Q8Ping
مقالات مشابهة
نشرت رويترز قبل قليل خبر عجيب جداً
فرق الانقاذ وبالتعاون مع الشرطه السويديه كانت تقوم بجولات حول مدينة اوميا شمال السويد يوم الجمعة (17-فبراير-2012) واذا بها تجد سيارة شبه مغطاه بالكامل بالثلوج وعند تفقد السيارة وجدو رجل ٤٥ عاماً في المقعد الخلفي للسيارة بداخل فراش (Sleep Bag) بالكاد ينطق وحالته الصحية سيئة للغاية فتم نقله إلي مستشفى جامعة أوميا وهو يتعافا حالياً .. الرجل ذكر انه محبوس في السيارة منذ تاريخ 19-ديسمبر الماضي .
سبحان المحيي المميت
ودي اصدق ودي بس قوووووووووووووويه هههههههههههههه
شدعوه هالثلج خلاه ينحبس طول هالمده؟؟ وشلون ما توفى والثلج ينشف الجسم وشهرين بالسياره؟؟
بطل الماي بالسياره اقعد الصبح احصله مجمد بعد مو ادمي!!
شهرين !!
بو هاني ودي اصدق بس قويه قويه
سبحان الله
ودي ودي اصدق بس قويه قويه خوووو ارفس الباب وطقها كعابي ههههه
صعبة تتصدق.. أول شي بخلاف الماي وانه راح يتجمد.. قولوا ما تجمد مثلا, لكن من وين يجيب الماي !!
يعني معقوله كان تارس السيارة 60 بطل ماي ؟!! مستحيل.. حده حده 4 أو 5 بطول
خلوا الماي.. مثلا كان عنده 60 بطل ماي.. انزين شلون يتنفس ؟!! أكيد السيارة كانت جاماتها مسكره عشان يتدفى, شلون قدر يتنفس لما تغطت سيارته بالثلج ؟!!
لا صعبة تتصدق حيل لأن الجسم يتحمل 5 أيام إلى أسبوع بدون أكل وشرب, ويتحمل 20 يوم بدون أكل.. هذا دبلهم ثلاث مرات لا قوية