Q8Ping
مقالات مشابهة
وصل إلي الكويت الشكل الجديد من سيارات تويوتا لاندكروزر .. مع بعض التغييرات التي يراها البعض جميلة .. ولم يتغير الشكل من الداخل سوى بعض التحسينات .. شركة الساير ستقوم بـ عرض السيارة غداً في مجمع 360 .. ويبدو ان الاسعار ارتفعت عن الموديل القديم بنسبه بسيطه .. ومن وجهه نظري الشخصية ان سعر السيارة اصبح مبالغ فيه لدرجة انه وصل إلي 16,500 دينار لأقل فئة وبدون اي اضافات .. ما رأيكم هل يستحق هذا المبلغ ؟
httpv://www.youtube.com/watch?v=ulalTDGmQsQ
YouTube Link
الساير ماعندهم اي مصداقيه، قبل شهرين اخذت موديل 2011
وسألتهم كذا مره عن الشكل راح يتم نفسه حق موديل 2012 ولا يتغير
وجاوبني انه راح ينزل نفس الشكل،
للأسف بعض الشركات تنتهج هذا النهج قبل اي موديل جديد او قبل اي عرض قادم ..
ومافيها شي لو يعطون تنويه للناس لأن بالنهايه الي ماعنده استعداد يدفع اكثر ماراح ينطر الشكل الجديد الي راح يكون بسعر اغلى ..
بالمناسبه .. لو انك عملت بحث بسيط بالأنترنت .. جان كتشفت انه راح يتغير الشكل
طالما في ناس تشتري .. نعم يستحق
ولكن النسخة الاكبر ترى كم سعرها ؟ أعتقد فوق الـ 22 الف واذا صح كلام أحد الاشخاص من داخل الوكالة انه سيصل الى هذا الرقم فاللكزس راح تشعلل سياراتها
ماكو الا الكيا .. شكل وضمان وسعر 🙂
بالضبط .. سعر فئة VX-R
22,900 KD
هم بيوصلونها لسعر اللكزس الظاهر ..
للعلم وكلاء سيارات الخليج أرخص ومواصفاتهم أفضل
قبل يومين كنت في قطر .. مازاراتي رياضية كاملة المواصفات بسعر 43 الف دينار وبالكويت فوق الـ 60 الف دينار
الرولز بالكويت 120 الف وفوق وهناك أقل من 110 آلاف
أعتقد باقي السيارات نفس الحسبة مو أقل من 2000 دينار أقل اذا مو أكثر
اما مواصفات الكويت فحدث ولاحرج
لا ابدا لايستحق على الاطلاق بل ان وكلاء تويوتا يستغلون السمعه والطلب الكبيرين على سياراتهم لطرحها بأسعار خرافيه قاربت اسعار بعض الموديلات الاوروبيه الفاخره على العلم ان تويوتا تفتقر لأدنى مستويات الفخامه والتميز بعكس منافساتها وحتى الكوري منها بدأ يتقدم بمراحل على منتجات تويوتا ولكن كما قلنا هي السمعه ولا شيء غير السمعه ما يطرح ذلك السعر المرتفع وشعوبنا المغيبه التي لا تخرج عن ثلاث اساسيات ( نوكيا – بيبسي – تويوتا ) على العلم ان نوكيا بدأت تخسر هذا العام لتواجد منافسه قويه من شركات الاجهزه الذكيه ولربما هذا ما سيحصل لتويوتا
مثل ما قلت .. السمعه .. عندنا بالكويت الكل ماخذ ان اللاند كروزر جودة عالية ولما تكون صاحب السيارة وتستهلكها بضع سنين .. راح تكتشف ان فيها عيوب وخرابات .. حالا حال اي سيارة
لكن عندنا السمعه عامله عمايل
أنا توني ماخذ أودي.. والأودي بالسمعة تعال أخذ.. موصلينها بالأرض.. لكن من خلال بحثي, عرفت أنها السيارة رقم 1 بالعالم وأفضل سيارة على مدى 25 سنة بألمانيا وإلى اليوم تعتبر أفضل سيارة أوروبية.. والكويتيين الله يهداهم يقولون خرابات وخرابات.. فعلا السمعة أهي الي تحدد.. شوف الحوادث الي صارت من اللاند كروزر ومشكلة مثبت السرعة, لكن الناس لي الحين تحبه, وشوف الأمان بالأودي وشوف اختبارات الحوادث فيها, لو تتعلج السيارة يطلع الشخص ولا كأن فيه شي بفضل الله, لكن ما يحبونها
فعلا اذا كنت تبي تشتري شي, لا تسأل.. أبحث بنفسك, لأن الناس تعطيك رايها بدون ما تكون مجربه, تسأله من وين يبت هالمعلومات ؟ يقولك سمعت جذي.. يعني كل الي سألتهم عن الأودي والي عددهم أكثر من 50 شخص, ولا واحد عنده أودي ولا حتى مجربها من قبل.. بس يعطين فتواوي عالهواء
تويوتا سيارة ممتازه
لكن الساير بدأ يصيبه داء الجشع والطمع
لكن لن تغفر له جوده تويوتا عن طمعه
انا املك سيارة تويوتا وسوف ابيعها لارتفاع سعر قطع الغيار بشكل كبير.
