Q8Ping
مقالات مشابهة
–
–
–
–
بعد 32 سنه وبعد تصنيع أكثر من 10 مليون سيارة كراون فيكتوريا منذ عام 1979 قررت شركة فورد من وقف تصنيعها وسيكون موديل 2011 هو الاخير وكان القرار منذ اكثر من 6 شهور لكن بسبب زيادة الطلب عليها من وكلاء الشرق الاوسط تحديدا (الكويت+السعودية) قامو بتمديد المده حتى يوم الخميس الماضي 15-9-2011 كان المصنع قد قام بتصنيع أخر سيارة كراون فيكتوريا ليتم شحنها إلي السعودية .. وبهذا ستكون انتهت اسطورة فورد التي تعودنا على رؤيتها في شوارعنا بالكويت وفي شوارع أمريكا .. بالنسبه للشرطه الامريكية قد تم اخذ احتياطي من قطع الغيار ليكفي اسطولها .. وسيتم إستخدام فورد توريس كـ دوريات شرطة جديدة ..
–
وإليكم فيديو لـ تصنيع اخر سيارة كراون فيكتوريا وتوديع الموظفين لها بكل حميميه ..
httpv://www.youtube.com/watch?v=hpsuDRLjpGs
–
YouTube Link
أوفففففف.. يا كره اللي يصوّر بالآيفون بالطول, ينرفزوني.. بس زعلت ماني مكمل الفيديو لول
هههه كلامك على الجرح والله .. كذلك انا ما احب الي يصور بهذي الطريقه خصوصا الفيدير ..
باجر بتشوف اهل الكراون فكتوريا يبادلون سياراتهم مع آيفون 🙂
سياره معفنه علي شنو تحبها الناس ماني عارف.
سعرها
ما ادري احس حتى سعرها غالي الى حدٍ ما
لكنها راااااحه عجيبه
مع اني ما املك فورد لكن اغلب الاقارب معهم
شغل السياره وانسى انك جالس فيها اساسا
خصوصاً مع شوارعنا اللي ماتلقى فيها ولا حفره بتاتاً البتّه لا اله الا الله !
مع ذلك بتلقى السياره مريحه وتمشي معك مثل العسل وتعيش عمر طوييييييل [للي يحافظ عليها]
يابوسالم عطنا سلاح
يعني توهقت بالفورد هههه منو يشتري
بالعكس .. جميل يكون عندك سيارة ماراح ينزل منها جديد .. 😉 يعني بهوّن عليك
اااه مش ممكن , أني أحببتها لأني امتلك واحدة مثلها ، يا خساره .
سيارة ممتازة ما يعرف قيمتها الا الي استخدمها
اتوقع سعر المستعمل راح يرتفع شوي
دليل نجاحها ان شكلها ماتغير اكثر من عشر سنوات
اتوقع ايضا ترد بعد كم سنة بتعديلات اكبر خصوصا ان سيارات فورد الصالون اشكالها ما تبلع
سيارة رائعة
يقولون وقفوا بيعها لتكدس قطع الغيار بالمخازن، صحيحة هالإشاعة؟
جارنا عنده ثلاث غرامه فورد راح يزعل على للخبر
والله لن يمر على تآريخ البشرية سيارة تعلق فيها الناس مثل الكراون فكتوريا
والله لا أتخيل شوارع المملكة بدونها هي الملكه في شوارع الرياض هي الملكه وقت البيع ، في معارض السيارت المستعمله المستورده في الشفا في الرياض تحتل مانسبته 95% من المعروض تجد الكراون تتصدر في واجهة أي معرض في معارض الشفا
وتجدها تباع بسرعه تجي للمعرض تلقى مجموعه من الكراون تجيه بعد شهر وشوي تلقى المجموعه غير موجوده و جايبين سيارات ثانيه بعد مامشت الي قبل
سيارة المواطن السعودي بلا منافس ، المفروض يشيلون السيفين والنخله بشعار السعودية ويحطون وجهية الكراون ، انا شخصيا امتلك واحده من موديل 2009 لون ذهبي او مايسمونه حجري او ليموني والان افكر جديا اني اشتري 2011 فل كامل لون أسود أو عنابي ..
