Q8Ping
مقالات مشابهة
–
–
في اواخر الشهر الماضي قمت بطلب شحنة من بريطانيا وكانت قد وصلت إلي اراميكس في تاريخ 1/11 أي قبل حوالي 14 يوم وحتى الان الشحنه في عهده اراميكس وموجودة بالكويت لكن عند اتصالي او مراسلتي لموظفين الشركة يكون الرد بأن الشحنه لم تفرج عنها الجمارك وفي الوقت ذاته راسلني احد موظفين الجمارك المختصين على حسابي في تويتر بأن شركة اراميكس لديها كميات من الشحنات لم تأتي لتفرج عنها حتى الان .. والمحزن أن شركة اراميكس قامت مؤخراً بزيادة اسعارها على مرحلتين وقالت أن أحد هذه الزيادة بسبب “التخليص الجمركي” والأخرى بسبب طوابع الجمارك .
–
أعلم ان هناك شركات أخرى تقوم بنفس أداء خدمة شوب أند شيب من شركة اراميكس لكن لا اعلم لماذا انا متمسك بأراميكس .. سأقوم بتجربه أحد تلك الشركات في الطلب القادم وسأحاول ان اكتب لكم تجربتي وانطباعي عن الشركة .
–
–
–
طبعا راح يقولون عطله العيد ومادري شنو الي يسمع يقول ان الجمارك يعطلون
الجمارك دوامهم حتى اول يوم العيد
اراميكس صارو يخورونها يابوجاسم
في شركات وايد غير اراميكس DHL يبيله نسأل عن اسعارهم لان اراميكس صار زحمه عليه ولي الحين عندهم بالأستقبال 4 موظفين بس
أرامكس نصابين .. كنت طالب شحنتين نفس الشي بس كل وحدة شكل غير .. حسبوا لي على وحدة 12 دينار والثانية 6 دنانير .. مع ان اثنينهم نفس الشي وما يفرقون عن بعض غير الشكل
انا طلبت 4 ايفونات.. واحد خذوا مني 8 دنانير وواحد 5 دنانير وواحد 6 ونص وواحد 9 دنانير !!
قسما بالله ان كلهم ايفون وكلهم لونهم ابيض وكلهم 16 جيجا.. يعني ماكو فرق نهائيا.. لو واحد منهم 32 جيجا اقدر اقص على نفسي واقول انه اثقل, لكنهم نفس الشي بالضبط.. ليش فرق بالأسعار جذي
اذكر اول ما اشتركت معاهم كان سعرهم حيل حلو
الحين كل شهرين يزيدون علينا وترا اذا الطلب اكثر من ميه دولار ياخذون فلوس زيادة غير سعر الوزن والجمارك
يبيله نحول لشركة ثانية
انا شحنتي من تاريخ ٢٥/١٠/٢٠١١ الى لحظة كتابة هذا الرد معلقة في الجمارك !! احسبها كم يوم انت
الله المستعان
عندي شحنه من 19/10 ولحد الآن لم تصل .
شباب نصيحه على قوله المثل اللي يقول خلك على مينونك لا اييك اين منه
بالنسبه للي يقول صاروا غالين تراهم ارخص الشركات اذا مو نفس الاسعار تماما
ثاني شغله انا اعرف ناس استخدمت شركات ثانيه و رديت على ارامكس !!
اللي يقول صارت زحمه طيب على الاقل شحنات ارامكس تاخذ مكان بالطيارة
و مابالك بالدي اتش ال اللي يمتلكون طياره و كل اللي فيها شحنات برايك منو بيخلص
شحناته قبل الثاني لول
سالفه ارتفاع الاسعار هذه يت من قبل الجمرك الكويتي التخليص مع الطوابع يعني مو بكيف ارامكس
والاسعار نفسها هيا هيا اللي قبل صدقوني ما امدح فيهم و لكنهم افضل الموجود من ضمن قائمه الشركات السيئة
في الكويت و اصلا بريد الكويت اللي هي البلد نفسه الله بالخير شنو تترجى من هالشركات غير الاستغلاليه للوضع
نصيحه اذا طلباتكم رخيقه و قيمتها مو وايد و مو مستعجلين او بحاجتها بسرعه استخدموا بريد الكويت صج سلحفاه
بس مرات على المزاج توصل بسرعه خصوصا شحنات الصين انا دايم استخدم بريد الكويت حطوا عنوان بيتكم
مرفق برقم التلفون الخاص الموبايل – و لا تعطونهم رقم صندوق البريد !!
