Q8Ping
مقالات مشابهة
httpv://www.youtube.com/watch?v=JwsxqRG0AAM
حلقة من برنامج (الرئيس) على قناة لاين سبورت السعودية .. يستعرض اعتداءات الطلاب على الاساتذه ، والتي وصلت إلي حد استخدام الاسلحة الناريه والاسلحه البيضاء .. وتحطيم سيارات الاساتذه .
YouTube Link
1:25 له مستقبل في عالم الاجرام
ونعم التربية
ما اقول الا الله يعز الكويت..وشعب الكويت
الريال ما قال شي غلط قال الصج وحاطين ماينس!
الله يا كثر الحاقدين على الكويت
والى الاخ محمد كان المفروض تمنع التصويت على تعليق الاخ نايف منعا للفتن…
أنا كويتي ولا قاعد أدافع عن السعودية لكن أحب أقولك ان بالكويت يسوون جذي بعد.. روح الصليبية والجهراء والمناطق العاشرة مع احترامي الشديد لهم لكن القصد ان عندهم عزة نفس ومايرضون ان المدرس يغلط عليهم
يعني الناس الي ما تسوي سواتهم ما عندهم عزه نفس!؟
شهالعقلية المتخلفة…
النساء ناقصات عقل ودين.. فعلا عقليتج متخلفة ولا ودي أرد عليج لكن كرامتي تجبرني أرد على المتخلفين أمثالج وأعلمهم الصح.. الي اقصده ان عندهم عزة نفس ومايرضون المدرس يغلط عليهم, أما الي ما يراددون المدرس فهذيل أهلهم معلمينهم احترام المدرس.. يعني النوعين زينين, مو الي ما يرد على المدرس ماعنده عزة نفس يا متخلفه
يا اخوان انا من السعودية
وصدقوني ها النوعيات من الطلاب تحصلونهم في القرى
مثل ( الخرمة – بيشة – الغريف – رنية – القويعيه – المزاحميه )
ويطلق عليهم ~ همج .. لجهلهم وعقلياتهم المضمحله وتربيتهم بالشارع …
لاكن المدن والمناطق مثل الرياض – جدة – الشرقية – الطايف – ابهاء وكثير
مستحيل تحصلون مثل هذه النوعية من الطلاب / واللي زار السعودية يعرفهآ ~
اخي الحبيب اختلف معك في ان هذة العينة لا توجد الى في القرى بل مدارس القرى اكثر احتراما من مدارس المدن لان اهل اقرى ذو مبادء انا خريج ثنوي من الرياض قبل سنتين واؤمن بان التعليم في السعودية يهدم مايربية البيت
هذا التقرير يتكلم عن سقوط هيبة المعلم ولاكن ماخفي كان اعظم
فالمخدرات والانحراف السلوكي هي ما لا يستطيع الاعلام السعودي التطرق له
اخي اتمنى منك ان تقبل وجهد نظر من طالب انا اكتب وقلبي يعصر حزن على 12 سنة تعلمة فيها القليل وهدمت من اخلاقي وقيمي الكثير
هذا مينتجه الفساد “مدارس الفساد”
شوف انت وجهك لاتذكر اسماء ولا تعمم
انا من بيشة لكن ما أرضى هذا الكلام
لكن اللي متعجب منه نفيك القاطع
أن الأشخاص اللي في التقرير ماتلقا
أشكالهم في المدن اللي ذكرتها .. كلامك أصلا كله متناقض ومردود عليك
الحمدلله بالكويت للحين الناس أوادم …
في اسوأ من جذي بالكويت شكلك ماتعرف شي
التقرير يفتقد لاقل مقومات التقرير الموضوعي المتعقل المتزن ففكرة التعميم او الترجيح بان الاكثر في مدارسنا هو هكذا فيه ظلم واجحاف بحق الهيئة التعليمية كاملة وطلاب المدارس فتقريرك يختصر على ثلاثة مراهقين يرددون كلمات تطربهم ويتنشون بصورة لست الطفل القديم . كبر واصبح يستطيع ان يفعل شيء مؤثر في الحياة حتى لو كان جرم انجح عمليات اثبات الوجود بطرق سريعه للاطفال والمراهقين عهي خرق النظام التي تولد حاله من الاحساس بالاهمية وجلب الانتاه بطريقة مختصرة وسريعه واكثر اثارة .
