فالصو
:))
هههههههه شكلي بسويها
انت مو فاهم ان هذولا،
Follow back team
يأخذون حسابك، واليوزر نيم user
و password ,
ويضيفونك لقوائم تتبعهم ويتبعونك ، وبعدها يرسلونلك سباي
الموضوع هذا بدآ مع بدايات الفيس بوك و التويتر و هالسولف و الي بدآ فيها
اخواننا المصريين و الاسباب طبعا ماديه .
و استخدمو هذي الحركه لآشهار السلع و المواقع و المنتديات و كل ما يتعلق في الانترنت بشكل عام
لنفرض عندي ٢٠ الف متابع بالتوتر او ٤ الاف صديق بالفيس بوك
فنفرض اكتب موضوع و احط رابط المنتدي او الموقوع . خلنا نقول من الـ ٢٠ الف متابع يدخلون ١٣ الف
هذا عدد مو شوي لو كل يوم جذي اتوقع يصير المنتدي او الموقوع دخله مو طبيعي بسبب عدد الزوار
< هههه ادري هذرت وايد بس حبيت اعطي معلومه بما اني اعرف بهالسوالف
و شكرا للقائمين
الحمد لله اني ما اعرف شي بهالسوالف ابدا حدي قوقل والواتساب والموبايل سند واند
يامعود حتى بالصج موجودين
اعلانات بالوسيط .. تبي حضور حق عرسك !؟
ادفع ٢٠٠ دينار ويجيك حضور أكثر ١٠٠ شخص يترسون لك الصاله
هههههههههههههه
ناس فاضيه…..
اتوقع لهم فوائد تجارية مثل ماذكر وفوائد نفسية تغطي جانب من النقص النفسي يمكن يحلها دكاترة علم النفس بتويتر
بس اهم شي يسوون ريتويت
الفالصو بالاكسسوارات لتوفير المال ولتزييف المظاهر
والفالصو التويتري لتوفير التميز والمتابعه
تذكرت اللي يشتري سياره باربعين الف ونص الشهر ماوياه فلوس البنزين
غش بغش
هذا يسمونة جنون العظمة وجنون الإرتياب
ما تلقى فردة نعال وحدة عند باب بيتهم وتلقى عندة آلاف من ألفة على النت حشى (( ولي من أولياء الصالحين وانا ماادري ))
هههههههههههههههههه
ونستونا اشوي باخبار المعقدين والنوابغ ههههههههه
يجماعه ليش زعلانين على الموضوع 1000او20000الف نفس الشي المهم اذا كتب شي زين نصفق له وان كتب شي على قده ندعمه ونعلمه بالنقد البناء اما اذا كان الامر تجاري فالشركات تعلم اين تضع دعاياتها محد يقص عليهم ولكم الشكر
هذا اللي يسويها اممممم اكيد يصيرله القذافي او مدرسه القذافي في جنون العظمه
هذيلا يهونون..
في ناس يسوون 100 حساب بتويتر عشان يلحقون اكاونتهم الاصلي :S