Q8Ping
مقالات مشابهة
اجازه لمدة اسبوعين استمتعت فيها بالتجول في الريف النمساوي والمانيا .. واعتقد ان لدي الكثير عن تجاربي هناك سأنقلها لكم بين الحين والاخر .. وكل الشكر للأخ فيصل على ادارة المدونة في الفترة السابقه ..
سأحاول التطرق بين الحين والاخر لبعض الاماكن التي زرتها هناك وكتابه مواضيع منفصله عنها .. وإليكم بعض الصور التي التقطتها عدستي خلال رحلتي التي شملت العاصمه النمساويه فيينا وصولاً إلي زلمسي ثم العوده إلي ارض الوطن عن طريق ميونخ .. كل الشكر للأخ صالح الوشمي على ادارته للقروب الذي كان يحمل ٣٢ شخص من بينهم اشخاص كنت اعرفهم بالسابق واخرين تشرفت بمعرفتهم .. واعتقد انها لن تكون رحلتي الاخيره مع قروبات (ابويوسف) … وستتابعون لاحقاً بعض المواضيع عن رحلتي معهم .
تكلفه الاشتراك في القروب كانت 720 دينار .. والاخ صالح الوشمي يقوم بتنظيم اكثر من رحله كل صيف لأي شخص يريد التسجيل في الرحلات القادمة معه يمكنه ارسال رساله قصيره لـ هذا الرقم ـ 99084888 ـ وسوف يتم ابلاغه عند تنظيم اي رحله قادمة مع تكاليفها .
لقطه في مطار أتاتورك (ترانزيت)
لقطه من رحله الباخره في نهر الدانوب في ريف الباخاو
لقطه في بحيره زلمسي
رجل الثلج في إحدى قمم جبال الألب
ابويوسف (قائد الرحله) وبعض الاسئله والمسابقات في الباص
احد التلفريكات في كابرون
قصر الشانبرون
الحمدلله على السلامة
إحازة ممتعة
ربي يسلمك يالحبيب
الحمد لله على السلامه اخوي محمد
انا ماعمري رحت مع قروب بس ودي اسافر اخر ٨ وودي اجرب سفره القروبات
شلون طريقتها وهل لهم اوقات معينه ولا شلون ؟
وشلون اعرف قروبات ممتازه
اذا عندك شي تقدر تفيدنا فيه
انا بالسابق كنت انتقد القروبات .. وكنت اروح كل سنه اوروبا وحيد وأستأجر سياره .. لكن لقيت القروب راحه بال اكثر وغير جذي متعه التجمع والتعارف جداً حبيتها
في كل ديره تروح لها تروح لاكثر من رحله .. انصحك بصراحه بتجربه القروبات .. وهي توافيق فيما يخص الاشخاص الي بيشاركونك بالقروب ..
صورة البطه عجيبه نزلها انستقرام 🙂
ههههه عيونك الحلوة حبيبي ..
الحمد الله علي السلامه أخوي محمد
و نشكر اخونا فيصل .. براحه امتعنا بالفتره السابقه .. ولاكن فيديوهاته كلها حوادث وجرايم 🙂
وانقولك اخوي محمد نورت الديره … بس ماقلنا اشلون اخونا بوفلان بالسفره 🙂
بشر كليت من مخبز إلي وصيتك عليه اسمه مالار مال المعجنات في ميونخ ؟
الله يسلمك حبيب قلبي .. والله ميونخ كنت لاهي بالسوق مو صوب المطاعم
بوفلان خوش صاحب بالسفره والله … ياحليله استمتعنا انا وياه بالتصوير
اخ يازلمسي مناظر ولا اروع ذكرتني باشتراكية قديمه 🙁
ههههه يازينها والله
الحمدالله عالسلامه
واتمني وضع تقرير كاملاً لتعم الافاده
وعساكم عالقوة
ربي يسلمك … اي بأذن الله قريباً
الحمدلله على السلامة
امتعتنا بصورك على الانستغرام 🙂
يسلمك ربي حبيبنا .. من ذوقك
الحمدلله على السلامة يالحبيب والحمدلله انك استمتعت بالسفرة
و شكرا لابوغازي الحبيب على ادارته للمدونه 🙂
الله يجزاك خير يالحبيب ..
صور جميله يعطيك العافيه , بس حبيت اسئل اذا القروبات عوايل بس ولا فى قروبات شباب , وبس حق النمسا والمانيا ولا فى بلدان ثانيه ؟؟
عوائل .. وفي اكثر من خطه (فينا زلمسي ميونخ ) – (ميلانو جنيف زيورخ) – (باريس دزنيلاند لندن) … واكثر من خطه لو تتواصل مع الاخ بويوسف يفيدك اكثر .
:(( بس انا مو متزوج
روح ويا أمك :p
حمدلله على السلامه
إنت رايح عائلة ؟
وشلون العائلة مع القروبات
الله يسلمك – ممتازه
الله بسامحك , الوالد والوالده متوفين ….المهم الحمدالله عالسلامه
عسى ربي يرحمهم برحمته
الله يرحمهم ان شاء الله ومايمنع انك تتزوج وتروح رحلة
واذا شباب شوف لك شلة محترمة ودق سلف وياهم
صباح الخير ابو يوسف لو تكرمت تفيدنا هل هذه الخطه زينه حق عشرة ايام الى ميونخ 2 يوم بادن بادن 2 يوم وزيلامسي 3 ايام واخيرا ميونخ يوم. اود ان اعرف الاماكن الحلوه القريبه. ايضا موضوع استئجار السيارة بالنسبه للاسعار واي معلومات مفيده اخرى. السفره لشخصين.