Q8Ping
مقالات مشابهة
اضغط على الصورة للتكبير
تم التصويت قبل قليل على قانوني “كادر المعلمين” و “مكافآت الطلبة” لكن للأسف تخاذل بعض النواب حال بينهم وبين الاقرار .. علما ان القانون تم إقراره في مداولتين لكن رفضته الحكومة فعاد إلي المجلس .
أسقط كادر المعلمين كل من (الوزراء + ٤ نواب)
1- سلوى الجسار
2- معصومة المبارك
3- رولا دشتي
4- عادل الصرعاوي
اسقط مكافآت الطلبة كل من (الوزراء + ٣ نواب)
1- أسيل العوضي
2- رولا دشتي
3- معصومة المبارك
وااااااامظلوووووماااااااه
كل مالنا و ننزل .. ايه معاهم حق مافيه فلوس كلها طارت على بعض النواب و الوزراء
ان الله يمهل ولا يهمل .. أنشوفها فيكم أنشاءالله
السؤال هنا كم قيمة الشيك الي استلموه ؟
شنو كنا متوقعين يعني منهم
المشكله شوفو عذر سلوى امانه شوف العذر
ال الرؤيا مو واضحه ومتاخره ال
تبي تعرف النفوس كت الفلوس
يا جمااااعة كا هذا دووور الحريم بالمجلس
يعني ما شفنا فرج بعد دخولهم المجلس
واسأل الله الكريم ان تكون اخر مره انشوف حريم بالمجلس
آمييييين
الله يسمع منك والله ما فشلنا بالمحلس الا الحريم
يهب يا وجيهم
قأل ابو اسماعيل الطغرائي قديما
ماكنت اطمع ان يمتد بي زمني *****حتى ارى دولة الاوغاد والسفلي
صح لسانك
حراااااام عليهم والله حرااااااااااااااام
الكادر مبالغ فيه حيل وبصراحه على مخرجات التعليم الحالي مايستحقون هذا الكادر
الكادر مبالغ فيه حيل وبصراحه على مخرجات التعليم الحالي مايستحقون هذا الكادر
هدر مال فقط
وش السالفة
كل اللي رافضين مكافأة الطلاب [نساء] !
زعلت علي الطلبه بس المعلمين لا لانه بصراحه بياخذون اكثر من حقهم .. ليش مو عاجبتهم فكرة البونص لانه يدرون ماراح يخلصون بالعمل يبونها عالبراد كاااادر ومافي لادوام ولا عماة عين طبعا مو كل المعلمين بس لو نشوف المعلمات الغالبيه العظمي جذي علي اي اساس يبون كاادر علي تدني مستوي التعليم عند الطلاب ..
صج انج ماتفهمين بشي.. والله انج ما تفهمين, لكن انا مابي احط لساني بلسان بنت لأن انتوا معروفين بلسانكم.. الحين المدرس ما يداوم ؟؟!؟! المدرس يزرق من الدوام ؟!؟!؟؟! انتي وين عايشة ؟!؟!؟!؟
المدرس اذا زرق من الدوام مفضوووووووووح صفه راح يكون فاضي والطلبة يروحون الادارة على طول.. شنو انتي شقاعده تخربطين.. متحسفه على الطلبة ؟!؟!؟ الطلبة عالأقل اهلهم يصرفون عليهم, لكن المدرسين أرباب اسر ومتزوجين وعندهم عيال.. اهم اولى.
لكن مبين ان الكلام معاج ضايع فأنا مابي أضيع وقتي زيادة.. حالج حال حريم المجلس, بس الحريم الي رافضين, وانتوا أكثر المخلوقات تحبون الفلوس.. ودي اشوف وضعج لو ريلج يقطع عنج المصروف.. والله ودي اشوف
والله يا أخوان مو حسد وله شي وماني معطيكم من حلاال ابـوي الي خلفـني
لكن خلونا واقعين التعليم من سيء الي اسـوا الطلاب تأثرو بالمصرين والسوري حتا لهجه ضاعت والمدرس الكويتي ونعم فيه مانقول مايستاهل لكن تخصصات نفس اجتماعيات بدنيه مو قصورن فيهم وين صعوبه فيها الي تخصص نادر يستاهل عطوه كادر عشان ندعمهم لكن الباجي مع احترامي لهم يعني ومنهم اصدقاء لي مرتاحين احلى راحه ومعاشهم ممتاز
واذا على المدرسات يعطيهم العافيه لكن ماني شايف تعليم بصراحه كثر ماهم مهتمين بتزين الصف ودفاتر والكلام الفاضي طبعا غير الشروط تعجيزينه وطلبات الغريبه على شنو كادر ؟
اسف على الأطاله وتمنا محد يزعل مني
أخوي انا مدرس اجتماعيات.. من قالك ما نتعب.. من صجك ياخوك.. والله كلامكم يزعل.. دام انكم ما تعرفون بالوظيفة ليش تظلمونا.