تماااااااااااااااااااااااااما كالاعلامي الذي يبحث عن موضوع ليبحث فيه فيكبر بعض الاشياء بطريقة انشائية جميلة ومناظر تدعم الفكرة . مهملا كل اسباب النجاح الحقيقي المستند على حقائق بحب الظهور بغير المألوف ليخلق قضية تلفت اليه الناس . حقا انني لم اتوقع ان ارى مثل هذه السقطة الاعلاميه منك ياصلاح ولكن طريق النجاح يتخلله اخطاء بالتوفيق .
(ليس كل من عمل في مصنع الخمر يشربها)
بالكويت راح يصير جذي اذا ما علمنا اعيالنا احترام المعلم ، مهما يكون نسبة ان الطالب يكون اهو المخطيء اكبر من نسبة ان المعلم اهو الي المخطيء واللي من جيلي وتوه تخرج من الثنويه راح يحس بكلامي !!
ابي اعرف الي حاطلي تعليقي الاول (سلبي) بالضمه انا شقلت؟!
قلت الله يعز الكويت وشبعها وين الشي السلبي بالتعليق؟!
صج متخلفين
انت المتخلف لأن كلمتك هذا تدل على ان الكويت احسن من السعودية وأكيد راح يزعلون السعوديين.. بالكويت في جذي بعد فلا تقول الله يعز الكويت بموضوع التعليم وقول الله يعزها عموما ولا تخص التعليم
القضية ماهي تربيه اكثر ماهي حب السلطه لدى المدرسين
عندك كشف درجات وخل عنك العصى والضرب
اخوي ١٠ سنوات ماحل واجب مسك اصبعه المدرس واعكفه من المفصل لحد ماطق وانكسر زي الشكليه يصلح يكون مدرس اذا المدرس من الاساس ماهو متربي كيف تبي الطلاب يتربون الا حلال الي يجيهم ويستاهلون
عيب والله عيب وين الاحترام للمعلم وين ضمان حقوق المعلم هذى اخرتها المعلم يصير فيه كذا وبعدين الحبيب اللى يقول اطعنه واطعن والده طيب وين الفايدة وش اخرتها سجن وقصاص وبوس للجزم عشان يتنازلون عنك اقول يا مراهقين خل عنكم الهـــــــــــياط والكلام الفاضى والحبيب ابو مسدس افلح بدراستك احسن ما تشيل مسدس والله عيب دام عندك الجراة ترفع المسدس على مدرس روح على اسرائيل احسن اقعد هناك وصيد يهود مو احسن انا اشوف افضل …………الله يهديكم بس
صارت “كاد المعلم ان يكون مقتولا”
الله يعز الكويت..وشعب الكويت..ما مرت علينا بالكويت هل سوالف
ولله الحمد
بحكم اني مدرس وخبرة بهالمجال 9 سنوات أحب أقولكم تعليقي عن الموضوع :
فعلا مرات لازم ما نلوم الطلبة.. فعلا الطلبة مظلومين من بعض المدرسين.. واذا بلغ ولي امره عن الموضوع, ولي امره ماله خلق ويقوله يبه احترم المدرس وخلاص.. يمكن يكون الطالب محترم المدرس لكن المدرس مو محترم الطالب من باب الطائفية أو القبلية أو ايا كان.
أنا مثلا أقولكم عن خبرتي وعن موقف يصير كل يوم بمدرستي, أنا مدرس في ثانوية فلسطين بالرميثية واذا في متابعين للمدونة من مدرستي من الطلاب خل يأيدوني بالراي.. في عندنا مدرس مصري مايدرس كلش.. وظيفته بالمدرسة انك تشوفه يتمشى وراه 3 او 4 طلاب وتشوف معاه اوراق بإيده, تتوقعون شنو هالأوراق ؟ فعلا توقعكم صح.. تقرير بالطالب.. حياته بالمدرسة بس تقرير تقرير تقرير.. عندهم مدرس بالقسم مسك صفوف العاشر وهالمدرس مسك صفوف الثاني عشر والي أنا ماسك اشرافهم.. مابي أحلف لكن هالمدرسة اذا ما ياني باليوم مرتين يبي ورقة تقرير انا ما أفهم.. قاموا يخلصون اوراق التقرير الي عندي عليه.. وكل يوم يبي استدعاء ولي امر.. لين انفجرت وقلتله انت شنو ماعندك شخصية ؟ ماتعرف تفرض نفسك على الطلاب ؟ ليش كل يوم يايني تبي تقرير بطالب, يا اخي تعامل مع الموقف بخبرتك.
