Q8Ping
مقالات مشابهة
ابلغتني شركة نسكافيه من دبي قبل ايام انها سترسل لي آله صانعه للقهوة بأنواعها ( Nescafe Dolce Gusto Genio) .. لكي اقوم بعرضها في المدونة واشترطت على الشركة ان اقوم بعرضها بدون اي مجاملة كما هو الحال في اي تقرير اقوم بكتابته لكم ..
الآله صغيرة الحجم يمكنك حملها ووضعها في اي مكان .. تقوم بصنع القهوة بأنواعها سواء كانت باردة او ساخنه بواسطه مُعلبات صغيرة تحتوي على القهوة والحليب بمختلف بنكهاتها .. (Caffe Americano – Caffe Lungo – Caffe Lungo Decaffeinato – Cappuccino – Cappuccino Ice – Caramel Latte Macchiato – Chococino – Dark Roast (Caffe Grande Intenso) – Espresso – Latte Macchiato – Mocha – Peach Ice Tea – Skinny Cappuccino – Vanilla Latte Macchiato – Chai Tea Latte)
بالنسبة لآليه صنع القهوة في هذه الآله .. فقط تقوم بتعبأه القهوة ماء من الخلف .. وفي حال اردت صنع نوع معين من القهوة وضع (علبه) القهوة المختارة في الآله .. واختيار حجم الكأس او الفنجان المطلوب وتشغيل الآله علماً ان العلبة الواحدة تكفي لـ فنجان واحد .. وإلكم فيديو قمت بتصويرة لكم لعمل انواع مختلفة من القهوة .. لكي تتضح لكم طريقة الاستخدام اكثر .
httpv://www.youtube.com/watch?v=SPJeRvKigTI
YouTube Link
بالنسبة للطعم فهو بكل أمانة لذيذ واعجبني كثيراً .. اما بالنسبة لسعر الآله فهي متوفرة في اغلب المتاجر على الانترنت بسعر 30 دينار كويتي اضغط هنا
*تحديث: صانعة القهوة من نسكافية .. متوفرة في الكويت لتفاصيل اكثر – اضغط هنا
–
–
هذا والله التقرير السنع 🙂 أنا والله شفتها قبل ساعة بمدونة ثانية ! ما حبيتها كلش وحسيتها عادية جداً .. بس بعد تقريرك أخوي والله تغيرت فكرتي للجهاز وحبيته خاصة الفيديو دخل الجهاز بخاطري .. مشكور والله ما ننلام في حبنا لك قبل المدونة تتعب على التقرير ولك حسك الخاص المشوق 🙂
بالعافيه
والله شكلها ممتازة وسريعة
ماتسوي كرك ؟ p;
تقرير جميل يازميل
تسلملي حبيبي ..
من ناحيه السرعه .. سريعه ونص بعد
اعتقد السعر معقول مقارنة بالانواع المختلفه من القهوه اللي تقدمها … موضوع جاي بوقته مع حملة مقاطعة ستاربكس 🙂
الله يعطيك العافيه…مدونة رائعه من شخص مبدع كالعاده!
صراحة مستغرب
نسبريسو حسب علمي شركة تابعة لنسكافيه
ويبيعون ارخص ماكينة ٧٠ دك وماتسوي الا الاسبرسو
هذي ارخص ومتنوعة
غير صحيح اخوي .. مكينه نيسبريسو تسوي اسبريسو و لونغو وكابوتشينو ولاتيه .. شوف المكينه هذي بالموقع nespresso delonghi latissima premium ..
الحقيقة شرح وافي وجاري طلب الآلة من موقع نستلة 🙂
نسكافيه حبيبه الشعب ,, و ان شاء الله يكتفون بزياده اسعارهم الاخيرة و لا يوصلون لمرحله الجنون مثل بعض الشركات
باعتقادي تظل مكينه قهوة نيسبريسو وهي ايضا من شركه نستله افضل بالنسبه لعشاق القهوه .. انا جربت المكينتين وافضل Nespresso .. لكن عيب نيسبريسو انها اغلى سواء جهاز او قهوه .. http://www.nespresso.com والمحل في مجمع ٣٦٠ ولكن اغلى من خارج الكويت
هل يمكن استخدام الحليب السائل مع هذه الماكينة؟؟
لأ .. لان فيها خزان واحد فقط للماء ..
الحليب المستخدم هو المركز الي يكون عبارة عن بودره داخل الكبسوله
أنا شفتها في دبي مووول قلت حق أختي تشتريها حق أمي لان تحب قهوه بس ما أشترتها :p
شلون يعني نحط داخلها حليب بودره..وبالنسبه انها موجوده بالكويت هل متوفر بعد علب القهوه والنكهات؟؟
وشكرا لنقل مثل هذي المواضيع المفيده
لا نحط فيها هذي العلب بس نختار نكهه معينه ونحطها
يعطيك العافيه عالتوضيح بس لاتنسى تذكرلنا اذا كانت متوفره علب النكهات بالكويت وشكرا..
أبو حميد مقطع الفيديو غير متوفر .. وبصراحه شدني الإعلان ..