المشكله بأن التويوتا عوار قلب ما نقدر نستغني عنه أبد
مالك غير الكامري
واذا نبي نتكلم عن الكامري .. فـ سعرها الحالي مبالغ جداً فيه .. وجودتها جميع الاطراف متفقه انها انخظت عن مستواها بالسابق
جم سعرها؟
فوق 7 الاف دينار…
بعض سيارات تويوتا جودتها عالية وبعضها لا مثل الكامري الجديد اي كلام
بالنسبه للاسعار وخصوصا اللاند قوي نعم ولكن لا يستحق هذا المبلغ
اضف لذلك قطع الغيار ترتفع كل سنة بلا مبرر وكذلك الزيت والفلتر وخدمتهم الفاشله
تغيرات عاديه بدل الصطابات تصيرلك ٢٠١٢
اعتقد الحل بهالاسعار الغالية هو اقرار قانون منع الاحتكار…
خلكم على الهونداي والكيا شوفو الشكل والله السيارات الغاليه يخزونك والي تقولون خرابات بدام الواحد يحافظ عمره الشي ما يخرب بسرعه
ما اتفق معاك اخوي. انا سيارتي بأكياس الوكالة ومحافظ عليها عدل, لكن اختربت معاي
تلفوني البلاك بيري توني شاريه ولزقاته لي الحين فيه,, اخترب بدون سبب
الأيفون مالي شاريه من بريطانيا ومحافظ عليها حيل حيل.. طفى ومو راضي يشتغل والمحلات قالولي مايتصلح
وشوف بعض الناس الله يهنيهم, يطقون رصيف ويقحصون ومايسوون سيرفس ويسفطون السيارة بالشمس ومو محترمينها, وتقعد عندهم 20 سنة ما تخترب
ونفس الشي بالتلفونات, لي مزلغ ويطيح منه مليون مرة ويشحنه لما ينام وما يشيل الشحن الا اذا قعد ويستهلك التلفون حيل لي درجة ارقامه تنمسح, وتلقاه شغال معاه 100% مع انه صارله عنده 5 سنين (خصوصا البلاك بيري تلقى ارقامه ممسوحه ومزلغ حد امه لكن لأن البن ماله حلو ما يبي يستغني عنه وتشوفه شغال طبيعي)
كرهة شركة تويوتا بسبب الساير اسعاره خياليه يالحبيب شنو خليت للمرسيدس !
اشتري الماني تكنلوجيا وشغل عدل ابرك من تويوتا لاتقولون جوده كلاش فاااااضي
قبل أمس أخذت لكسز اليديد و الحمد لله مقتدر على عشرة منة بس صدمني السعر !!! أنا كنت عايش بقطر كان عندي الشكل اللي قبلة أخذتة بأقل من ثلاثين ألف بمواصفات و لون خاص و بالكويت بواحد و ثلاثين اللي مع زوائد
شسالفه عاد يا الساير انت قاعد تبيع لنا سيارات نتمشى فيها ولا سيارات مصفحه …. اسعار خيالية يعنى بعد جم سنة اقل درجه يكون 25 الف كل شي جايز هذا ما استبعد عن شركة تويوتا .
