Q8Ping
مقالات مشابهة
بعد ضغوطات حملة لا للأنترنت المحدود .. صرح امس وزير المواصلات عن وقف سياسة التحميل المحدود (فورا) وتخفيض الاسعار بنسبه مخجله جدا ٢٥٪ ابتداء من الشهر القادم
ويذكر ان شركات الانترنت قد رفعت اسعارها في شهر فبراير الماضي بنسبه ٧٠٪
والان الجميع بنتظار الشركات لـ تطبق قرار الوزير
في أحد متفائل بهذا “القرار”؟
انا الصراحة لأ !!!
Good job making it aeappr easy.
المواصلات خفضت لهم ٤٥ بالميه الشركات خفضت لنا ٢٠ الى ٢٥ بالميه
مجهود الحمله واضح بس !!!!
لا زالت النتائج غير مرضيه
انا عندي سؤال على كلمة فورا.. هل معناته من اللحظة هذي اقدر اسوي داونلود مفتوح ؟ ولا الشهر المقبل ؟؟
يا جماعة انا توني مصكر التليفون من فيفا وسألتهم عن الاستخدام المحدود قالولي للحين ما وقفت سياسة الاستخدام الظالم يعني بالعربي كلام جرايد
لأني قاعد اشوف النت لي الحين محدود
اقول لكم كلام فاضي وزارة خوافة وجبانة وموعارفة اشلون تساحل هل التجار القراصنة
يفضل ترمي الشركات بالمحارم الورقية
بس لاتعورين الشركات مالت عليكم ومالت علي افكاركم الزفت هاذا الي قدرتو تسونة
ياجماعه لا يكون بس الشركات الاربع؟ ترى فيفا حاطين ٢ جيجا ليمت وكسرو بالعقد !
هالشركه من ظمن قرار الوزير ؟ نورونا
خفض 25% بس !! .. اتمنى من شباب الحملة بإنهم ما يسكتون على هالقرار وإنهم يستمرون بالحملة .. الخليج وصلوا سرعات عالية واسعارهم رخيصة شمعنى احنا يعني .. لمتى الأسعار غالية ؟
نصيحتي لكم لا توقفون عن مطالباتكم
تابعوا والله يوفقكم
وايد على المواصلات هالمجهود بصراحة تعبوا نفسهم و عصروا الشركات و خذوا منهم كل الي تطالب فيه الناس
يعني اظن الكل مكيف الحين
كملووو الحمله و احنا معاكم
كافي يستخفون بعقولنا وهالقوانين الظالمه!
قاعدين ندفع فلوس احنا مو ابلاش
لازم نعلمهم انه احنا مو اغبيا وما نسكت عن حقوقنا
والله انا اقول صج انه النسبه شي بس على الاقل انه الحملة اثرت عليهم و حسوا انهم الحبايب راح ياكلون هوا ، و شي احسن من لا شي ,,,,,,, تحياتي
ياجماعه يعني إلحين التحميل المحدود خلآص رآح ولآ الشهر المقبل ؟؟
وترآ مآيصير يخلون التحميل محدود خآصتآ شركة قولف نت حدك 1 قيقآ مادري شنو يبون بالضبط عالعموم تفآئلو بالخير تجدوه وان شآء الله مآفي تحميل محدود
اذا الانترنت بيتم علي نفس الطريقه الحاليه فترة اطول انا اول واحد راح ارجع لتلفون نوكيا وبلا انترنت وبلا بطيخ