Q8Ping
مقالات مشابهة
ملعب
Green Point Stadium
… الصراحة معمار رائع … ومع حق جنوب افريقيا انها تفتخر فيه …
الملعب يستوعب 68 الف مشاهد … بس كم تكلفته ؟؟
تكلفتة كانت فقط 330 مليون دولار … يعني 97 مليون دينار كويتي ؟
بس متي بلشوا فيه ؟
العقد بدأ في سنة 2007 وتم تسليم الملعب وافتتاحه العام 2009 ؟
اما ملعب
Nelson Mandela Bay Stadium, Port Elizabeth …
يستوعب تقريبا 48 الف … الحقيقة ان المواقع الرسمية لجنوب افريقيا ما حددت الرقم الحقيقي …
بس موقع اكد ان التكلفة 1.7 مليار دولار … تقريبا 500 مليون دينار كويتي …
وطبعا الملعب هذا بلشوا فيه سنة 2007 وتم التسليم سنة 2009…
بـ آختصار خلونا نقول .. ان ملعبين تم تسليمهم باقل من سنتين ..
اما استاذ جابر الاحمد الدولي … تتوقعون متي بلشوا مجموعة الخرافي فيه …
تخيلوا … سنتين ؟! طبعا لا
ثلاث سنوات ؟! طبعا لا
خمس سنوات ؟! طبعا لا
المشروع بلشوا فيه سنة 2000 … واحنا الحين بسنة 2010 …
عشر سنوات … وللحين ما تم افتتاح مشروع استاذ جابر الاحمد الدولي …
استاذ جابر انشالله بيفتحونه اذا صار كاس العالم بالكويت … يعني مطولين بعد
بس والله توني ادري ان هالملاعب بنتها مجموعة الخرافي …
حتى بورت غالب الي بمصر … يقولون انه وايد حلو
المشكلة ليش ما يسوون شي جذي بالكويت ؟
لا وبعد في منتجع كبير في جنوب افريقيا
وبورت غالب مايمدحونه كلش ..
احنا والله ما نحسد غيرنا بس الي يعورالقلب استاد جابر
جم تكلفته ؟؟ مقابل التكلفه هناك
والاهم .. انه الي الان ما شفناااه بعيونه !! وكل يوم يطلعون اشاعه وانه ما يصلح
احنى راضين بس خنشووفه