شاكر لمجهودك .
هلا حبيبي .. شغال الفيديو
تفضل الرابط
http://www.youtube.com/watch?v=JqWpSJC9dUQ
محمد، بصراحه اتوقع الشركة انصدمت بتقريرك، و الأجمل مقطع التصوير بسيط و راقي جدا، مع حركة للكاميرا احترافية
عوافي
ممكن تذكر للفائدة كيف عملت المقطع، احس انه آيفون، و برنامج ايموفي؟
المقطع بكل اختصار
كامرتي كانون
https://www.q8ping.com//13016.html
وبرنامج اي موفي كما ذكرت .. فقط
جميل جداً انه اعجبك
وشكرا على الاطراء
shakelha 7da eshaweq nbe en3rf tafa9el al79ol 3leha o men wen 🙂
صانعة القهوة من نسكافية .. متوفرة في الكويت
https://www.q8ping.com//22814.html
ما أعرف عن هذه المكينة لكني أفضل نسبريسو ..
عيبها غاليه لكنها ممتازه جداً جداً جداً وألذ من ستاربوكس مع إني من أكثر من ١٠ سنوات ولا أقرب منه، بل حتى أذمه وأكرهه ..
لكن هاذي تنفع في المكتب ..
اخوي اللي انتا جربتها هذي اليدوية ولا الإلكترونية ؟
إلكترونية
لي تجربه قديمه مع مكائن نستله وكانت مشكلتهم بالماء الدافى لا اعلم هل حرارة الماء بهذه الماكينه جيده ؟
لدي مكينة Nespresso موديل Pixie وحسب ما ذكروا في أحد الفروقات أن حرارة الماء أصبحت أكثر ..
وللمعلومية فقهوة الإسبريسو لا تُشرب وحرارتها عالية بل أكثر من الدافئة بفرق بسيط ..
تصوير الفيديو ممتاز حيل
شكرا كويت بنق
بيض الله ويهك قول امين …
كنت ابيها من فترة وكنت خايفة تطلع اي شي …
مشكور على تجربتك وشكرا للشركة اللي دزتها لك ..
جذي التقارير الي تفتح النفس للمنتج
التصوير للمقطع يا محمد مسوي شغل ماشاء الله
الله يعطيك العافية
جاري الشراء خصوصا اني من مدمني القهوة
مشكور على التقرير المميز ، في البداية ضننت أن التصوير منقول من موقع الشركة ، لكن بعدها انتبهت انه من تصويرك.
ماشاء الله تصوير وعمل مميز.
الآلة نزلت الامارات في كارفور وسعرها تقريباً 400 درهم وشوي.
للأسف عندي آلة أخرى بنفس طريقة العمل متوهق معاها لأنها غير متوفرة في الدول العربية ، دائماً أطلب العلب وقطع الغيار من الخارج وهذا مكلف.
عكس هذه الآلة الي متوفرة بعلبها.
يعطيك الف عافية على المدونة الروعه
عن هالالة نزلت دبي كارفور شفتها اليوم وسعر الاتوماتيك ٧٥٠ درهم والعادية ما ركزت في سعرها….
يعني تقريباً نفس سعرها في الكويت..
بس سعرها في النت طبعاً أرخص بس بحسبه بسيطه لو طلبتوها من برا عن طريق ارامكس ….
راح تطلع نفس القيمة اللي معروضه. في المحلات اللي عندنا..
لإن اعتقد مع بوكس الشحن وزنها لا يقل عن ٤ كيلو وتعرفون شركات الشحن وتزيدهم…أنا سويت حساباتي شفت تطلع مع الشحن يمكن أرخص بشي بسيط…
يعني ما يسوي تطلبها من النت
غير هذا كارفور قالو لي إن في عليها ضمان سنة …ولو زيدت ٤٠ درهم اعتقد يصير سنتين….وكتيب التعليمات عربي…لان الشركة اللي منزلتنها نستلة الشرق الاوسط..
