Q8Ping
مقالات مشابهة
–
–
–
وصلتني دعوة من شركة فيفا للأتصالات .. وهي إحدى الشركات المهتمه بأمر المدونين بالكويت ويعتبر هذا هو الملتقى الثالث للمدونين في أحد قاعات فندق المارينا .. كانت الاجواء مرحه للغايه بوجود مايك مبلتع وإجراء بعض المسابقات .. بكل صراحه تشرفت هذه المره بالذات بالمعرفه عدد كبير من المدونين والحوار معهم .. فـ شكرا لفيفا على هذا الحدث الرائع ..
–
-httpv://www.youtube.com/watch?v=i_9ibWChgqQ
YouTube Link
–
تشرفنا معرفتك =)
الشرف لي والله ياخوي .. وانشالله مو أخر مره لنا لقائات بأذن الله
افا من ورانا رايحين 🙂
عليكم بالف عافية
للأسف محاولات مستمرة من قبل شركات الاتصالات لشراء ذممكم !
مقابل أكل أموالنا بالباطل .. وممارسة كل أنواع الابتزاز !
حال محزن ..
أتمنى إنهم يكونون فشلوا فيها .. أتمنى .. !
اتمنى ياخوي سالم ما تكون جاد في كلامك .. هل تقصد انهم اشترو ذممنا بحفل عشاء وهديه رمزيه للمعايده ؟ .. ام عندك دليل اخر على ما تقول ؟
اذا تقصد الغبقه فهي عاده سنويه .. وما اعتقد ان ذمم المدونين رخيصه لهذه الدرجه يا عزيزي .. وفي مثل هذه الملتقيات نلتقي بالمدراء في تلك الشركات – ونتحاور معهم عن بعض مساوء الشركات في عيون المستهلكين ..
عموما اتمنى ما تكون جاد في كلامك
محشوم قدرك اخوي محمد ..
مجرد تخوّف !
لكن “بصراحة” الدعوات هذي ما تخلي بعض المدونيين يتحرجون من انتقاد شركات الانترنت والاتصالات بشكل عام ؟ كخدمات وأسعار ؟ خصوصاً إذا تكونت علاقات شخصية بين المدون والشركات ؟ المنطق يقول : إي!
قبل فترة بسيطة حضرتك حطيتك اسعار النت بالكويت ودول الخليج !
ليتك ما حيطتها .. تنرفزنا عل فاضي 🙂
انا عن نفسي ما كنت ادري ان الفرق لي هالدرجة كبييير @@ !! بوووووووووووووووووق! ولا حياة لمن تنادي
أتمنى انك ما تزعل من كلامي ..
ما اقصدك انت والله .. السموحة اذا ضايقتك
يالعكس والله ياخوي سالم .. انتقادك او تساؤلك كان بأسلوب مهذب .. انا هاليومين صايره توصلني رسائل بهالموضوع بقمه التشكيك في الذمم والدنائه …
اخوي سالم بعض الخدمات والشركات بالكويت بطرو حييل حييل على المستهلك .. والعتب اولا واخيرا على وزارة المواصلات تترك الحبل على الغارب .. المحزن أكثر ان حل كل هذه المشاكل يكون عن طريق تأسيس هيئه الاتصالات بالكويت .. الي موجوده في كل دول العالم ماعدى الكويت وكوبا .. لكن حسب ما وصف لي أحد النواب في احد النقاشات (احمد السعدون) ان الحكومة هي المتعمده في تأخير تأسيس مثل هذه الهيئه .. مع العلم ان القانون جاهز في لجنه المرافق العامة بمجلس الامة …
تحياتي لك اخوي سالم ..
ضحكتني ياخوي حسيت ان المدونيين يبوقون من فلوس و يعطونها حق شركات الاتصالات الله يهديك بس يعني لو يت شركة اتصالات لدوامك وعزموا الموظفين بكل قسمك على غبقه ولا ايرشي ولا وزعوا هدايا شنو ماكانت بيكون عيب او حرام !!!?
كلامك فيه تجني وظلم بعدين ما في احد بالدنيا كلها يق در يجبر احد على اي شي مهما كانا بسيطة انا ما ادافع عن المدونيين لني متابعه وقارئه لهم فقط وترا لو شنو مامدح مدون شركة او شي انا من كيفي اقرر ابي هالشي او لا والشركات اللي اتكلموعنها منو يجبرك عليهم وتخليهم يبقونك عقولتك خو تحكم بمصروفاتك واستخداماتك للاتصال فشلون ساعتها بيبوقونك؟!!!!!
عساك على القوة يا اخوي
واايد حبيت الفيديوووووووووووووووووووووووووووووو
طريقة الحووااااااااااار مو صج مو صج كل شوي اعييدة
اما بوفلان يا حليلة
عساكم على القوة ياربي
وما قصرت
كان ودي اكون بينكم بس الظروف اقوى
محمد ضيف المقطع الصوتي مع الموضوع اوضح
http://www.4shared.com/audio/I4N5fMHw/1_Audio_Track-mp3.html
تحياتي
صج اسعدتنا بشوفتك اخوي محمد 🙂