Q8Ping
مقالات مشابهة
كما تشاهدون في الصور اعلاه .. صديق المخلص الايفون .. (بيض) الله وجهه .. وهذا ما كنت اتمناه من قبل لكن حال بيني وبينه ستيف جوبز .. حينما تدلع علينا بـ بتأجيله أكثر من ثلاث مرات والاخيرة الي اجل غير مسمى
كانت لي زيارة لأحد الورشات الخاصة بـ تصليح الايفون .. (ورشة مايكل الصيني) وتحدثت مع الفنيين بخصوص الايفون الابيض ووعدوني بتوفير قطع غيار يحول الايفون إلى ابيض كان هذا النقاش قبل حوالي شهر .. واليوم اتصلت عليه وقال لي ان القطع متوفره
تم تغيير الكفر تغيير جذري كما تشاهدون .. ولو راهنت احدكم انه جاء من المصنع هكذا لـ ربحت الرهان
التغيير استغرق حوالي نصف ساعة .. نصف ساعه من الوقوف فوق رأس الفني خوفا على الايفون لكنه اثبت لي انه فنان بكل جداره
تقييمي للجهاز بعد التغيير فوق الممتاز .. بكل صراحه اقول لكم زاد اعجابي بتصميم الايفون 4 خصوصا الابيض
جودة الغلاف الحالي .. بوجهة نظري لا توجد اختلافات بنسبة 9\10 … والواحد هو نقاط سوداء فوق السماعه الامامية
وهي نقاط السنسر لكن هي موجوده بالأيفون الابيض كما هو موجود بالصورة على النت
الفك والتركيب بكل صراحه لم يأثر على الجهاز ولا حتى على ملامح المفاتيح اسفل الايفون
السعر … هنا تكمن المفاجأه
بعد الاتفاق مع الاخ فارس … مالك ورشه مايكل الصيني .. قرر عمل خصم خاص لكل متابعين مدونة كويت بنق وله جزيل الشكر ..
السعر الطبيعي .. 50 دينار .. وبعد خصم متابعين المدونة 40 دينار (شرط ان يأخذ الكفر الاسود)
المحل في حولي شارع بن خلدون .. مجمع الملا بالسرداب .. تليفون الورشة 66228596
ويمكنكم إظافة الاخ فارس على الواتساب والاتفاق معه على هذا الرقم : 94475050
اتمنا الاستفاده للجميع .. وتباً لستيف جوبز وجهازه الابيض
جيد ماشالله وزين تسوي راح تكون فعلاً مميز ^^
بس ٤٠ دينار سعره ممتاز بس يوم قريت انه ياخذ الكفر الاسود غيرت الفكره.
لا تعطيه الكفر الاسود
زيده 5 دنانير
انا انصح الكل يحتفظ بالكفر الاصلي .. لانه اصلي مهما كان
ممتاز وعلى البركة
وموفقين خير بهذي الخدمة
تحياتي
مبروووك تكسره بالعافيه بس ماقلت لي يقدر يسويلي كفر وردي :$ امنيتي يصير الايفون وردي
بالتوفيق لكم
وصراحه عرض حلو
بس مثل ما تفضلوا
افضل ما تعطي الكفر الاسود
والله شوف كتغيير حلو بس شكل السنسر الي فوق مش طبيعي 🙂
بس غاااالي جدا صراحه
صراحة الشكل حلو
بس حرام تحط خمسين دينار على كفر وفوقها ماخذ الاصلي
ما شاء الله
عاد انا من المعجبين بالآي فون الابيض
الله يباركلك فيه
يبارك في عمرك يا عبدالله
مهما كان يا شباب حرام تدفع 50 دينار على شي مو أصلي.. غير جذي حرام تركب شي مو أصلي على جهاز قيمته 370 دينار.. وهم حرام تستغني عن كفر أصلي مقابل كفر تجاري
مبروك وشكله حلو
بس سعره جنه غالي وليش ياخذ الكفر الاصلي :\
مبروك انشالله تكسرة بالعافية
مثل ماذكروا الاخوان السعر غالي شوي
بس اخوي انا سمعت ان الكفر الابيض يسبب تداخل الفلاش مع الصورة بشكل خاطئ وقت التصوير بالظلام
يعني نور الفلاش يدش على العدسة اتمنى انك تجرب وتبلغنا النتيجة
عدل كلامك .. الفلاش بالليل سيء يأثر على الصورة
شرايك اصدمك واقولك انه هذا هو السبب في تاخير الايفون الابيض 🙂
والسبب الثاني هو تغيير لون زر الهوم بوتن بعد الاستعمال لفترة وجيزة ابل
مبروك وعليك بالعافيه بس اظن انه الكفر مميزاته مو مطابقه لمواصفات الايفون لآنه راح يسببلك مشاكل بسيرفس لو تلاحظها واحتمال مثل ماقالك اخوي العجمي احتمال بتصوير يتغير معاك عموما الكفر الابيض الاصلي يختلف شوي عن هذا والمفروض ماخليته يأخذ كفرك الاصلي لآنه يبيعه ويربح فيه دبل وفوق هذا عطاك كفاله على لون الكفر مايروح ومضمون ولا لا 🙂 والله يباركلك فيه
