Q8Ping
مقالات مشابهة
كما ذكرت لكم قبل اسبوعين (اضغط هنا) بأني قمت بطلب تظليل حراري من شركة LLumar الامريكية .. عن طريق موقع Tintzoom.com وكانت طلبيتي لـ ثلاث سيارات .. عبارة عن تظليل لجميع نوافذ السيارة بالأضافه إلي الزجاج الامامي والخلفي .. الزجاج الامامي شفاف 100% اما الجانبي نسبه بسيطه جداً .. وكانت الطلبيه عبارة عن قطعة لكل نافذه جاهزة للتركيب عدا الزجاج الامامي الذي يأتي (رول) كامل لكي تقوم انت بتقطيعه ..
قيمة شراء التظليل لجميع نوافذ السيارة + الزجاج الامامي والخلفي = 44 د.ك
قيمة الشحن = 8 د.ك
قيمة التركيب = 25 د.ك
السعر الاجمالي = 77 د.ك
طبعا هذا السعر للسيارة الواحدة .. علماً انني قمت بالأتصال على (شركة أبكس) في منطقه الشويخ والذي يطلق على نفسه الوكيل الحصري لشركة LLumar في الكويت والخليج .. على هذا الرقم – 24835522 – وقال لي ان تكلفة تركيب التظليل الحراري لديه هي 200 د.ك .. وبعد الخصم سيكون السعر 170 د.ك اي بزيادة عن تكلفة الشراء من الخارج بحوالي 93 دينار ..
وللعلم .. ان تركيب التظليل سهل للغاية ويمكنك تركيبه بنفسك كونه مقطع وجاهز لكل نافذه بإستثناء الزجاج الامامي الذي يحتاج لتقطيع وقد تستطيع ايضا تركيبه بنفسك لكن بكل امانه لا انصحك ..
–
نصيحتي لكل شخص يريد شراء التظليل كما فعلت انا:
– لا تفتح عبوه التظليل الا بحذر لأن من الممكن وبدون احساس قد تقوم بتكسير وتشويه شكل التظليل .
– في حال رغبت شراء التظليل لأكثر من سيارة انصحك وبشده شراء (رول) كامل وعدم شراء لكل سيارة على حدى لأنك ستوفر مبلغ كبير .
لقرائة اكثر عن طلب التظليل الحراري من النت – اقرا هذا الموضوع –
اخوي جم نسبه التظليل ؟
الحراري هل له نسبات معينه مثل التظليل العادي ولالا ؟؟
أعتقد أن يستخدم نفس النسب بالنسبة لنسبة التظليل
مشكوووووووور بوجاسم
علي أي شركت شحن
بارك الله فيك
بس لا تنسى الكفاله الي تصير على التظليل و الحمايه
اهنيك على المجهود الذي قمت فيه واشكرك على النصائح المقدمه
شكراً على جهودك يابطل
عليك بالعافيه
استفدت من موضوعك ١٠٠٪
سؤالي: وين ركبته؟ و شلون جودة التركيب؟
آنا جربت للومار من ٣ سنين
و الجوده بصراحه لا يعلى عليها
مشكور اخوي على الموضوع القيم طلبت من الموقع وكلفني ٤٢ دينار وناطر يوصل
اخوي وين ركبتة وشلون شغلهم
مشكور اخوي على الموضوع القيم طلبت من الموقع وكلفني ٤٢ دينار
اخوي وين ركبتة وشلون شغلهم
شلون النتيجه مع الحر ؟ يخفف الحرارة بفعاليه ؟؟؟؟
يعطيك العافية اخوي
بس عندي سؤال وين ركبته بالكويت ؟؟ لو تعطيني اسم المحل
مبروك تركيب التظليل و نتمنى تذكر لنا المكان اللي ركبته لأنه باذن الله شحنتي بالدرب و يعطيك الف عافية على الموضوع
يا جماعة الخير اللومار يعتبر افضل نوعيه ولا في نوع افضل
و هل هالنوعيات من التغييم تتحمل حراره شمس الكويت لانه
اغلب التغييم مع الوقت و الحراره يطلع فيه تنقيط او يكشف لونه
