Q8Ping
مقالات مشابهة
كتاب وجهه وكيل وزارة المواصلات .بناء على شكاوي (اضع خطين تحت كلمة شكاوي) وجهه إلي شركات الانترنت للألتزام بالأسعار والخدمات .. للأسف وزارة المواصلات كـ العادة تأتي متأخر جدا ولا أعتقد انها كانت ستفعل شيء دون شكاوى الناس ..
على كل حال لمن لا يعرف ما هي المشكلة .. قامت شركات الانترنت الاربع في الكويت (كيمز – كوالتي – فاستلكو – غلف نت) بالأتفاق ما بينها لـ رفع الاسعار منذ نهاية شهر يناير الماضي .. والاسوء انها قبل اسابيع حددت سياسة جديدة تحت شعار (الاستخدام العادل) بحيث يكون لكل اشتراك حد اقصى في التحميل من الانترنت (يعني حدك ٢ قيقا باليوم) حسب سرعة الاشتراك ..
يجب علينا نحن مستخدمين الانترنت الوقوف ضد هذه الاجراءات .. حتى لو قمنا بتشكيل تجمع والوقوف في احد الاماكن لتوصيل رسالة للجميع اننا مستائين
حدد الزمان والمكان وانا معاكم
كفو والله ..
نسيت فيفا يا محمد ؟
حدود 2 جيجا باليوم :]
اصلا حتى شركات الاتصالات بالكويت وزارة المواصلات معطيتهم اكثر من حقهم بأتخاذ القرارات والعروض والخدمات .. واعتقد المفروض يكون في هيئة مستقله تدير هذا الموضوع ..
اقولك شغلة ,, الكويت دولة متطورة من زمان ,, والانترنت نس جنة توه مكتشفينة .. سآلني واحد من رومانيا عن اسعار الانترنت عندنا ,, استحيت لا اقولة 240 دينار بالسنة عشان ما يموت علي .. قلت لة 90 دينار بالسنة .. والا الرجال سابني سب هههه .. قلت لة ليش انتوا جم عندكم .. قالي 8$ دولار بالشهر وسرعة التحميل ميجا ونص بالثانية
خلها على الله ..
انا بعد وياكم
مع احترامي لكم، بس الوزارة ما رح تدري اذا الناس نفسهم ما يدرون. احنا بنفسنا رحنا للوزارة و عطيناهم خبر و وصلنا خبر حق وكيل الوزارة و كاهم ما قصروا و طلعوا قرار\تعميم على الشركات و هذي اهي الخطوة الأولى.
اذا الشركات ما استجابت ﻷوامر الوزارة فالوزارة تعرف شلون تعاقبهم و احنا لنا تصرف قانوني معاهم و المحامي حسين العبدالله تطوع انه يرفع القضايا بدون مقابل.
كان الأجدر أنك تكتب الموضوع و تخلي الناس تضم جهودها لنا و الناس اللي معانا على الموقع اللي خصصناه حق القضية هذي: http://q8cap.wordpress.com
و شكرا
الصراحة انا مستاء جداا من سياسة الاستخدام العادل
يااخي انت شعليك لو احمل 100 قيقا كافي ان اسعاركم غالية هم تبون تحطون لمت
لازم مانسكت ونسوي تجمع لما يكنسلون سالفة الاستخدام العادل
معاكم قلبا وقالباً ان الأسعار ارتفعت بشكل خيالي قريب من الدبل عقب المنحة وسكتنا وبلعناها … تقومون تحددون لمت التنزيل ؟ لي هني وبس كافي عاد .. إلى أين سنصل معكم يا شركات تزويد الإنترنت ؟ الناس في تطور مستمر وأسعار مستمرة في الإنخفاض وأنتم متفقون على المستخدمين وفي انحدار مستمر ؟
وجان زين خدمتكم زينه جان يمكن نسكت بس خدمتكم حدّث ولا حرج .. لا من سرعات انترنت نستلمها عدل … ولا من خدمة ما بعد البيع مثل الأوادم … و لا خدمة عملاء مثل البشر !!
