Q8Ping
مقالات مشابهة
–
httpv://www.youtube.com/watch?v=VRburgCkZAE
–
الله يجزاهم خير .. وعلينا نحن ايضا مساعدة اخوانا المتعففين بالكويت .. فهم كثر وفي حاجتنا
YouTube Link
شاهد أيضاً
شاهد : الشيخ علي ملا مؤذن الحرم المكي يرفع الأذان في مصلى معرض للسيارات !!
https://www.youtube.com/watch?v=nXMh45dPtL4 شاهد : الشيخ علي ملا مؤذن الحرم المكي يرفع الأذان في مصلى معرض للسيارات …
الله يجزاهم الف خير، والله يوسع على هالمساكينولا يحرم المسلمين من بعضهم البعض.
عورت قلبي يوم قالت “يوم اقبلتوا كأني شايفتن ابوي واخواني” .. الله يرحم بحالها وحال المسلمين ويفك ازمتها
http://dc01.arabsh.com/i/00375/r9xafxj0x1ms.gif
لا لا اكيد هذي موب موجوده بالسعوديه
السعوديه مافيها الا 600 فقير ووزارة الشؤون الاجتماعية خلاص حلت مشاكلهم !!!!
ما اقول الا حسبي الله على كل مسؤول قادر انه يعدل اوضاعهم ولم يعمل شئ
واسأل الله ان يرى العذاب والمهانة والمذلة في دنياه قبل آخرته
هذي نقطة من بحوور
وما اقول الا الله يعينك يالعريفي على عقوبات بعض الوزراء والمسؤولين اللي مايخافون الله بعد ماسويت هالتقرير
امنيتي اشتغل جذي لكن للأسف حالتي على قدها وماعندي فايض فلوس عشان اوزعه بنفسي على الفقراء.. والمشكلة ان الجمعيات الخيرية قدمت عليهم وماقبلوني, مادري حسيت كأن لازم اكون اعرف احد منهم
محمد أنا اذكر موضوعك لما رحت بنغلادش.. يا معود قولي انت تشتغل عند منو, انا ابي اشتغل جذي.. دلني على الخير والدال على الخير كفاعله
الله يخلي العريفي وخفه دمه معها
والله ياهي دموعي طاعت وعورت قلبي للاسف انا نشوف ابدولنا هالمساكين صحيح اهم بكل زمان ومكان والله خلقنا طبقات لكن له حكمة لكي يعطف الغني على الفقير ويساعد القوي الضعيف وينال الاحر ويضاعفه العزيز الجبار انا استغرب انه بدال ما كل دوله تحصر هالفقراء ويسوون حمله لجعلهم يعيشون حياه كريمة نسمع بالملايين والمليارات تقدم لاخر البلاد نعم واجب مساعدتهم لكن بعد ان نساعد اهلنا والاقربون ثم ننظر باحوال المسلمين بالخارج مثل ديرتنا الله يحفظها مادري جم دفعت حق اليابان مثلا مو البلاد الاوروبيه الصليبيه اولى تساعدهم وهم غير مسلمين مثلا ومع احترامي لاخوانا المصريين بس يوم جانا رئيس وزرائهم رجع معاه ثلاث مليارات شكو وين راحو شنو تغير بحالهم الفقراء اللي هناك والله في ناس بالديرة بدون وجنسيات ثانيه وكويتيين وخليجيين مو لاقيين الدينار واردى
والحين هذا الفيديو بالسعوديه اهم جم مليون عشرين عندهم نقول مليون تحت خط الفقر لو كل الاغنياء ورجال الاعمال والقادرين سووا حساب بنكي لمساعدتهم مانام واحد مسكين محتاج مريض سيدنا عمر بن الخطاب ماكتن ينام له جفن قبل ان يزور بيوت المسلمين ليتفقد حالهم لانه مسؤول عنهم يوم القيامة وهذا ما امرنا به الحبيب المصطفى بامر من اللع عروجل وعلى مستواناراحنا الافراد اتمنى مثل ما حنا البنات نروح نتسوق وندفع المبلغ ذاك ولا نروح نكتشف المطعم الجديد ولا نقط قطيات للريوق بالدوامات والشباب بعد الكلام لهم لو كل شهر من المعاش كل واحد قط اللي يقدر عليه لو خمسة دنانير وسالنا عن بيت محتاج وعطيناه ولا مريض ولا ولا ولا بغض النظر عن جنسيته النا اجر ونكون سترنا على محتاج وساعدناه
الحمدلله علي كل حال في سيدات فاضلات بالشهر الفضيل وغيرة يسوون أكثر من جذي وأجتهادات فردية ومن حر أموالهم وللخير عدة طرق بس علي الواحد أنه ينوي ويجتهد
وإللي يقول المملكة ما فيها إلا 600 حالة معسرة بكل مكان فيه معسرين وحالات أصعب من جذي مو معناته إنا دول خليجية نفطية معناته الكل مرتاح وشبعان في أسر كثيرة متعففه أقسم بالله أنها بشهر رمضان لو أفطرت هاذي الأسرة ما تعرف شنو تتسحر
نطلب منكم الدعاء أن الله يقدرنا علي فعل الخير ويزرع بقلوبنا الرأفه وحب مساعدة اليتامي والمساكين
اذا في احد يعرف عائله فقيره بالكويت ومحتاجه يبلغنا نبي الخير يالربع وجزاكم الله الف خير
يا شيخ محمد العريفي يشهد الله اني احبك في الله ولكن التصوير غلط في غلط وسبحان الله على طول تذكرت قصه الصديق رضي الله عنه مع العجوز العمياء
الله يهدينا واياك يا شيخ محمد
الله يجزاك خير على هالمقطع ..
والله يامحمد نزلت دمعتي على حالتهم ..
ياخي والله حرام مايصير حالتهم هذي..
والحمدلله والشكر على نعم الله سبحانه علينا ..
وعسى الله يفرج عنهم ويسهل امورهم ..
مادري شقول صراحه .. بس ما اقول الا اللي باستطاعته
انه يتبرع لمثل هذي العوائل المنكوبه ان صح التعبير
فله خير الجزاء عند الله سبحانه .
السلام عليكم ورحمة الله اختكم تعول 7اطفال يتيمة الاب والام اسال الله منكم مساعدتي وجزكم الله الف خير