اولياء اللامور انترسوا بالمدرسة بس يبون هالمدرس.. لي درجة وصلت فيه انه يبي ولي الأهم يكتب تعهد مو بس الطالب.. مرة من المرات كنت موجود عن الاخصائي وكانت في مشكله مع هالمدرس ومع طالب عندي بالاشراف فحبيت احضر اللقاء بينكم.. تدرون شنو كتب المدرس بالتعهد ؟ كتب ان يتعهد ولي الامر ان اذا صار بسيارتي اي شي يتحمل تصليحها !!! أدري مو مصدقين لكن والله وبالله الله يشهد علي ان هالكلام صحيح وصار جدامي.. جان اقوم واخذ التقرير واشقه جدام المدرس وقلتله اضبط حالك لا يوصل هالكلام المنطقة التعليمية وتتفنش يا حمار.. هالكلام صار جدام ولي الأمر والطالب, واسم الطالب محمد الفيلكاوي 12د1 الي يعرفه يروح يسأله.. طبعا زعل المدرس ودش عالناظر وقال انا مابي هالطالب يداوم عندي نهائيا.. جان اصارخ عليه مو بكيفك ولا بكيف امك عبالك المدرسة مالت أبوك.. يبه الطالب راح يداوم عندك وقسما بالله اذا طردته من الصف انا راح اعرف شلون اتصرف معاك.. طبعا هدانا الناظر وحل المشكله ان خلى هالمدرس ما يدرس الثاني عشر.
طبعا هالمدرس لو اقول اسمه راح يعرفونه كل الطلاب.. اسمه أسامه مال التقنيات.. سألوا اي طالب بثانوية فلسطين عنه وراح يقولكم. طبعا هالمدرس أنا اعترف ان يبيله طق طق وكسر خشم ودوس عالراس.. فعلا يبيله الي يدوس على راسه.. احنا المدرسين باط جبدنا وملوع جبد الادارة.. حياته تقارير واستدعاءات وماكو دراسه كلش.. عنده اذا طالب طلع صوت بسيط على طول يلغي الدرس ويبي تقرير ويروح الادارة.. والله الحريم ابرك منه جنه ياهل.. احنا اذا صار موقف داخل الصف نعرف نتصرف ونخلي الطالب يسكت ومايتكلم بدون تقرير وبدون زف ولا شي.. انا اعرف احرج الطالب واخليه يستحي على دمه
في مواقف وايد لكن اختمها بموقف مع مدرس هم يستاهل الطق اهوا معانا بالقسم.. هذا المدرس ما يحترم الطلاب كلش ولا يلخص لهم الدروس وحياته بس اوراق عمل فيها اسأله والطالب يحلها بالبيت غير الواجب.. يعني الواجد والشرح كلهم بالبيت على راس الطالب.. وفوق هذا وقت رصد الدرجات عطى الطلبة كلهم 7 من 12 بدون ما يسوي اختبار قصير.. واذا دشيت عليه الصف تلقاه بس قاعد يقول : انا الكرفته هذي شريتها من الافنيوز.. والجاكيت هذا شريته من لندن.. وانا عديلي مدير كبير بالبورصه.. طبعا هالمدرس مصري مو كويتي.. هذا المدرس دايما يزف الطلبة ووصلت فيه انه يزف اولياء الامور.. صار موقف انه زف ولية أمر