أرجو من وزارة المواصلات تعديل الوضع الحالي أو استعجلوا بوضع خطوط الفيبر في جميع مناطق الكويت ويكون الإشتراك عن طريق الوزارة أفضل و ارخص واسرع مليون مره من هذول الجشعين .
احزن على حال البلد كويت العز
كل شي ناخذه بالصيحة والمطالب
ليش وين الحكومة بوزرائها يعني
محد يتحرك الا بعد تهديد النواب بالاستجواب
اااااه يا حبيبتنا يا الكويت
انا بعد وياكم باللي تبونه
لا لجشعهم
مو هذي المشكله يا اخوان الشركات قامت تستقفلنا قبل جم يوم اخوي وقع مع عقد شركت فيفا وقالوله لك ٢ قيقا بليوم طبعا اتحجا عن العرض ابو ٣٠ دينار واكتشف بصدفه ان الاثنين قيقا طلعووو بشهر وتنزل السرعه بعدهااا ويوم دش ع مديرهم قاله اهووو كان العرض بلبدايه جذي بليوم بس الشركه خلته بشهر وقاله هذي الشركات تلعب ع العملاء هههههههه والله ماكووو لاحسيب ولا رقيب
أنا عن نفسي لاعت جبدي من فيفا أكبر نصابين دبسونا بعقد سنتين عقب يقولك طبقنا نظام الاستخدام العادل وضغط علي الشبكة ولا شتكيت محد يدر عليك عمك أصمخ انا ودي اعرف وين الرقابة حاطين تسجيل المكالمة علي شنو ليش مافي لجنة مختصة من وزارة المواصلات تراقب شكاوي الناس وتتابع شصار عليها من الشخص المشتكي نفسه لان طبعاً الشركة بتقولهم تم عمل اللازم (نصب + عدم أستجابة + سؤ خدمة = ظلم وقهر) يا ليت وأتمني تشوفلنا حل لهالنصابين الي محد تارس عينهم بس بوق بوق بوق
انا شخص عميل مع كواليتي نت من نهاية التسعينات والى الان . لاحظت منذ فتره ان السرعه عندي ضعيفه فا اتصلت بخدمة العملاء للاستفسار وتفاجات انهم نزلوا سرعتي الى 1 ميغابايت مع العلم ان سرعتي الاصليه 4 ميغابايت ولما سالت قالوا اني عديت المساحة المحدده لي للتنزيل باليوم وان في سياسة جديده تسمى بالاستخدام العادل فا قلت لهم شلون تسوون جذي من غير لاتقولون للعملاء وباي حق تسوون جذي دام اني ادفع رسوم للخدمه ومالي ذنب اذا نزلت 35 جيجابايت وغيري نزل 20 جيجا مع العلم ان اشتراكي السنوي راح ينتهي بعد شهر تقريبا .
وبعد شد ورد قررت اني ارفع قضيه بما ان اخوي محامي ولكن وجدت الموقع المذكور اعلاه من قبل احد الاخوان فا قمت بارسال نسخه من عقدي مع الشركة وكان اول الغيث قطره وهو قرار وكيل وزارة المواصلات وانشالله حقنا ماراح يضيع وانا معكم انشالله باي اجراء سواء كان احتجاج او تجمع ضد الشركات .