لكن استغرب من هالشركة ليه تقفل المصنع اذا سوقها ماشي في منطقة مثل الخليج المفروض تغلق عن الاسواق الثانيه وتصير تصدر للخليج فقط
وختاماً .. الفديو حزين وكدت أبكي أو بالأصح ذرفت دمعتين مع الموسيقى اللعينه الحزينه
بكل صراحه خنقتني العبره وانا اشاهد هذا الفيديو فعلا سياره تم توقيف تصنيعها ولكنها لن ننسى فورد كراون فكتوريا جمعت مابين الشكل الرسمي السعر المعقول القدره ع التحمل وقلة الاعطال وهي السياره الوحيده بالعالم يشتريها الغني ويشتريها الفقير بالاضافه انها السياره الوحيده اللتي تم الاعتماد عليها بالإجماع لتحمل اعمال رجال الشرطه كنت اتنمى ان ارى لها شكل جديد ولكن شاءة الاقدار بأن يقف تصنيعها وتبقى اسطوره لن تنسى
والشئ الاكثر اهميه في السياره اضافه الى الراحه فيها واللي ماتلقاها الا بالسيارات الغااالية < وركزوا على الـ ااا انها سيارة للجميع للشباب وللعوائل وللشياب يعني اللي يشتريها بوقت شبابه ماراح يشيل هم ان السياره ضيقه اذا تزوج وجاه ولدين ولا ثلاثه الصراحه ايقافها غريب جداً !
حرااااااااااااااام والله انه سياره روعه وسعرها فيها
ومثل ماقال اخوي محد يعرف قيمتها الا اللي عنده اياها
والله السياره قويه بمعنى الكلمه وتكد كد
وتعمر معااك
ويعطيك العافيه اخوي عالصور ^.^
انا مادري ليش تدمع عيني من لحظات الفراق والوداع.. مع اني ما عشت تجربه وداع او سوالف الخرابيط والعلاقات مع البنات والفراق وجذي.. يعني الحين هذي سيارة حديد واصلا عمري ما استعملتها.. شكو تدمع عيني ؟!!!!
للعلم السياره ذهبت للسعوديه
صحيح
بصراحه تكد كد ما مثلها سياره
وقصد عنها الشاعر محمد بن الذيب في قطر :
والفورد في بعض الطواريق سكاتي …
ما يتعبه هامات الدروبي …
بصراحه تكد كد ما مثلها سياره واعترف عندي منها كراون فكتوريا موديل ١٩٩٧ و ٢٠٠٦ و ٢٠١١ (حدي مجرم) كلهم نظيفه وعلى ايدي من الوكاله يالله لك الحمد استعمالي الشخصي وعندي ولدي السنه الجايه بيسوق وبعطيه ٩٧ عشان يتعلم عليها وبعدها اخذه موتر جديد من الوكاله
وقيل قصيده عنها الشاعر محمد بن الذيب في قطر لما قال
والفورد في بعض الطواريق سكاتي
ما يتعبه هامات الشقاوي
الحمدلله الفال حق التشارجر والافلانش والسلفرادو احجامهم مسببة ازمة بالشوارع والمواقف
خساااره انا موظف جديد وقرارت اشتري كراون وكنت ناوي على 2012 , بس طلع الخبر السيى هذا
لاكن ابي اخذ 2011 الاسبوع الجاي سياااره ما تنفوووت واتمنى تكون اخر سياره اطيح فيها
هههههههه
الله المستعان
بيقوم عزك يالاوريون والكامري وباقي السيارات اللي مكونه من كراتين مو من حديد
احس تويوتا بتسوي احتفال وااااقفه بحلوقهم هالسيارة وخصوصا بعد ماوصلت الكامري 90 لف
واربعه سلندر!!!! على ايش الغلا ما ادري على شانها 6 سيديات بس ؟؟؟
بصراحة الفكتوريا لو مايجيك منه الا قطع غيارة رخيييص ويمكن تحصله في البقالة خخخخخ
اجل طقم البواجي للفورد 8 حبات 72 ريـال وكااالة والاوريون طقم 6 حبات 378 ريـال سلااااااامااااات ياعبداللطيف الشين ؟؟؟؟