ياخوك احنا الي نمسك الاذاعة, واحنا الي نسوي وسايل (لا تقولون الطلبة الي يسوون, في قرار منع والي يصيدونه مخلي طالب يسوي وسيلة يتحول تحقيق).. واحنا الي نسوي اوراق شفافة, واحنا الي نسوي وننظم الرحلات.. واحنا الي نسوي حفلة الخريجين.. واحنا الي نسوي اوراق مراجعة للطلبة بلاش مع ان باجي الاقسام بفلوس.. واحنا الي نمسك اشراف المدرسة والاشراف العام لأننا كويتيين.. كل هذا وما نستاهل ؟! يعني لو تقارن الي نفس شهادتي بوزارة ثانية ياخذ اكثر مني 100 دينار مع انه ما يداوم وطول السنة نايم ببيتكم.. يرضيك هالشي ؟!
والله كلامكم يزعل.. للأسف محد واقف مع المدرسين.. لأن الكويتي من يسمع مدرس على طول يي بباله مصري ولا سوري.. يا اخي في كويتيين.. الزيادة بس للكويتيين مو للمصري والسوري.. ليش ترفضونها
اللي يقول هدر للمال العام
خساير محطة مشرف مو هدر
محطات توليد الكهربا العطلانه مو هدر
انقاذ الشركات ودعمها مو هدر
اعطاء الدول الاخرى مو هدر
شمعنى اي شي فيه حق المواطن الكويتي قلتو هدر
صج ترفعون ضغط الواحد
الصراحة انا مستغرب من المعلمين! العام لما قالوا نمدد دوام الثلاثا لمدة ٢٠ دقيقة لمصلحة الطلبة و النشاط قامت القيامة عندهم و الاغلبية ما جابلوا الطلبة بالنشاط و كل يوم تصريح ، و الحين يبون فلوس زيادة!!! على شنو؟؟ فوق شينهم قوات عينهم!
حرام عليك.. من قالك ما داومنا الثلاثاء.. بالعكس الكل التزم وداوم.. اصلا التوقيع ما ينزل الا الساعة 2:30 شلون تقول ما نداوم.. احنا رفضنا تدري ليش, لأن الطلبة بالوقت هذا يبون يروحون البيت محد له خلق يقعد بالمدرسة, شلون تبينا نخليهم يشتغلون نشاط معانا والله ولا طالب عطانا ويه, والادارة تهدد وتقول للمدرسين الي ما يشتغل بالنشاط ندزله استفسار.. عاد تعال اقنع الطلبة, خصوصا مادة مثل مادتي تاريخ اسلامي الي بس يتكلم عن عصر الصحابة رضي الله عنهم وانا ادرس بالرميثية عند الشيعة, شلون تبيهم ييون يشتغلون بالنشاط مالي ؟!؟!؟! فأكيد راح أعارض فكرة النشاط.. هذا مضيعة للوقت مو مصلحه للطالب.. في طالب يبي يقعد بالمدرسة بعد الهدة ساعة زيادة ؟!؟!؟ والله مستحيل.
احنا رفضنا كان للنشاط مو لتمديد الوقت
وتبون حقوق المرأة؟ الله يستر من اللي بيجي
أنا اللي درسته بالكليه ان القانون لما يطلع لازم ان يكون في اقتراح وبعدين المداوله الاولى وبعدين الثانيه و وبعدين موافقة الامير ويجوز تخطيها واذا رفضه يقدر المجلس اعتقد بأعلبية الحضور او المؤلفه ان يدزه مره ثانيه للامير و يوافق عليه ومايقدر يرفضه
هذا اللي درسته ليش مايطبق على ارض الواقع ؟ الله اعلم !
