Q8Ping
مقالات مشابهة
قبل قليل تم افتتاح معرض انفو كونيكت بحضور وزير المواصلات .. المعرض الذي استبشر الجميع به خير ليشاهد العروض .. لكن يبدو ان الشركات المزودة للأنترنت بالكويت الاربع (فاست تيلكو + غلف نت + كيمز + كوالتي) قد اتفقت على توحيد الاسعار كما هي دون اي تخفيض .. ومن والواضح ان الاسعار متشابهه بالضبط بين الشركات الاربع .. قمت بعمل جدول لأسعار الانترنت بحسب السرعات والشركات.
المعرض ليس فقط لشركات الانترنت .. هناك العديد من الشركات الاخرى المشاركة مثل شركات الاتصالات و شوتايم وغيرة من الشركات المزودة للخدمات .. سأحاول تغطية المزيد في وقت لاحق ..
شغل عصابات الرحاب ما يوزون منه هالشركات :/
من متى كمز عندهم فوق ٤ ، يتهم فترة اعلى سرعة ٤ بس
مرة اخرى يثبت السوق الكويتي عدم جدواه الاقتصادية , لو كان هناك فائدة لأصبح هناك تنافس , لكن الكل رضي بحصته من السوق !
يعطيك العافية على التغطية السريعة , وللأسف تمنيت أن زين تنزل خدمتها الجديد LTE
وخذ هذي من مصدر خاص : أقل سرعة تحصلها في الخدمة الجديدة 10 ميجا
وفي أوقات اللي مافيها زحمة مثلا نص الأسبوع الصبح ممكن تصل السرعة إلى 40 ميجا أو أكثر !!!! خصوصا بداية نزول الخدمة وعدم وجود زبائن ….
وصلتني اخبار عنها في شركات الاتصالات .. ولكن غير مدعومة حاليا الا في المناطق الساحلية .. والسعر (مبالغ فيه جدا ً جداً)
تسلم بو جاسم .. وإن شاء الله راح أيضا 🙂
ماعندي معلومة عن السعر , والله يستر إذا غالي بطالعه من بعيد وامني القلب فيه
Nothing is different, infoconnect is now just like any other fair during the year.
واضح من الاسعار أن هناك اتفاق رباعي بينهم والاختلاف في الهدايا اللي يوزعونها
عموما يعطيك الف عافية على التغطية ونقل الاسعار
شكرا لك
كالعاده روح المنافس تغيب بين الشركات المزوده لخدمات الإنترنت، واضح جداً مثل ما قلت الإتفاق بين الأسعار ،، لكن الي يفرق بينهم الخدمه والمعامله..
شكراً لك عالتغطيه.. ويعطيك العافيه
المعرض عادي ماكو شيء جديد نفس البضاعه و نفس الاسعار. نص ساعه و مشيت. الشركات تشوف ان هذي فرصه للتخلص من بضاعه و ما يفكرون بالتطوير.
العرض هذه السنه ليس على الأسعار
لمن يبقى ان نذكر ان الشركه الوحيده التي تقسط المبلغ على دفعات شهريه هي كوليتي نت
لأن غلف نت وكيمز سعر الاشتراك الشهري يختلف كلياً عن السنوي
مثل الـ 4 ميغا بغلف نت سنوياً 218 دينار
بينما شهرياً 32 دينار !!