جان يقوم ولدها ويدق على خواله.. يو المدرسة 4 من خواله يبون يذبحون المدرس.. الادارة انعفست فوق تحت وياني رئيس القسم قالي أحمد تكفه روح حل الموقف في ناس يبون يطقون مدرس متحلفين فيه روح تكفه.. طبعا اول شي سويته نحشت المدرس من الباب الي صوب الملاعب عشان ما يصيدونه ورحت للأدارة, ولا اشوف الناظر بويهي شوي وييبجي قالي احمد تكفه تصرف مع هالموقف وطلعني من الموضوع, هذيل من قبيلتك وانا ماني قادر اكلمهم لأن واحد فيهم قاعد يتفلت علي.. قلتله الموضوع بويهي لا تحاتي.. دخلتهم غرفة الوكيل الي كان طالع بهاليوم وقفلت الباب علينا.. قمت اهديهم واقولهم الي تبونه انا حاظر وماراح اخلي الموضوع يعدي بسهالة.. هني من باب خبرتي قلت ابي استغل موقف اختهم, قلتلها تدرين لو اخوانج طقوا المدرس, ترى راح توصل لي المخفر وفيها غرامة ويمكن ينامون بالنظارة, رد علي واحد من اخوانها عادي يا احمد والله نوصلها لي أبعد من جذي أهم شي عندنا كرامة اختنا, قلتله انت الحين وباجي اخوانك هايجين وزعلانين عشان اختكم وانا اعذركم, لكن انا قاعد اكلم اختكم لأنها اهي الي شافت الموقف بعينها وأدري انها مقتنعه ان الموضوع ما يسوى.. قلتلها اذا تبي المدرس وتبين اخوانج يطقونه حاضر الحين اييبه لج, لكن انا ادري انج مقتنعه من داخل ان الموضوع ما يسوى.. ظبعا انا اخترت الأخت لأني أدري انها مقتنعه ان الموضوع مايسوى واساسا الولد اهوا الي دق على خواله, واهي ماكانت تبي مشاكل.. هني اقتنعت البنت جان اقولها يرحم والديج قولي جم عمر المدرس.. جان تلتفت على اخوانها وقالت فعلا المدرس شايب وماعليه شرها.. قلتلهم والله هذا الصج تراه شايب حيل وماتسوى تكبرون الموضوع.. هني اقتنعوا جان ادخلهم على الناظر واهما يضحكون ومستانسين.. وشربناهم جان وقهوة وطلعوا واهما منحرجين مني.. هني اقصد ان الخبرة تلعب دور وخليتهم من وحوش هايجة يبون الشر لي ناس خجولين من الي سووه ووصلت فيهم لي انهم تأسفوا مني وواحد منهم حب راسي.. هذي الخبرة الي اتكلم عنها الي تستخدمها بحل المشاكل, مو تقرير واستدعاء وخرابيط.. احلفكم ما يستاهل هالمدرس الي سوى هالمشكلة الطق والدوس على الراس ؟؟ ما الوم الطلبة فعلا في مدرسين احنا نكرههم.
طبعا هذا غير المدرس الي يسأل طالب طالب : أبوك بيشتغل إييييييييه ؟
هذيل فيلم بروحهم مابي اتكلم عنهم لا اكسر الكمبيوتر من القهر.. هذيل الي صج مال طراقات بالنعال.