من امريكا اوروبا اذا الشغله اللي اشتريتوها سعرها مو غالي ولكن فيها وزن هم استخدموا بريد الكويت
في الاي باي مرات مافي انترناشيونال شبنق هني فقط تستخدم بريد امريكا و اذا البايع باروبا تستخدم بريد بريطانيا
يعني صندون بريدك الصيني اللي بارامكس منت بحاجه تستخدمه !!
الشغله بالتقدير مو تشتري شي بعشره دنانير و تروح تدزه ببريد ارامكس تدفع قيمته بس شحن فكر قبل لا تحدد اي بريد تستخدم
فقط المشتريات اللي تكون صغيره مثلا او غاليه الثمن اقوم بالاتفاق مع البائع لشحنها للكويت عن طريق فيدكس او دي اتش ال دايركت
ويكون البريد مؤمن و توقيع عند الاستلام Insured & Signed when received
فيه تراكنج رقم التتبع موجود و تشوف شسالفه الشحنه و مكانها من طلعت ليما توصل باب بيتكم
وقواكم الله
تلقى بعد شوي يعلق ولد الخالد ماسك مكتب جوده الخدمه لدى ارامكس : والله مو من من الجمارك ……….
اي جايفنا ثول وانا مادري حجي ارامكس انغروا مثل ما انغر راعي مطعم كوردو اثنينتهم زايدين الاسعار وعمار ياكويت
نفس الحالة والله ..
شحنتي من قبل العيد باسبوع محجوزة بالجمارك
المشكله منا معطينهم ويه و اذا في شركات ثانية يالله بحول معاكم زهقت من سوالفهم اللي ما يخلص كل مره شي يديد
السلام عليكم ورحمه الله وبركاته
انا اعاني معاكم من هالشركه الدايخه واي شخص تاخر توصيل طلبه عن ٥ ايام عمل يحق له الشكوي بموجب العقد الي بينكم وبينهم بكلام الموظف هناك
الي عنده خبر علي شركات ثانيه يبلغنا
متابع لكم
وازيدك من الشعر بيت انا طالب شحنتين والشحنه الاولي دشت الجمارك تاريخ 10/11/2011 وخرجت للعارضيه للاستلام تاريخ 13/11/2011
لا يقولك ضغط وهالسوالف وتبي اصور لك الريكورد وادزه لك بصوره لانه جد باطه جبدي هالشركه
ارميكس .. الله يعين فلا نفس مشكلتك صارلي 15 يوم لحد الحين بالشحن الجوي
انا استطيع ان اضع لكم تجربتي مع شركات اخرى
وعلا فكره ارمكس حييييل موثقه .. يعني انا مدخل شغله تعتبر قطع غيار مستعمله تصدقون ان الجمارك صادرتها بسبب ان موظف الجمارك لما بنفسي راجعته قال بالحرف الواحد غير شركة الشحن لان موظفينها فتانيين على اغراض الناس ويقول هو ماعنده مشكله ولكن المشكله بان موظف ارمكس يكتب بالتخليص كلام غير عن الموجود بالصندوق وبعدها تقوم الجمارك بمصادره بنا على معلومه غلط .. اقولها لكم شركة فاشله بالامانه
اما تجربتي مع شركة تي ان تي التابعة لشركة الكاظمي للشحن . بصراحة سيرفس سريع ودايركت من امريكا الى محطه بلجيكا علا طول للكويت ولكن اسعاااارهم نااار ولكن شغلهم مضمون وعليه تامين ومكانهم بالمنطقه الحره الشويخ
الشركة فدكس بصراحه عجيييييييييييييبه ولكن عيبهم الوحيد اسعارهم ضعف ضعف شركات ثانيه .