اي والله ….. الناس تتطور واحنا نرجع ورى وبس همهم الفلوس
عفوا 5 جيجا وليس 35 يرجى التنويه
شوفوا الشغل العدل والناس السنعه
اعلنت شركة موبايلي السعودية عن اسعار خدمة الانترنت عبر الألياف الضوئية
قارن سرعاتهم واسعارهم مع الشركات الي عندنا
٢٥ ميغا ٣٠٠ ريال شهري
٥٠ ميغا ٤٠٠ ريال شهري
١٠٠ ميغا ٥٠٠ ريال شهري
٢٠٠ ميغا ٨٠٠ ريال شهري
الخدمة اسمها elife
وهذا موقعهم للي يحب يتأكد
http://goo.gl/wZpCL
وين هيئة الاتصالات ؟؟ شلون دوله غنيه في ٢٠١١ ولا عندنا هيئة اتصالات في عصر تطور تكنلوجيا الاتصالات الرقميه ،، تذكرت تصريح د.سعد البراك يوم قال تتحرر فلسطين ولا يصير عندنا هالهيئه ،، بلد ضايع لاحسيب ولا رقيب كله بسببك ياناصر المحمد ياخي اررررررحل
لا سلمك الله عندنا وزارة اهي مسأوله عن الباصات والمواني وهم مسأوله عن الانترنت والاتصالات 🙁
يا جماعة احنا ليش متخلفين بالنت السرعة عندنا ضعيفة وتفشل والسعر غاااالي حيييل بامريكا ارخص اشتراك سرعة ١١ ميجا هههههه لا وهذا محد ياخذه لأنه بطيء واحنا ٨ ميجا مع ألياااف ضوئية نقعد ان ناقز من الوناسة
اتمنى انهم يشوفون حل لنا بالنت واتمنى الإستعجال بالألياف الضوئية
وانا معاكم يا محمد حدد بس واحني اول الحاظرين انشاء الله
لا للجشع لتصل اصوتنا للمعنين
نعم المفروض هذا يحصل من زمان الوزاره يجب ان لاتسكت عن هذا …والمستهلك كذلك دوره اهم ..يجب ان نشارك جميعا ..الرجاء من اي شخص يدخل هنا يترك رد على الاقل
وأنا بعد وياكم باقونة والله فلوسهم مو محللة لي يوم الدين يارب اذا بتمون جذي
بس عندي سؤال شنو ردهم بعد الكتاب الي كتبة وكيل الوزارة بصفطونه ويقطونه على جنب
كأنه محد قال شي ؟؟ والله يسوونها
وانا معاكم والله حاله كلمن يه وزاد اسعاره شره مو عليهم شره علي الحكومه الللي لا تراقب وتعقب بس اذا احد تحجي لا مو دايما وفوق جذي بس حق يومين تالي يهدونهم وطبعا الشركات شايفه حكومه هادتهم براحه ولا اهي حازمه فعلي كيفهم زيدون السعر كل التجار مو بس تجار الانترنت حسبي الله عليهم
لازم نسأل منو المتحكم والمستفيد بالشركات هذي
الغانم
ماقلنا شي استفيدوو
بس بالمعقووول
الله اكبر الله اكبر
وانا وياكم يلا متى (:
صباح الخير جميعا
انا بتكلم عن شركة فيفا . شركة فيفا اهي اللي دللتكم ولا انتوا نسيتوا شركة زين والوطنيه اقل شيى المكالمات الدوليه اذا استقبلتها كان يحسب عليك ! اضافة رقم لمدة سنه كان مجاني والحين صار 10 فلوس والرساله مجانيه ! بالاضافة للعروض الشبه يوميه على الخدمات والحين الاجهزة ، واذا قصرت فيفا بالتغطيه فتأكدوا انها من البلدية مو منها ، هذا غير حجز الارقام اللي بالموقع ولا انت وراسك في احد يعطيك 5 ارقام متشابهه ب 15 دينار ؟؟!! ماتبون فيفا تشتري لكل واحد بيت وسياره ؟؟ وتزوجكم بعد ؟!!! بس صج ناس طماعين مو مال عروض مال قروض بعد ال 2 جيجا يومي مو شهري… يعني بالعربي موشرط تنزل 20 فلم باليوم وخلاص مابي اتحجى اكثر