صراحه تويوتا حسافه محتكرها الساير عندنا بالكويت اغلا الاسعار واردا المواصفات بعدين ترى طايحله يلم اغراض من السكراب ويركب بسيارات الزباين
اللي يبي يشتري لا ينسى يركب فاصل على تانكي البنزين عشان اذا مافصل مثبت السرعه يفصل البنزين عن المحرك
الاوربي الافضل شيء
الناس تدري ان السعر غالي ومبالغ فيه ! لكن سبب الشراء هو البيع !
مجرد ما تكون عندك تويتا وتوديها للسوق ستين الف واحد يبي يشتريها جنك بتبيع ذهب ! علشان جذي السوق مازال قائم !
ولا لو تجي للسياره فهي ممتازة ولكن سعرها –خرافي–
ال ر ب ع رايحيين يشترون نصحتهم قلت لحد يشتري توتا اول مانزل برادو شكل جديد ازعجنى اخوى وخليته يشتريه لانه كل شى متغير فيه لاكن عقب سالفة مثبت سرعة وانا من زمان مانى مقتنع بسعر هاذى الشركة اليابانية ولشريطية يتاجرون بالسمعة مثل سمعة نوكيا وايفون المخنز الناس تحسسك انه مافى بالدنيا غير تويوتا وشركة ابل ياناس افهمو بسكم تقليد انا الحمدالله عندى رنج واروح فيه كل مكان فيه اراضى وعرة داخل السعودية الف كيلو داخل البر جرنبنا توتا مانفع ماقدر يدشها غير رنج والنيسان وابوشنب وg500مرسدس جيب الحرب العالمية وجيب الملوك تلفونك لازم اندرود اوبلاكبيري اولاند روفر
اهنى روح البر ورد بيتكم وغسل سيارتك تحس انك قاط فلوسك على شى ماهوخسارة واهل الانتخابات والاسواق خلكم على توتا الشريطية حقكم من كثر ماتحبون فلوس تفكرون لازم بالبيعة مساكين شابت روسكم وشكرا
وتظل اللاند هي الاسطورة رغم الحرب عليها
والدليل…. جربها في الطرقات الوعرة !
مبالغ في سعره لانه التغيرات شكليه وبسيطه والساير مايصدق خبر ويزيد السعر حتى لو زايدين برغي على السياره يرفع سعره والعذر انه في إضافات
يا عمي التيوتا شركة فاشله لا تصميم حلو ولا مواصفات خرطي
مادري على شنو معلقين عالتيوتا
حبيبي روح للالماني و شوف السعر و الشكل و المواصفات فرق السما عن الارض
الصراحة السعر مبالغ فيه و الله مايسوى
راح و رجع يتم طايوطا
اقط عليه المبلغ هذا لييييييش ؟؟؟؟؟
و الاسعااااار خياليه !!!!!! ليييييييش ؟؟؟؟
و الكل يدري ان دول الخليج اسعا هم ارخص من الكويت بجميع السيارات
السؤال منو الي يخلي الاسعار تشب نااار
عندك يوكن دينالي الوكاله عندنا يبيعه بـ 16.700
و بسعوديه بـ 13.000
وفي عقليات تقولك اخذ السياره من الكويت علشان الكفاله
ههههههههههه
جنه بيموت اذا ماكفلها الوكيل
و بالنهايه الالماني ماكو عليه
الماني و بس
اللاند كروزر سعره بالإمارات يبدأ من ١٩٥٠٠٠ درهم الي ٣٠٥٠٠٠ درهم الله يعين جم السعر بكون عندنا؟!
http://www.drivearabia.com/news/2012/02/24/toyota-land-cruiser-2012-debuts-in-the-uae/
شكله سخيـف , كامري 2012 = كورلا ههههههه
تيوتا بكبره يفشل ….
شفر وبــــــــــــــــــــس
مثل ما قلتم شباب الناس ذبحها التقليد
جربوا الباجيرو ها شرط مكينة 3.8
كثير من الناس جربوه ويمدحونه صج جيب