شركة دي اتش ال اكسبرس .. شايفين نفسهم حيييييل وشغلهم علا الراحه يخلص عاجبك عاجبك مو عاجبك روح لشركات ثانيه …
انا اقول خلك علا مجنونك لا يجيك اجن منه هههههههه
يا شبحان الله.. والله العظيم نفس شحنتي بالضبط بنفس التواريخ بالضبط.. وصلت 1/11 ولي الحين مادزوهم لي.. ناطر على نار
الـDHL غالية حيل سعرهم مبالغ فيه لكن يوصلولك الشغلة خلال يومين فقط.. بس سعرهم حيل غالي
اذكر اخوي بسويسرا ضاعت الفيزا مالته وكان حاط فيها كل فلوسه. اتصل على البنك وعطاهم اسمي وطلع بدل فاقد بنفس اليوم ورحت انا استلمتها.. كان ماعنده فلوس ومحتاجها حيل, قلت ماكو الا DHL اهي اسرع وحده.. رحت لهم بس دزيت كرت فيزا ماله وزن مجرد بطاقة سحب, خذوا مني 55 دينار
انا ما اقولكم السعر رخيص ولا أقدر اقول انه غالي لأن خدمتهم فعلا انقذت اخوي حيل, خلال يوم واحد الفيزا عنده.. شي حلو وتستاهل نذفع لها 100 دينار بعد
لكن القصد اذا ييت تبي تطل تلفون او كمبيوتر, ما تسوى تدفع زيادة 100 دينار بس عشان ييلك اسرع
طبعا كرت السحب بـ55 دينار فما بالك بشي له وزن
لا يحووشك .. انا عندي من اراميكس بس خايف اطلب منهم ويعلقونها ؟! بشنو تنصحوني
يا اخوان يمكنكم الحصول على عنوان امريكي و بريطاني ع ال دي اتش ال عن طريق هالموقع مجانا
borderlinx.com
انا جربتهم اسعارهم مماثلة لاسعار ارامكس … و الزيادة الاخيرة اللي تدعي ارامكس انها للجمارك ما فرضتها الدي اتش ال نهائيا !!
لكن احقاقا للحق …
ما واجهتني اي مشاكل او تعطيل مع ارامكس .. و التأخير الحاصل على شحنة اخي محمد غريب جدا جدا
البورد لينكس تحسب الشحن على الوزن الحجمي مو الفعلي ,, يعني للأشياء الكبيرة السعر بيكون أغلى من ارامكس
و الشي الثاني و هو الاهم انهم يدفعونك فلوس اضافية (حجز أرضية في الجمارك , ختم وزارة لاصناعة و التجارة , تأمين بنك ) و بالراحة تدفع 15 دينار زيادة !!
Be careful
للافادة بس … اللي يقولون ان الدي اتش ال اغلى .. طلبيتي اللي ع الدي اتش ال كان وزنها باوند واحد .. و كلفني شحنها مع الجمرك ٤.٢٥٠ دك فقط لا غير .. يعني ارخص من ارامكس
ثانيا .. دي اتش ال تدعم تجميع شحناتك .. فيما ارامكس ترسل كل شحنة على حدة و الحسابة بتحسب !!
يعني دي اتش ال اوفر بالنسبة للشحنات المتعددة لامكانية تجميعها !!
مع التأكيد اني لم اواجه اي مشاكل مع ارامكس حتى الان ..
