Q8Ping
مقالات مشابهة
في شهر أغسطس الماضي … أوقفت شركة زين خدمة بوراشد الأخبارية، بعد المسج الذي أرسل
( لو كانت الرجولة بطول الشنب لكان الصرصور سيد الرجال، ولو كانت الأنوثة بحجم الصدر لكانت البقرة سيدة النساء ) تحت مسمى حكمة اليوم ، وذكرت الشركة أنها اوقفت الخدمة نهائيا وستتخذ جميع الإجراءات القانونية لحفظ حقوق مشتركيها وحقوقها.
وخدمة بوراشد معروف عنها التعليقات الساخره ذات المستوى المتدني ..
لكن يبدو لي ان شركة زين لم تكن جادة في كلامها فـ الخدمة حاليا عادت إلى عملاء زين منذ ايام ..
وإليكم الاعلان الحالي للخدمة وبه الرقم الخاص لعملاء زين ..
الجدير بالذكر ان خدمة بوراشد هي ملك دار الوطن وبأشراف الاعلامي ثامر الدخيل
الله يعطيك الغالين على هالبوست فعلا عن نفسي لو اتوقع عودة
للخدمه بس الظاهر الوطن تدخلت بالموضوع نقدر الخدمه وحرفيتها ولكن
مايعيبها تعليق صاحبها على الاخبار وهي ك العاده تستفز البعض وبغير
محلها والغريب والعجيب انه كل شي مو عاجبه وكل شي يعلق عليه تبيها
سياسيه مايعلق إلى على البعض تبيها اقتصاديه هم يعلق واذا ما لقى
تعليق يحدس وواضح للجميع ان بو راشد غير حيادي
الخدمات الاخباريه وايد وانا تقريباً اتابعهم كلهم عن طريق
تويتر وأكثر خدمة تعجبني اللي الخبر اييك بدون تعليق شخصي ومن الخدمات
الاخباريه اللي تعجبني سراي نيوز
شخص بنظري يوجه حسب ما توجهه الجريدة .. وإين هي مصلحة الجريدة .. أو ملاك الجريدة بصورة أدق !
فلا أقتنع لا بما يرسل أو ما يقول إن كان هذا مبدأه !
ولكن هنا قال كلمة حق بقناة باطل !
🙂
بو راشد يقول كلمة حق في عبيد الوسمي بقناة سكوب 28 ديسمبر 2010
http://www.youtube.com/watch?v=AubGZKAHHkM
ج
شي طبيعي جدا انها ترجع لان هالشغله مو غريبه على شركه مثل زيــــ!!ــن
اتعس شخص تاخذ منه الاخبار لدرجة انه قام يستهزأ بالناس
واسلوووبه بالحضيض وكريــه هالشخص
اكيد بدام في مصلحه للشركه اكيد يرجوعها
اكثر من نص الكويت مشتركه فيا
موضوع قديم وانحلت المشكله بس مو بسبب هالمسج
ولا ليش الوطنيه وفيفا ماوقفت خدمته ؟؟
الشباب صايرين نفس مجلس الأمه بس يدور سوالف داثره
بصراحة انا اشتركت بأغلب الخدمات الأخبارية الراي – الوطن وسكوب وأفضل خدمة اشتركت فيها خدمة بوراشد والأخبار توصلي اول بأول مع تعليق حلو يطيب الخاطر..