آسف عالأطاله بس حبيت اذكر جم موقف من المواقف الي تصير بوظيفتي
نحن عنا بمدرسة خاصة بالسالمية بدون ذكر اسماي
في مدرسين ما يشرحون اصلا او يشرحوا غلط عشان ناخد عندهم خصوصي
شكو تقارن الكويت بالسعودية شباب السعودية اكثر من شعب دويلات الخليج
اذا الله احيانا وكثر شعب الكويت بعد20 سنة واكثر يصير اجرم شعب بالخليج اذا ماتطبق الدين الصحيح الاسلام ترا اللى طلعو بالمقطع شوية ورعان مهايطية محببة شلة مخدرات كانو بمدينة او فى قرية صاحب المخدر المريض مايعرف ولا يرد على الدين لاكن لكل داء دواء السجن والقصاص لاكن بالبداية التربية وحرق تجار ومهربين الله يعين السعودية محاطة بالمكيدة افضل دولة تطبق الشريعة لاكن المرض بالشعوب العربية والاسلامية انقتلنا بالمقلدين للغرب الكافر والتاجر الفاجر وشكرا
ياخوك حسسني حنا جايين من القمر..ترى نص جماعتي عايشين بالسعوديه..بس حنا بالكويت ما وصلت فينا المرحله ان نتصرف مثل هل تصرفات..والي مو عاجبه ان قلت الله يعز الكويت يروح يشرب من ماي البحر..الكويت دره ودانه الخليج و وديمقراطيه وشعب عسل وتنوع وحريه وحقوق انتخابيه وحقوق انسان ومافي تفرقه بين الصباح والمواطن بالعكس مرات احنا صرنا فوق الشيخ..وهل شي ما تحصله بكثير من دول الخليج والعالم العربي مع احترامي لهم (اكو دوله خليجيه يطيح رئيس وزرائها ويشيلونه من مكانه غصبا عنه واهو ولد الأسره؟ حبيبي في ديمقراطيه وتطور وثقافه بالكويت سابقه دول الخليج بخمسين سنه قدام..لا يغرونك جم عماره وبنايات دبي..الكويت تطورها بشعبها ..وشكرا
الله يرحم ايام اول
هذي بركات منع الضرب في المدارس
البهايم هذي ما ينفع معها الا الضرب
والي ما تربى في بيته يتربى في المدرسة
نحن عنا بمدرسة خاصة بالسالمية بدون ذكر اسامي
في مدرسين ما يشرحون اصلا او يشرحوا غلط عشان ناخد عندهم خصوصي
السلام عليكم ورحمة الله
في كل مكان فيه الصالح والطالح
بالكويت بالسعوديه بأي مكان
وحنا عرضنا الفيديو مب مسخره ع السعوديه لا
هاذي جرأه قليل من يملكها عرضناها نريد حلول
لها ..
اذا بتعالج المشكله صارح ..
وان شاء الله المعلمون يختلف اسلوبهم واسلوب مسايرت الطلاب..
ترى الطلاب بسن مراهقه مراهقه ركز.. ترى المراهقه شي مب هيين .. ممكن تكون مضاعفات
والمدرس بيكون كبير وفاهم ويعرف يلينهم ..
وترى اعرف مدرسين زاحفيييييييييييييييييييين لاخر درجه
وتحب .. استغفرالله .. الله يعين ويصلح حال الجميع يارب..
والله مساكين المدرسين 🙁
هذولا واضح من لهجتهم انهم ( بدو)
البدو انواع الهياط
اجل يداوم بمسدس
ويييين يابوي , صرنا بشيكاقو !!!!
الله يفكنا شرهم بس
انا اليوم جآني آخوي الصغير بـ صف سآدس !
قآل لي نواف .. و بنبره كلهآ برآءه طفل !
قلت له وش فيك ؟
قال المدرس الفلآني اليوم ضربني ضرب و شآتني و طيحني على الارض و شآتني
و رمآني برآ و رحت للوكيل آشتكي مآ صدقني قآل لي آطلع فوق بس !
وقلت له ليه وش سويت آنت !
” قآل انا وقفت اعدل بنطلوني و جلست و جآني و ضربني ”
و بكرة بروح له بمفك عجل انا و 4 من آصدقآي
و بعدين بروح للوكيل و لو حصلت بلعن خيره !
يعني لا تقيسون التربيه بتعآمل المدرسين
فيه مدرسين وصخين و لوطيين و ينزلو درجآت الحلوين و قد صآرت
و على لسآن الرآوي يقول المدرس نزل درجآتي و قآل لي لو تبي آعدلهآ لك الحقني على مكتبي بعد 10 دقآيق و يقول كآن بيغتصبني لولآ اني آنتبهت و خليك اثنين يلحقوني و لو نآديتهم يدخلون و نضرب المدرس كلنآ و يقول ضربنآه الين
و فيه مدرسين تستحي انك ترد لهم طلب من كثر آحترآمهم للطلآب
يعني من الطرفين لآبد تكون فيه آخطآء و آخطآء الطلاب دآيم المدرسه تكون بجآنب المدرس
و ااما اآخطآء المدرسين ف الحل عند آوليآء امور الطلاآب
آخوكم من السعوديه و تحديداً من “الريآض ” عآصمه المملكه
محب لآخوآني الكويتين