بس شي واحد مو موفرين غير ٤ او ٥ نكهات يمكن…..ولما سألت الحرمة اللي تعرضها قالت اول يشوفون إقبال الناس عليها وإذا مشت بيجيبون زيادة نكهات…
بصراحه انا اليوم جفت الجهاز بكرفوور وبما ان انا اموووت في شي اسمه كووفي
قررت اخذها بس جفت تعليق الاخ كاتب سعراوتوماتيك ومادري شنو ابي اعرف شو سالفه هالشي
وليش السعر غير وجررربت الهووت جوكليت اليوم عجييييييييييب خلاص خلاص انا ماخذتها ماخذتها
صراحه عجبتني الاله لاكن انا بالسعوديه باي محل توجد؟ و ما فيه فروع في السعوديه؟ خصوصا بالرياض؟ و لوسمحت وين القاء التكهات اذا خلصت ؟و اقدر احط نكهات من عندي؟و يعني بكم بالريال السعودي ؟
أنا من السعوديه وين ألقاها مرره عجبتني وآنا مدمنه قهوه
للأسف غير موجوده في السعوديه ياريت لو احد عنده فكره يخبرنا … طيب انا ابي اشتريها من الكويت او دبي كم ممكن تكلف بشكل كامل
لو سمحت نقدر نتواصل معاك وترسلنا منها انا بالرياض ابغاها هذا الشهر اكون شاكره لك
🙂
تقدرون تطلبونها من امازون
الالة موجودة بالسعودية في ساكو و أي ماكس
مشكور وين الاقيها بالسعودية
وبكم سعرها بالريال السعودي اذا ماعليك امر
مشكور وماقصرت
الاله موجوده عندي في السعوديه حجم كبير وصغير كهرب 220 اوتوماتيك
الحجم الصغير 800 ريال +35شحن فيدكس
الكبيره 970ريال+35ريال
للتواصل 0549940022
انا جربت ال Nespresso والصراحه الشي الوحيد الي ماعجبني فيها هو الحراره كانت دافيه مو حاره مرره .. بالنسبة عندي استفسار عن هذي كيف حرارتها ؟
?how can we get a coffee machine with from nestla expresso company
its urgent …
تعطلت الالة عندي وين اقدر اصلحها بالرياض من هو وكيلها انا طالبتها من الامازون بليززز دلوووني باسرع وقت اشتقت للهوت شوكليت حقها
ممكن اعرف مكان تصليح هالالة الرائعة بالرياض من وكيلها لاني طالبتها من الامازون وتعطلت ابي اصلحها وين اروح دلوني
انا عندي الماكينة بس الخدامة ضيعت القلاص اللي احط فيه الكبسوولة،، وين احصل قطع غيارها ؟!
ممكن اعرف وين القاه في دبي ؟
السلام عليكم انا ترجمة للعربي اسماءانواع الكبسولات بس ماعر فت
ايش هو )نحيل كابتشينوا ) هباره عن ايش
وهل الشراب البارد الوحيد هو الكابتشينوا آيس الموجود في الآله
اتمنى اتفيدوني لاني ابغى اشتري منها
(كافيه أمريكانو – كافيه لونجو – كافيه لونجو Decaffeinato – كابتشينو – كابتشينو الجليد – كراميل ماكياتو اتيه – Chococino – الشواء الظلام (كافيه غراندي INTENSO) – اسبرسو – لاتيه ماكياتو – موكا – الخوخ كريم الشاي – نحيل كابتشينو – فانيليا لات ماكياتو – تشاي الشاي اتيه)
الاله متوفره في السعوديه بجميع الموديلات والألوان
والنكهات متوفر منها ٢٢ نكهه
واتس : 0532619467
أنستغرام dolcegustosa
السلام عليكم
تقرير حليو وسريع بس في شغله ما ذكرها وهي درجة حرارة المشروب
المشروب من مكينة نسكافيه للاسف اقرب للدافي من الحرارة … يعني القهوة تنشرب علي طول والا تصير باردة .. ما تنترك حتي لو دقايق
اما نسبرسو فكانت معاي مفس المشكلة ولكن لقيت لها طريقة بالنت في اليوتيوب تزيد درجة الحرارة شي بسيط ولكن ما تزال افضل من نسكافيه من هذي الناحية
لكن الي يميز نسكافيه هي تنوع النكهات الخفيفه يعني موكا و لاتيه فانيليا وهالسوالف … للناس الي تحب القهوة منكهة
مافي مكينة كامله لازم تتنازل عن شي مقابل الشي الي تميز في المكينة … نسبرسو تتميز بقوة قهوتها ونسكافيه بتنوع نكهاتها
بالنسبة للابره اذا انكسرت وين ممكن اصلحها
ماذا لو كان الماي حار يمكن يساعد بحرارة المشروب اللي مطلبه
اذا تبى حراره اكتر افتح الماكينه وانتظر دقيقتين قبل الاستعمال وس تذيد الحراره
هل اقدر اطلبها توصلهل لو سمحت
ما تصلح للاستخدام العائلي لأن الكباسيل غالية
وأعتقد إن ربحهم مو بس من الآلة لكن من بيع الكباسيل
وبعدين ما تقدر تتحكم بالنكهة
أحب الحليب بالنسكافيه لكن مرات إذا مصدعة أزيد القهوة ومرات أنقصها لكن مع الجهاز ما تتحكم
إضافة إلى أن الحليب بودرة وأنا أشربها بالطازج
فالطريقة القديمة العادية تظل أفضل … هذا رأي
ملاحظة : فيه طرق لإعادة تعبئة الكباسيل لمدمني الآلة
للاسف الشديد لا يوجد لها صيانه او مركز خدمات بالسعودية لتخربت او صابها شي توهقت ورمتيها
لازم قبل التسويق تأمين مراكز صيانه والا عيب عليكم توريط الناس انا عندي الة الدولسي قيستو وما تنزل مويا ولا حياة لمن تنادي
الالة فاشلة ولا تصلح بالسعودية
لا يوجد مراكز صيانه وخدمة ما بعد البيع
يعني بالعربي هدر فلوس
هدو للوقت والمال
الالة فاشلة بكل معنى الكلمه لا يوجد مواكز صيانه او خدمه ما بعد البيع في السعودية