وتبون حقوق المرأة؟ الله يستر من اللي بيجي
الله ياخذهم قولوو امين
امييييييييييييييين يا رب العالميييين
اي طبعا مو اللي يعطي السلطه للحريم يشوف اكثر من جذي نحاسه بعد
ورولا ليش هيك يازلمه مابدك تنطي المصاريات للمعلمين شو هاظ يازلمة كلياته بجيبتك مابيصير هيك
احب ارد على بعض الاشخاص اهني واقولهم
-لو فيكم شده جابلو ثلاثين ياهل مدلعين
-اذا كان هدر للمال العام اعتقد صاحبنا رد عليكم
-اللي قال مستوى الطلاب متدني والحجي هذا العفو بكلمتي بس التربيه اساسا غلط 🙂 شلون انربي بلله
-اذا المعلم ما يستاهل الكادر عيل انا اشوف العسكريين ما يستاهلون والمهندسين بعد واعتقد الكل يعرف ليش
على راااااااااااااااااااااااااااااااااااااااااااااااااااااااسي
هذا الكلام الي يبرد القلب
الكادر مبالغ فيه حيل
المليفي : عطاهم الحل بس هم ما يفهمون الطمع ذبحهم يعني مدرس رياضه ورسم
تسويهم في نفس مدرس كيماي وفيزيا ورياضيات
مدرس : يدرس له كادر
مدرس : ما يدرس له كادر
اللي ما عنده احد من اهله مدرس ما راح يعرف معاناتهم
تحضير و حصص فوق المعدل ومراقبه طابور صباح و تصحيح و مراقبه مقصف وكفتيريا و فراش و زبال و كل شي
تبون الصراحه
المفروض هالمهنه من المهن الشاقه بس للأسف في ناس تتحجى عالبراد و الناس الثانيه تنشوي عالصبح
والله انك فاهم.. ولا تنسى, من وظايف المعلم بالمدرسة ان الطالب الي عنده امتحان ويتله الحسرة, يروح المدرس معاه الجمام ويخليه يبول عشان يراقبه ما يغش.. وفوق كل هذا يقولون المدرسين ما يستاهلون
لوول لا والله تستاهلون
همتكم يا ناس مانبي حريم بالمجلس الجاي ، والطلبه الله يعينكم والله مساكين !!! الله يعين
اقول الحمدلله الذي لايحمدسواه
اقول الله يكفيني شر الحساد لان الي قاعديصير كله حسدوغيره وعوذبالله من شر حاسد اذا حسد
ما يصير في نواب ما حضروا الحلسة لازم ما تم الجلسة الا باكنمال العدد حده ظلم الكادر والمكافأه تحتاج بس صوتين وبوجود النواب اللي مو موجدين بجلسة اليوم رااح يصير فرق ويمكن يصير في كادر ومكافأة لازم يردون ويعيدون الجلسة مرة ثانية
صج المجلس صار مصالح
انا كنت و للحين صج ضد المرأة بالمجلس
يا اخي مشكله هذي النائبه بلوى الجسار دشت مجلس اهيا مع تبوله دشتي اذونه يبون الفقر للمواطن واهما من تحت لى تحت بالاول اول ماشفت تبوله دشتي قلت هذي عليها مخ اقتصادي رهيب لكن على ارض الواقع عليها ضراط وتفلسف ولا اكو فايده حق مواطن عن ابوكم دافعين شي من جيبكم
شالبشر هذوله
عسى مسلم البراك يهد حيلكم هد نائب بصام و ووزير رخو حيلك فيهم بوحمود
ان لم تستحي افعل ماتشاء
انا مدرس ومع ان هالحكومة مو مال تاييد لا بحق ولا باطل بس بصراحة انا مقتنع باقتراح الوزير المليفي
تشتغل تاخذ فلوس ما تشتغل خلك على معاشك
وتعطي الناظر سلطة تخليه يضبط المدرسة
حسبي الله ونعم الوكيل… جرب ياللي معترض عالكادر تصير يوم معلم وتشوف نستحقه والا لا
حبيتج على هالكلمة.. والله كلامج عدل.. جربوا يوم واحد بس تصيرون مدرسين.. والله تشوفون الويل.. شوفوا الي صارلهم أكثر من 20 سنة مدرسين.. شوفوهمو الله جنهم يهال او معقدين نفسيا.. من شنو هذا ؟؟ هذا كله من الهم الي بالوظيفة