والله اخوي؟ باوند واحد بس 4 و ربع؟ انزين اذا ابي اطلب اربع العاب بلاي ستيشن او اربع افلام dvd (بما ان الأثنين تقريبا بنفس الحجم) تشم اتهقه يطلع علي؟ يعني اكيد يا 5 دنانير او اقل, عدل؟
أخوي ماعليك امر شوفلنا شركة افضل و اكتب لنا موضوع عنها لأن حتى انا نفس حالتك انا سامعه عن شركة يديده فاتحه بس للاسف مايحضرني الاسم و اللي عرفته انها جيده و اسعارها ارخص موجوده على ما اعتقد بصباح السالم عند مركز الطالب
نصيحتي اللي يبي يجرب أحسن شركة شحن وأسعاره يشمل تأمين ووزن وسرعة هي شركة تابعة لحكومة أمريكية USPS وأنتم تختارون حجم الصندوق وعندي شباب جربوا وكانت تجربتهم ناجحة وأنصح الجميع بإتشراك هذه الشركة وهذي عنوان الموقع USPS.com
ليش هم عندهم فرع بالكويت؟ اذا اي مايخالف اتقولي وين؟ مشكور. انا والله بخاطري اطلبلي تشم شريط بلاي ستيشن بدال الأسعار الغالية الي عندنا, بس اراميكس اسعارهم شوي غالية و كل مالي اسمع ان خدمتهم تسؤ اكثر واكثر (وانا نفسي عميل لهم من ايام فرعهم القديم وحاشني “طشار” منهم)
عندي سؤال و ودي أحد يجاوب عليه
شكثر ياخذون أراميكس حق شحن الايفون من بريطاني لي الكويت ، أبي السعر الكلي مع الجمارك و الأسعار الي زايدينها من عندهم
و هل السعر راح يكون نفسه إذا الايفون من أمريكا و بعد شكثر تاخذ الشحنة على ما توصل من بريطانيا و أمريكا
أرجو الرد من أحد الأخوة المجربين بأسرع وقت ممكن
انا شحنتي من تاريخ 6/11 و امس كنت عندهم علشان شي ثاني و لما خلصت سالتهم عن الشحنه الي اهي عباره عن ايفون قالي الموظف انهم مستلمين امس مايقارب 100 ايفون من الجمارك لكن من المحتمل ان طلبيتي مومعاهم صراحه صدمنى العدد المهول من الطلبات على الايفون و مادرى اذا كان الموظف من صجه ولا يصروخ.. عالعموم يبيلنا نظغط على شركة ارامكس الي صايره فاشله مؤخراً..
والله يا محمد الحال من بعضه … من تاريخ 21/10/2011 وانا ناطر ونفس العذر السخيف …. وانا قاعد اكتب هالتعليق تعطفوا وابعثوا SMS يقولون فيها انهم بيوصلون الشحنة اليوم … ناطرين تجربتك على أمل نفتك من أرامكس وحركاتها السخيفة .. DVD بـ 12 دينار توصيله 5.150 دنانير شنو هذا ؟!!!!!
واللي يقولك واحد من الربع بغوا يدفعونه اكثر من 50% من سعر الشحنه على بوجمرك وخرابيط وبالآخر طلع موظف الجمارك العبقري مايفرق بين الدولار والدينار وحاسب النسبه (5%) بالدينار من سعر الفاتوره اللي بالدولار.
السالفه بانت بوق عيني عينك سواء من الشركات أو الجمارك. شركات البريد السريع تبي توفر فلوس ارضية المطار والمخازن على حساب المستلمين ! وهذا شئ عمره ماصار بدول العالم واذا درت عنه الشركات بره بيسحبون توكيلهم لان الوكيل مثل مايبوقنا قاعد يبوقهم ويشوه سمعتهم.
تم الاستلام اليوم بعد انتظار طوووووووووويل
حبيت ابشركم بعد عناء واسطات بالجمارك وصلت كاميرتي بعد لوعه جبد
وما وصلت الا بفضل الله وصديق بالجمارك ومن كلامه يقول المسئله مسأله
اهمال من الشركه في تخليص المعاملات والله يعينكم
أنا شحنتي صار لها اسبوعين بالجمارك
رحت حق اراميكس و قالو لي ان التأخير مو من عندهم
وقلت لهم شالحل ؟!
فالو لي انطر !
ما تعرفون طريقه نقدر انسرع فيها العمليه ؟؟
انا عندي صندوق بريد مع شركة ارامكس
الحين قاموا يعطون ١٢ صندوق بريد بكذا دولة
طلبت حبوب شعر و حبوب كولاجين نفس الكميه و الوزن و كل وحده سعرها طلع غير و كل وحده وصلت بروح الكويت معنه بنفس اليوم وصلو صندوقي البريد مال امريكا ، ابي احسن شركة بريد امريكي و بريد بريطاني اسعارها معقولة حتى لو اطول ١٥ يوم او ٢٠ لان مفكره اسوي بنزنس فراح اطلب كميات كبيرة من امريكا و بريطانيا و من اكثر من شركة !! ف يا ليت تساعدوني و شكرا