Q8Ping
مقالات مشابهة
قمت قبل قليل بإستلام اجهزه الايفون التي قمت بطلبها من أبل لي ولأفراد اسرتي .. وتعمدت ان لا اتوجه لشركات الاتصالات بل استكشف موضوع شريحه النانو سيم ومحاوله قص وترهيم الشريحه القديمه على الجهاز الايفون فايف .. وهذا ما حصل .. فـ بالبدايه قمت بقص (كرت) على شكل نانو سيم .. وتجربه تركيبه في المكان المخصص بالأيفون فايف .. ثم قمت بوضع ذلك الكرت على شريحه المايكرو سيم القديمه .. وبدأت بالقص .. ليكون مثل الحجم تماماً .. ثم حاولت تشغيل الايفون بهذه الطريقه (وهنا المفاجأه) اشتغل الايفون وتعرف على الخط مباشره دون الحاجه لما كان يتم تداوله ان شريحه النانو سيم انحف فبالتالي تحتاج إلي حف او برد .. لم اجد اي مشكله في وضع الشبكه ….
الخلاصه .. كل ما نحتاجه الان هو (خرامه) او مقص لقص شرائك المايكرو سيم .. لتعمل على الايفون فايف .. والامر اسهل بكثير من ما كنا نتصور .. فلا داعي للقلق ولا داعي للتوجه لشركات الاتصالات واخذ نسخه النانو سيم ..
السلام عليكم
أولاً مبروك الجهاز وبعدين ماعليك أمر حبيت اعرف من وين اخذته أمريكا ولا برطانيا ومن أي دوله تنصحني أخذه لأني ناوي اشتريه قريب انشالله . شكرًا
من بريطانيا ..
تسلم على الموضوع
حتى انا امس قصيتها واشتغلت بدون مشاكل ومثل ما قلت ماله داعي الواحد يروح شركات الاتصال
ربي يهنيك بالجهاز يالحبيب
كفو والله …. مبروك عليك الايفون الجديد … ممكن كم استفسار …
انا طالب جهازين من ابل بريطانيا … عن طريق ارامكس … اتوقع انت نفسي … ابي اعرف كم اخذوا الجمارك و ارامكس … و هل كان فيه اي تعطيل من الجمارك او ارامكس …
اكون شاكر لك …. و مر ثانية مبروك الجهاز الجديد
يبارك فيك يالحبيب
الشحنه الي طالب فيها جهاز واحد كانت بـ خمس دنانير و٧٥٠ فلس
والشحنه الي كنت طالب فيها جهازين ٨ دنانير
والشحنه خذت بالجمارك ٣ ايام
انا الشحنة اللي طالب فيها جهاز واحد بخمس دنانير و ١٥٠ فلس ليش انت ٧٥٠ !
مبارك عليك الجهاز الجديد ،الله يعطيك خيره و يكافيك شره
الله يعينك الحين ، إذا نجحت تجربتك في قص الشريحة مع الغالبية العظمى من الناس، تكون خربت على شركات الإتصالات التجارة إللي من الممكن يحصلوها من بيع الشرائح النانو
شركات الاتصالات تقدم النانو سيم مجاناً … لانهم بس يقصونه لك
اخوي ماعليك امر لو تسوي موضوع عن السماعات الجديدة وشكرا
تكلمت عنها بالإنستغرام الاسبوع الماضي … ممتازه جداً
اوكي مشكوور
شف شف شف سمين طويل :/
نفس الحالة بس قاصينه وجاهز في شركة زين !! مع انهم ذاكرين انهم يملكون شريحة النانو
والله كنت حاس انهم قاصين الشريحة وماعندهم Nano SIM
المهم ان اجهزتي اشتغلت وهذا الأهم
شكرا بو شيخة علي التجربة
العفو يالحبيب … ويتربى بعزك جهازك
هناك ايضا خرامه فقط ضع شريحة الهاتف واكبس عليها لتخرج لك شريحة النانو صاحبي شراها من حولي
تستاهل مبرووووك الايفون
يبارك فيك يالحبيب
ما شاء الله عليك انا ما ضبطت معاي !!
شلون اقص بالضبط ؟؟
يعني لازم اقص من النحاس اللي بالزوايا لكن وين اقص اكثر من اي طرف!!!
مبروك عليكم جميعا الايفون ٥.. بس هل خدمه ال LTE شغاله مع فيفا او زين ؟؟
مشكوووور على الموضوع يالغالي مع اني شخصيا انصح بالخرامه
والسبب بسيط اولا انها ادق في المقاسات ثانيا بالامكان اعاده
النانو سيم لوضعه قبل الخرم ماكرو سيم و بالتالي استخدامه
للاجهزه التي تعمل على الماكرو سيم …
السلام عليكم اخوي انت رديت على تعليقي لكن ما اقدر اجوفه لاهنت ارسلي ياه مره ثانية
من بريطانيا
مبروك و تستاهل كل الخير أخوي محمد
سؤال صغير… شنو موضوع كرت اليفيشن؟
🙂
يبارك فيك .. كرت الفيشن لقيته جدامي خذيته وقصيته عشان اخذ قياس النانو سيم
يعني حطيت كرت التجربة بالنص وقصيت ؟؟
عليك بالعافية يارب اتهنى فيه ان شاء الله
السلام عليكم ورحمة الله وبركاته
سؤال الايفون 5 لو خذيته من بريطانيا بيشتغل في الامارات ول لا .. يعني التلفون بيكون بدون لوك
يرجى الافادة لاني ناوي اشتري واحد وحبيت اتاكد قبل لا اشتري وعقب اتوهق
ومشكووورين
وعليكم السلام
بريطانيا مفتوح على كل الشبكات
و الله يا انك مربح أبل يا بو جاسم
السلام عليكم ورحمة الله وبركاته
اولاً يعطيك العافيه ومبروك عليك الجهاز
ثانياً: محد نكر او قال ان مايصير تقص الشريحة بمقاس النانو
لكن المشكلة : بأنك راح تفقد ميزة النانو الي اهي : السررررعه
وهذا الكلام مو مني بس !! هذا الكلام حتى بالمؤتمر لما طرحوا الايفون5
_
اختصاراً للكلام : انت سويت هذا الحل كـا حل مؤقت مجدي وممتاز
لكن نصيحة : اول ماتعلن الشركات : روح اخذ النانو سم : وجربها ودعيلي 🙂
تحياتي لك
كلامك غريب نوعاً ما … لان انا شفت المؤتمر مرتين ومالاحظت انهم قالو لازم شريحه جديدة القص ما يفيد …
ثانياً الشريحه شنو علاقتها بالسرعه .. مسئله حجم .. ولو تلاحض الي انا قصيته كله بلاستيك الشريحه الكامله موجوده ..
اخوي جم طلع عليك الجهاز بروحه
اشلون اذا ابي واحد الطريقه سهله
يااريت تساعدني واكون شاكرلك
أو سمحت عاود اعرف سعر الجهاز من بريطانيا
السلام عليكم
أخوي حبيت أستفسر أنا شريحتي النحاسي فيهآ تقريبا دآئري مو مستطيل
تنفع تنقص أو راح تخرب علي ؟؟؟؟؟؟
لا ما تنقص اذا كانت كبيره