الي يقول ما نستحق الكادر ابسط شي جرب توقف في ملاعب مكشوفه تدرس تربيه بدنيه علي الرمل وبالغبار والحر مع العلم مدارسنامافيها صالات مخصصه للتربيه البدنيه وانت مطالب بمنهج يدرس الي شهر مايو
اعجبتني هدر المال العام والكادر مبالغ فيه ..ممكن تعرفنا حضرتك شنو شهادتك ووظيفتك …وشرايكم بالمدرسين الغير كويتين اللي قالوا احنا ندرس على قد فلوسنا ..واللي يقول مستوى الطلبه في تدني شوف وزارة التربية تسوي عقد المدرسين مع منو مع النطيحه والمترديه والناس اللي ديرتها زايعتها
انا موظفه بقطاااع خاص والدوام لي ٣:٣٠ نكرف كراف وقاعدين نتعب مثلكم بس حدث العاقل بما يعقل اغلب المدرسات فشله وحتي تربيه حق عيالهم فاشله علي اي اساس يبون الكادر ليش مو عاجبتهم فكرة البونص .. هل يتساوي الذين يعملون والذين لايعملون !!!!! !!!!! عارفين البونص بيطلع فضايحهم
هذي ثاني مرة ارد عليج لأن كلامج ينرفز.. يا ……… انتي تعرفين الآلية مالت البونص شلون صايرة بالتربية ؟!؟!؟!؟!؟! دام انج ما تعرفينها شكو تتحجين ؟!؟!؟!؟
البونص عندنا كالآتي : كل مدرسة ترشح مدرس واحد, بكل المراحل وبالجنسين.. يعني روضة ابتدائي متوسط ثانوي تعليم خاص معهد ديني وكل المدارس بنين وبنات.. والمنطقة التعليمية تختار واحد منهم ؟!؟!؟!؟! من صجج راح نحصل شي جذي ؟!؟!؟ من صجج ماراح تلعب الواسطات بالموضوع هذا ؟؟!؟!؟!
باجي الوزارات الي يداوم وما يغيب ياخذ بونص 100% مضمون ولا تقولي لي لأ, أنا اهلي وربعي كلهم بالوزارات وكلهم ياخذون بونص.. اما بونص المدرسين غير غير غير رجاءا تكلموا بالأشياء الي تعرفونها وبس.
واذا انتي بالقطاع الخاص وتكرفين على قولتك, عالأقل أنتي بمكان تحبينه وطموحج هالمكان.. ماكو احد يروح قطاع خاص الا ان هالمكان يقون حلو وفيه ترقية ومعاش قوي.. اذا بتقولين مو عاجبج مكانج خلاص من باجر طلعي.. القطاع الخاص بسرعة يقبلون الاستقالة.. لكن ما تسوينها ادري فيج.. مرتاحه بمكانج وتحسدين الناس الي مو مرتاحين.. احنا مالنا غير هالوظيفه لأن شهادتنا ما توظفنا بمكان ثاني.. بتقولين ليش تخصصت هالتخصص, أحب اقولج اني اول ما دشيت الجامعة ماكنت افهم شي بالشهادات وبالوظايف, والكل يمدح هالتخصص فدشيته لأني اكبر اخواني وماكان عندي احد يوجهني
انا ما اداوم ولا احب قعدت الصبح والطلعه الا للضروره الصبح ولا احب انشلع من فراشي غصب .. فلهذا السبب اقول يستاهل الخير كل كويتي يفز من عز نومه ويباشر عمله بهالحر والبرد .. الله يعينهم .. بروناي احسن من عندنا بشنو ؟؟ يبا الوافد حده سنتين ويمشي وخلو لكويتيين يعدلون الديره
أحبك.. كلامك عين الصح.. لكن الناس حاطة عينها علينا وظالمينا احنا المدرسين
وايلالالالالالالاه ويقولون ليشششششش معترضين على دخول المجلس , اللى سوته سلوي الجسار بااختصار انه طقت اشاره يمين و لفت يسار اه بس
أنا مدرس وأبي اوضح للناس الي مو فاهمه وقاعدة تظلمنا جم شغله.