و بالنسبه للجام الامامي و الخلفي هل تم التركيب من الداخل او من الخارج ؟
و اخيرا ياليت يالغالي تحط اسم المحل اللي ركبت فيه التغييم او رقمه
الف مبروك و عليك بالعافيه 🙂
اخوي محمد .. وين ركبت التظليل؟
يا ليت تدلنا على المكان و هل شغلهم مظبوط؟
بالمبارك يا الحبيب
اخوي انا شريتها من نفس الموقع قبل سنة بس اخذت رول كامل ورحت محل تظليل كويس لانها سهله التركيب كلفني الرول ١٠٥٠ ريال سعودي وركبنها علي اربع سيارات طلعت التكلفه ٢٥٠ ريال سعودي
لو مركبها هنا بوكاله لومار كان كل سيارة كلفت ١٦٠٠ ريال سعودي
اخوي ممكن تنزل شرح كيف اطلب رول كامل
لأني ادور بالنت ومالقيت شرح طلب الرول
أخوي الله يطول بعمرك رد علي بسرعة لأني أبطلب هالأيام ذي ولا أعرف كيف اطلب رول كامل يكفي لأكثر من سيارة
اي واحد يعرف كيف الطلب ياشباب يرد علي الله يطول بـ أعماركم .
شكرا على المشاركة
اخوي محمد بغيت اعرف لون التظليل وهل في اللوان ولا هو لون واحد لاني دشيت الموقع مالهم وما لقيت مكتوب شي عن الالوان . واسف على الاطاله وشكرا
مبروك عليك يا اخوي
بس عندنا جم استسفار يفيد كل شخص يقرا الموضوع
١- جم نسب الجامات الجانبيه الي طلبتها وشلون درجة عتمتها ؟ هل هي مخالفه للمرور ؟
٢- شنو المحل الي ركبت عنده وهل عطاك كفاله تركيب ؟ شلون جودتهم ؟
واتمنى في النهايه تعطينا انطباعك عن التظليل وعن درجة عزله للحراره والرؤيه وياليت ترفق صوره نهائيه للموتر عشان نشوفة العتمه
مبروك عليك يا اخوي
بس عندنا جم استسفار يفيد كل شخص يقرا الموضوع
١- جم نسب الجامات الجانبيه الي طلبتها وشلون درجة عتمتها ؟ هل هي مخالفه للمرور ؟
٢- شنو المحل الي ركبت عنده وهل عطاك كفاله تركيب ؟ شلون جودتهم ؟
ياليت ترفق صوره نهائيه للموتر عشان نشوفة العتمه
مبروك عليكم ولكن لم أجد في الموقع إختيار شراء الشفاف الأمامي!
أرجوا المساعدة
وشكرا
انا طلبت و بالفعل وصل لي من امريكا بس واجهت مشكلتين انا المنتج يختلف عن الي بالكويت مقارنه في سيارتي الي ركبتها عند لومار قبل . والمشكله الثانيه الي ركبلي نفس المحل الي بالصوره و قصهم مو نظيف و فجت علي جامه بعدها بيوم. ارجو ان ترشدوني على محب تركيب افضل
السلام عليكم
اخوي ما عليك امر .. والله حست بالموقع مالهم احاول اطلب للكويت ما قدرت ..
ياليت تشرح لنا الكيفية : (
والله اكون شاكرلك
اخوي قبل لاتطلب لازم تسجل بشركات الشحن مثل ارامكس او دي اتش ال تفتح لك صندوق بريد يكون باسمك مدى الحياة تقريبا 30 دولار وتقدر تشتري اي شي من امريكا وتحط عنوانك الي بامريكا هذا بعد ماتسجل يرسلون لك ايميل فيه عنوانك بامريكا
واول ماتوصل البضاعه لعنوانك في امريكا راح توصلك لين بيتك بعد ٣ ايام
انا ودي اخدم بس مشكلتي ماعرف اشرح زين
بس تقدر تدخل موقع البوابة الرقمية – قسم التجارة اللكترونية راح يساعدونك وتشوف تجاربهم وتستفيد