بيني وبينك التليفون كـ لون اكثر من رائع .. وموضوع تغيير اللون ماأعتقد لان مبين جوده الكفر عاليه مو مثل ما تتصور
بالنسبة لي مايفرق عن الاسود من ناحيه الجودة والمتانه
اشكر الاخوه وجميع التعليقات الطيبه اولا بخصوص ان السعر غالي أنا أقولك اقعد عالنت واطلب الكفر الابيض مال فور وبعد ماتطلبه وتشوفه وتعال عندي بالورشه وقارن بنفسك بين اللي عندي واللي انت طلبته من احد المواقع الامريكيه وراح تشوف الفرق الشاسع بين الجوده واللون والملمس .. وثاني شي اللي يقول هذا بالتصوير غير والكامرا ماتشتغل .. يااخوان اللي
يتكلم او يحب ينصح بالعكس نحب النصيحه ولكن تكون مصدر ومحل ثقه ومن شخص يكون فني محترف يفيدنا عن هذه
الإجابات اما إحنا كل واحد يحط من عنده … وثالث شي أنا ابدله لك بسعر ٤٠ بس بشرط تعطيني البدل ولك حق الاختيار اما انك تزيد ١٠ دنانير زياده وتاخذ شاشاتك القديمه. .. وغير هذا لو تعلمون بربحي بالتبديل بالكفر ويعلم الله انها مافيها الربح اللي يرضي الجميع لكن كما عودتني قناعتي وكما تعلمت من السوق وهو كسب الزبون .. ويعلم الله اني كان ممكن اجيب اقل جوده ( ابوطقه) وربح كثير لكن الكنز الذي لايفني ههذا المثال اللي دائما حكمتي .. أنا واحد مثلكم ومغير جهازي الي اللون ابيض . … عموما لكم حق الاختيار وشكرا
مسؤول ورشة مايكل الصيني
شكله حلو وبالبركه رح تكون مميز
لكن بصراحة سعره غالي ومبالغ فيه
انا اشوف حده ١٥ الي ٢٠ دينار
والكفر الاصلي لو يعطيني الابيض بلاش ما افرط فيه
شدعوه 50 دينار على كفر تجاري تصنيع الصين !!
تلقى قيمته 5 دنانير اذا مو اقل
لا وتاخذ الاصلي اللي قيمته بالشي الفلاني !!!
بصراحه مينون اللي يتنازل عن الكفرالاصلي ويركب تقليد
وفوق هذا يدفع فلووووس !!!
اناواستغرب من الاخوان اللي يقولون انه صيني ومو ذيج الجودة ؟؟
الريال ما قال انه مصنع بالصين وحاط سعره وخالص وروح بنفسك وشوف الجوده ، اذا عجبك اخذه واذا ما عجبك ما تشوف شر
اقول الله يوفقك اخوي وان شاء الله لي زياره قريبة جدا
بالتوفيق اخوي ^_^
يالطيب 50 على شنوو كفر منصجك انت ولا اتغشمر ولابعد تجاري وتبي الكفر الاصلي غريبه صراحه تقيم الكفر الاصلي ب10
وكفرك ب50ومواصلي
عشنا وشفنا
شكل وايد حلو عليك بالعافية
بسم الله الرحمن الرحيم
اللي يقول انه مو مصنوع بالصين ماعنده سالفه صراحه
اذا الايفون بكبره مصنوع بالصين كيف الكفر مايكون مصنوع بالصين!
و اخوي نصيحه لوجه الله حاول تخفض اسعارك
لان بالنت واحد يبيعها من foxxon المصنع الرئيسي لشركة ابل بسعر اقل 🙂
هديل الاجانب يحاولون يمصون مخابينا مص شنو اشتري كفر تقليد ب40 دينار واعطيه كفر اصلي بعد واقول للمدونه ارجوكم لاتحطون اعلانات فيها شبها
انا بدي اشيريه بس ما عندي نقود اطلب من الشركة تعطيهوا هدية
سؤال بره موضوع الايفون
خيوووو الورشة تضبط اجهزة ابل؟ عندي ماك بروو ومو قادرة اسوي له ابديت
وتنزلون برامج؟ لاني صج تعبت الابل كل شي بفلوس خخخ
اذا ما فيها كلافه ابي الرد على الايميل يمكن انسى المدونه
وعليكم بالعافية الاي فون الابيض
سلام الله على الجميع
بالنسبة للاخوان الي معترضين على ان الكفر صيني
يالحبايب الايفون كله صيني
الاصلي صيني
اصلا ما في ايفون الا وهو صيني
بعدين هذا مو شي ضروري هذي خدمة الي يبي حياه الله ولا ما يبي حياه الله
الف نوع كيس وكفر للايفون موجود الي من الذهب والالماس كل شي بسعره يالحبايب
السلام عليكم
حبيت اسألك اخوي هل ركبت الكفر علي الشاشة القديم ولا لازم تغير شاشة و كفر امامي وخلفي وزر الهوم والخ…؟
وهل اقدر اجيبه عندكم وتغيرون الكفر الامامي والخلفي وزر الهوم من غير الشاشة(يعني علي نفس الشاشة القديمه)؟
اهلين اخوي فيصل
انا عن نفسي .. غيرت الامامي والخلفي وطبعا زر الهوم
والشاشة والكفر الامامي .. مع بعض .. ما ينفصلون ابدا
.. وانصحك الاحتفاظ بالكفر الاصلي ..