جربوا مهنة التدريس يوم واحد بس, وجابلوا طلبة ثانوية مراهقين وساقطين ويحبون الهواش.. بهالوظيفة وخصوصا الثاني عشر الي انا ادرسه تلقى الي ساقط 4 سنين وعمرة 22 سنة اطول منك واعرض منك.. تلقى المدمن, تلقى اللوطي والشاذ وتلقى الترف والدلوع.. تدرس البدوي والحضري والسني والشيعي وجميع اصناف المجتمع.. وكل صنف يبيله تعامل خاص واذا ما عاملته بطريقة محترمة ممكن انه يراددك وربعه يرفعوله وممكن توصل لي الهوشة.. غير جذي تعال جابل اولياء الأمور الي بس يبون يتهاوشون ويهددون, والمشكلة الأكير اذا كان الناظر مصلحجي ويبي رضا اولياء الأمور ويحط الغلط عليك, يعني ولي الأمر والناظر ضدك ومحد يحميك.. وتعال شوف اذا طالب كرهك تشوف سيارتك الي توك شاريها مزلغة ولا مطتوت عليها صبغ ولا مفشوش التاير ولا كاسرين الجام (أكره شي لما يكسرون الجام الخلفي لأنه حيل غالي واغلى جامه بالسيارة كلها).. تعال شوف المدمن, الي يشرب حشيش ومخدرات.. بتقولون ابالغ ؟ قسما بالله العظيم المباحث دشت علي بالصف وسحبت طالب جدامي وانا قاعد ادرس, طلع مدمن هيروين.. شتحجون انتوا يا ناس يا عالم.. والله المهنة هذي حيل صعبة حيل حيل صعبة.
كل الوظايف بالكويت فيها شغل مكتبي وكرف.. يعني الكل يقول احنا نشتغل ونكرف و و و.. ترى حتى احنا عندنا شغل مكتبي تصحيح دفاتر ورصد درجات وكتابة تقارير وتحظير الدروس يوميا وعمل امتحانات قصيرة مختلفة لكل صف وفوق هذا عندنا تدريس وشرع ومعاناة وتفهيم الطلبة.. يعني كأن نشتغل وظيفتين مو وحدة مثلكم.. حتى احنا نشتغل ونكرف.
حاطين دوبكم ودوب اجازة المدرسين.. 3 شهور ومعاش مقدم وااااااااااااااااااو.. والله انكم ما تفهمون شي.. صح كلام الرسول عليه الصلاة والسلام كما قال : كفى بالمرئ كفرا ان يحدث فيما يسمع.. اذا كنتوا سامعين ان اجازة المدرس 3 شهور فأنتوا غلطانين.. الطلبة الي اجازتهم مو المدرسين.. المدرسين يظلون يداومون بعد الطلبة عشان يصححون الامتحانات وبعضهم يشتغلون بالكنترول الي يسوون الشهادات للطلبة وعقب كل هذا هم يظلون يداومون.. يعني اجازتهم شهرين تقريبا مو 3 شهور.. اذا بتقولون هم الشهرين اكثر من باجي الوزارات, أنا اقولكم ان بالوزارة اجازتك 45 يوم يعني شهر ونص.. المندرسين اكثر منكم بـ15 يوم بس, لكن يكفي ان انتوا تقدرون تاخذونها بأي وقت من السنة بالصيف بالشتاء بالربيع على كيفك وتسافر متى ما تبي, اما المدرس مجبور ياخذها بالصيف وهذا شي مو حلو.. في ناس تبي تكمل دراستها وانا اعرفهم شخصيا لكن ما قدروا لأن الجامعة تسكر بالصيف, واهو مدرس مسكين ما يقدر ياخذ اجازة الا بالصيف, اما لو بوزارة ثانية جان اخذ اجازته بالشتاء او اي وقت من السنة وكمل دراسته على كيفه.. هم في شي ثاني ان الي بالوزارة يقدر يقسم اجازته, يعني مثلا ياخذ الحين اسبوه, وبعد شهرين ياخذ اسبوع.. وبعد شهر ياخذ اسبوعين.. على كيفه يقسمها, اما المدرس ما يقدر يسوي جذي.. حاسدينه على الـ15 يوم يبه اخذوهم وعطوا المدرس اجازة على كيفه.. بتقولولي في اجازة الربيع 15 يوم, ادري عنها لكن هذي محد حاسد المدرسين عليها, الكل عينه على اجازة الصيف.