وفي كواليتي السنه 218 دينار والشهري 18 دينار
لكنهم يتعاملون فقط مع كي نت البنك الوطني , أو فيزا او ماستر كارد لأي بنك ( ليس فيزا الكترون ! )
ويبقى ان نذكر ان فاست تلكو تتعامل بالدفع السنوي فقط
ياليت تعرضون الافضل بين الاربعة
في الخدمات
ومابعد البيع
وفي الهدايا
وتعلموننا ماهي هذه الهدايا
اللي ماشفنا منها شي
اخوي قالها سعود صاهود الكويت كيكه ما ياكل منها الا عدد معين من التجار ولو تركز شوي باصحاب هالشركات راح تلاقي انهم ربع بالاصل يعني مافيا بالدول الثانيه عداوه بينهم لكسب المستهلك بالكويت لا صداقه بينهم لنهب المستهلك والله يعينا ويفكنا من هالنوع من التجار الحراميه
الاسعار مبالغ فيها ومتفقين بينهم التجار
واعتقد ما تغير شي وما فيه منافسه ملموسه
مشكور على التغطية
لا طبنا ولا غدا الشر عصااااابه همهم جمع الفلوس والا الخدمات بالطقاااق
المعارض عندنا في إنحدار مستمر ..أخ بس علي معرض جايتكس في دبي حدث يستقطب السياح والمهتمين في كل انحاء العالم لعروضه الضخمه ومفاجئاته ..اما نحن فنقيم المعارض بس من اجل إقامتها لا أكثر توبه إني أروح معرض إتصالات مره ثانيه عندنا
مثل ما قالو الجماعة ، إتفاق وماكو منافسة ، يعطيك العافية على التغطية السريعه ماشالله عليك 🙂
المعرض عادي جدا جدا
خل يسمونه معرض الهواتف
ما شفنا شركات كبيره تعرض اجهزه او تقنيه يديده نفس المعارض الثانيه
والاسعار نفس الايام العاديه
والكمبيوترات غير موجوده في المعرض الا بشكل قليل جدا
المعرض بس يجمع لك حرامية حولي بمكان واحد , لا اكثر ولا اقل .. ولا تهقى ابدا انك بتغلبهم
انا مشكلتنا بالكويت لو نشوف الخطأ بس نتحلطم و نتذمر ما نسوي اي شي
من جذيه مخلين التجار يسرحون و يمرحون على كيفهم وين وقفتكم يالمدونين
مثل ما لعبتوا بحسبتهم امام الكبح يالله انتوا صوتنا اللي يمثلنا ابدوا بشن الحملات
ضدهم شنو ناطرين تبون دعم مادي ولا معنوي انا معاكم بس خلونا نتحرك !!!!
حراااام والله
يا جماعة والله هذا غش بأمريكا إتفاق الشركات بينها و بين بعض ضد المستهلك (مثل توحيد الأسعار) يعتبر فعل مجرم. سألوا أي إقتصادي درس في أمريكا.
خسارة بوقت الانتخابات يصير هالشي للأسف فعلاً
المشكله ان سعر ٨ميجا بالسايت مال كوالتي ٣٢٣ أرخص من المعرض….
حاول تتأكد عزيزي ّّ!!!
هذي الأسعار بالموقع لكوالتي نت شوف الفرق بينها وبين الأسعار الي بالصورة للشركه http://www.myqstore.com/qnetstore/store/products.aspx
الاسعار هي نفسها قبل المعرض لا جديد
نفس ما قالوا الاخوان الفرق بالخدمة و التغطية
شىء كان متوقع المفروض خاصة للي حضر معرض السنة الي طافت
لا حول ولا قوة الا بالله
المعرض يشمل كاميرات؟
اذا كنت تسأل عن كامرات المراقبه .. نعم .. وجدت اكثر من شركة بهذا الاختصاص ..
لازم نكسر احتكارهم بفتح باب ترخيص لشركات اجنبيه عالميه علشان تكسر عظمهم , تكفى يا وزير المواصلات افتح الباب لشركات الانترنت العالميه .
التجار فجار
بصراحه اشكره كله نصب واحتيال دول الثانيه ارخص واسرع وغير مقيد مفتوح اما عندنا جنك قاعد تطر منهم اول يومين سريع علشان يوريك انها شركه اوكي والباجي ايام بطيء ويعلق …. كل هذا يكون الضحيه المستهلك ..فكروا قبل ما تشترون مو تشتروم وبعدين تفكرون وتحسفون .
تشترون***