Q8Ping
مقالات مشابهة
الهيئة الخيرية الاسلامية العالمية في الكويت تطلق حملة تبرعات منذ ايام لإغاثه الشعب السوري المتضرر .. طريقة التبرع سهله جداً وبأمكانك الان التبرع بدينار واحد .. ونشر تلك الارقام لأصدقائك واسرتك لتأخذ اجرك واجرهم جميعاً ..
رسالة النصية محتواها رقم واحد (1) للأرقام التالية
Zain : 99997
Viva : 55015
Wataniya :1922
وهناك حملة اخرى دشنتها جمعية الاصلاح لأرسال قوافل لسوريا بها مواد غذائية وطبية .. والتبرع ايضا من خلال الكي نت وموقعهم الإلكتروني – اضغط هنا – علماً ان خطوات التبرع سهله جداً
وبدوري انا انصح كل قراء هذا الموضوع نشر ارقام التبرع او رابط التبرع بالكي نت او رابط التدوينة بالكامل في أي وسيلة سواء تويتر او واتساب او فيسبوك .. لتصل إلي اكبر عدد ممكن وأسأل الله ان يكتب للجميع الاجر ..
خدمة انسانية لاخواننا السوريين عسى الله ينصرهم … تم التبرع
الله يجزاك خيرر
عساهم على هل الحال واردا
جزاك الله خير يا محمد على النشر
واتمنى من الجميع ان يقوم بنشر الصفحة عبر المواقع الاجتماعيه … فالدال على الخير كفاعله
ما انصح بالتبرع.. وأرجو من الجميع عدم التبرع (يرجى القراءة قبل الحكم على كلامي)
بتكلم بالعامية من الحرقة الي بقلبي
يا شباب, رجال الدين وايد, اللجات الخيرية وايد.. مكاتب بيت الزكاة وايد.. لجنة العثمان بكل منطقة تقريبا.. ليش تخلونهم وتتبرعون حق شركات نصابة وحرامية ؟!!
بقولكم شغله, أنت متى تكون مرتاح نفسيا, لما تعطي فلوسك حق رجل ملتزم ومتدين ويخاف ربه, ولا لما تعطي فلوسك حق شركة موظفاتها يلبسون فوق الركبة وشعرهم أشقر وما يوظفون إلا البنات الحلوين ؟!
أنت تدري إن نص الفلوس الي تتبرع فيها تاخذها الشركة لنفسها ؟ لأنهم ملتزمين بالقرآن بالآية إلي ذكرت الفئات إلي تستحق الزكاة والصدقات ومن بينها (القائمين عليها).. يعني الي يجمعون الزكاة لهم الحق بأخذ المال من هذه الزكاة
يعني لو تتبرع بدينار, لا تستبعد إن الشركة تاخذ 900 فلس وتتبرع بـ100 فلس بس, لأن حسب كلامهم إنهم ما خالفوا الشرع وهذا الي مذكور بالقرآن
أنا أنصح الكل إنهم يتبرعون للجات الخير لأن كل العاملين بلجان الخير متطوعين وما ياخذون أي فلس ويوصلون صدقتك بالكامل إن شاء الله. أما شركات الاتصال ما شبعوا من سرقة الشعب والكذب بمسألة الفواتير المتأخرة ووصلت فيهم الحين إنهم يستعطفون الناس وياخذون فلوسهم من خلال طيبة الناس وعطفهم على الشعب السوري
نسيبي يشتغل بالوطنية وأنا أتكلم عنه بكل صراحة ومو لأنه نسيبي أستر عليه, لا أنا أقول الحق وما أخاف إلا من ربي, سوالفهم كلها جذب بجذب ويلفون ويدورون بس عشان يورطون العميل
يا أخي تبي أكبر جذبه عندهم وللأسف ماشية على الكل ؟ وسالفة تضحك وتبكي بنفس الوقت ؟
سالفة خدمة ويانا وغيرها, إلي يقولك أدفع 50 دينار وتحصل على 2000 دقيقة مجانا !!!
لحظة.. أنا كأني سمعت كلمة مجانا.. عدل ؟ انزين وين الشي المجاني ؟؟ تقصدون الـ2000 دقيقة ؟ عيل أنا دافع 50 دينار على شنو ؟! مو للـ2000 دقيقة ؟ عيل ليش تقولون مجانا ؟!
تشوفون الجذب ؟! تشوفون النصب ؟! وتبون تثقون فيهم انهم يتصدقون عنكم ؟؟
تبون تثقون بالشقراء الي تلبس فوق الركبه والي عطرها مداه 100 كيلو وتأمنون فيها بصدقاتكم ؟؟ ولا تبون تعطونها رجال من بيت الزكاة أو لجنة العثمان أو غيرها إلي خيرهم واصل وسط غابات أفريقيا ويبون رضاء الله وحده ؟؟
شوفوا الرفاعي والسميط والعثمان, ما شاء الله يملكون ملايين لكن استغنوا عن الدنيا وكرسوا نفسهم لخدمة الله, ماراح يطمعون بدينار أو دينارين من المتبرعين وراح ويصلونها بإذن الله, أما شركة ترفع عليك قضية بس لأنك ما دفعت 20 دينار تبون تأمنون فيها ؟!
آسف عالإطالة لكن من حر مافي قلبي وللتنويه فقط
انما الاعمال بالنيات يا اخي اذا انت شاك بشخص او لجنه لاتشكك الناس معاك واحتسب الاجر في دعوتك للخير