اذا بتقولون انت دام انك كاره وظيفتك, ليش قاعد فيها روح اطلع وشوفلك وظيفة ثانية.. احب اقولكم ان ماكو امل.. انا قدمت على كل وزارات الكويت, يقولولي انت شهادتك صارت قديمة وما نقدر نقبلك كتعيين يديد.. لازم نعتبرك خبرة. قلتلهم جان زين يلا انا موافق. جان يردون علي : بس انت خبرتك ما نحتاجها, خبرتك تدريس واحنا ما نبي خبرة تدريس !!!! هالكلام كل الوزارات قالته لي.. كل ما اروح مكان ما يقبلوني تعيين يديد ويبون خبره, الخبرة هذي من وين اييبها اذا كل مكان ما يقبلني.. عشان جذي تشوفوني لي الحين بالتدريس.. انا ريال متزوج وعندي طفلين شلون تبوني اترك وظيفتي.. هذا حالي, مجبور وقاعد بالوظيفة غصبن علي.. ماني قادر اطلع منها ولا محصلين زيادة.
وفوق هذا الكل يقول ان احنا ما نستاهل مع ان نوزع درجات بالهبل لى عيالكم ونغششهم بالامتحانات واذا مدرس غير كويتي صار براشيم مع طالب نتدخل وترجع للطالب ورقة الامتحات ونقنع المدرس الي صاده ان ما يكبر السالفة, كل هذا عشان مصلحة عيالكم, وآخر شي تقولون ما نستاهل.. عموما الله سبحانه اهو الي يدري اذا كنا نستاهل ولا لأ.. فأنا وباجي المدرسين مخلينها على الله.
حاس فيك ولله ان شاء الله يجيكم الكادر
حسبي الله ونعم الوكيل
بيدفعون من جيبهم وانا مادري
حرام الطلبه عشموهم بهالمتيين لوول
هالحريم والله مامنهم فااايده
حسبي الله ونعم الوكيل عليهم
مستخسرين زيادة 100 على الاعانه
حسبي الله عليكم ظلام والله
رولا ومعصومه اي شي فيه فلوس حق الشعب معارضين واهمه مشالله حق روحهم عادي ويصير
متحسفين على هال100 اللي بناخذها ابشرج رولا ترا كلها مصروفه على المدرسين الخصوصيين الزلم والمصاروه يعني ماراح ناخذ شي منها حطيلنا دكاتره سنعين بالجامعه واخذيهم حلال عليج
ملايين قاعدين تاخذون خايفين على هالجم فلس لو يقولون بيعوطونج اياهم الف بالاميه منتي رادتهم
بعدين ياعالم شفيكم عالمدرسين ترا والله كاسرين خاطري انا اعرف مدرسة روضه اللي اهيه روضه بعينكم اي شي من داومت كراف ويا اليهال وسايل وشغل اليهال كله على حساب الابله تعب من الصبح لي الظهر شطانة اليهال صوتها كله رايح المفروض تعطونها بدل صوت واخر شي تيي الناظره بكل برود ما تحطلها امتياز وين الوحده لها خلق تتعب وتسوي اذا كانت الناظره جذي يبا الحين كله شغل واسطات عندك واسطه امتياز ماعندك بالطقاق هذي اقل مرحله فما بالكم بالباجي صج ماتفهمون!!
يفشلون والله مجلس البوق والتخلف :/ كلهم حراميه ومايبون لهير لحد بس همهم البوق
يوم صوتوا على زيادة معاش أعضاء مجلس الأمة.. الكل وافق
بس لما تصير زيادة جق غيرهم, يرفضون
معصومة من عطتها الحكومة بيت بالروضة صارت حكومية.. البيت هذا مو بفلوس ؟ ليش خذيتيه ؟ ليش لما تصير السالفة فيها فلوس حقج توافقين ولما تكون فيها فلوس حق غيرج ترفضين ؟!
بالضبط هذا اللي صاير (حلال عليهم) الاف جان مو ملايين
و(حرام علينا )متحسفين على 100 مادري 200